服藥後感

 

親友們都擔心我既情況..

因為身體某部分出現問題, 回美後一直都食緊中藥調理身子

早晚都服用藥散同埋戒食所有高蛋白質食物, 牛, 雞, 快餐

開始食藥既頭一個月我真係勁忍唔食.. 連我媽都唔信佢個為食囡咁忍得

不過依家放鬆左少少.. 間唔中會食少少, 但每次既份量都唔會多囉

我又唔會擔心自己營養唔均衡..

我個身型都話左俾你地知我吸收左過多營養啦哈哈

戒下當減肥我又無咩所謂!

 

入返正題.. 食藥後身體無咩野變化

中醫話食完會瘦d 但so far 我係返黎瘦左一瘦就無瘦過

我好懶唔做運動但 touchwood都無增過..

( 通常我返到黎美國係會肥返少少但touch wood 今次無..或者仲未 :touchwood:)

每天準時食藥.. 食完之後通常會去多左toilet.. 排毒麻

但食完xx草(另一隻藥散)之後就少左好多肚痛.. 只係成日都急wewe 囉

中醫話食完會早d 晏訓我又唔覺.. 可能依家我每日都take nap

近排仲訓得好差好差.. 好難先訓得著.. 好似夜晚唔識眼訓咁!

不過我唔會唔take nap.. 每朝5點9起身放學返黎係人都想訓啦

同埋我唔訓就會口痕搵野食.. 真係訓覺好過呀!

通常訓兩個鐘.. 而呢兩個鐘係全日最好的一覺

 

至於我每月一痛方便係有明顯的進步

八月之前未睇醫生真係痛到痴哂線..

面青口唇白.. 頭暈..痛到行唔到.... 仲食左好多好多經痛配方

但最近呢一次痛都無痛過! 一粒藥都無食過!! 呢個真係最大既progress

因為呢種痛嚮我黎左nyc 之後一直惡化.. 依家有咁大進步真係幾開心架

 

十二月返香港時會再去睇西醫加中醫

要check 下佢有咩進展.. 會唔會無變最後要作最壞的打算啦!

估到我咩野事既blog友 有無好的醫生介紹?

因為上次睇果個一黎就叫我做手術真係有d問題