最後今晚

2010-08-19 (Thursday)

最後今晚　明晚只得冷飯

最後今晚　明天你不要殘


話咁快就黎到最後一日, 聽日就舉家走人去nyc 了

尋晚食buffet 前去左muji 買了本相簿

整左本相簿送俾lanie, 因為佢9月中走

請到十九年工人的the leung's 要獨立了

最煩就係要自己洗衫..... 唉

相簿應該係佢地最想要既禮物啦, 可以記住我地的樣子

wish you will have a wonderful life when you go back!

今晚去左我落機果晚就去食的伍仔記

其實我覺得唔係真係咁好食, 只不過大伙兒去可以好好好噪咁食飯

同埋狂隊beer~~~

因為美國未夠21歲係唔可以飲/買酒架

所以我每次返黎都飲盡佢, 只不過係每次的份量都比以前多-,-

今日有對面海既代表, 多謝你黎呀姑姐!!

大家都係幫大佬仔賤行,

因為佢將會同我一樣去美國讀書喇!!

點解你無我2年前走果陣咁傷感既?? 果日真係喊到我死呀

係喊到我去美國都仲係可以郁d 就喊.. 心情好難先平伏得到

包包送左本schedule 俾大佬仔, 唔知佢係咪真係會用呢? ha

對第三個爸爸-姑丈 :)

係呀, 我有3個爸爸架..

第一當然係我親愛的爸b, 跟住就到伯父, 再跟住就到姑丈喇haha

wa eason, 拿拿聲同你影張相先啦!! (好無聊-,-)

多謝契媽牙痛都黎食飯!! christmas 見啦:)

食完飯, 姑丈一句: 食唔食甜品呀?

成班人就浩浩蕩蕩去喇緊係~~~~

其實當時我媽已經開始黑面.. 因為佢話我地仲未執野

(聽朝7點要出門口) 其實我一早諗住唔訓的haha

同埋我地執野既speed 不嬲都好快, 我都唔知佢黑d 咩野面!

我會好掛住你2個癲佬架~~

我地4個今次未打過牌呀!!!!

我好認真咁睇緊食咩好架~

點解姑姐咁既樣既??

咪就係呢個囉.. 你地會覺得佢係咩野名堂???

雞蛋布丁? 咁你就錯喇! 佢話呢個係熱既cream brulee wor

完全係我意料之外的咁唔好樣.. 非常失望呀!!

睇下我個樣就知啦

仲要1d 都唔好食.... 我同姑姐都勁失望呀!!

包包呢個面包布丁就唔同喇, 非常好!

仲有呢個係不是腸粉榴槤味

我1d 都唔好.... 但你睇下我媽食得幾開心

叫多個不是腸粉,mango味

我都食得津津有味架~~ 好似嘔白泡咁haha

我親愛的表哥.. 好似由細到大都係直呼你名字

唔緊要啦, 我地咁鬼frd~~~ haha

呢個原味心太軟又係敗筆, 個心1d 都唔軟呀

反而呢個macha 味的心太軟就軟喇~~

好喇, 我地既三舅母打哂喊路

再唔走返去執行李就有排佢黑面喇!!

12月見喇!!!

小圈子飯局 暑假最終回

2010-08-18 (Wednesday)

仲有兩日就返nyc 了..

今日當然要同我班怪獸食下飯啦

其實剛過去的星期六都同左好朋友們去左bbq

可惜熱得太交關的關係我地一張相都無影過.. wt a pity....

上年我地都有去食buffet 架 --> 貴到傻的buffet 之旅 PART 1

今次我地選址shangri-la, 本來係揀kowloon hotel 的

點知佢同我講full-booking 擺左我落waiting list

見到shangri-la 都做緊discount 就去啦!

點知..... 都幾失望..

幾年前去時我係覺得好okay 架.. 點知依家??... :(

呢班大細路今晚竟然有玩具玩

我好似好耐之前見過ha

hogap, 你好好keep 住呢張相

我真係無咩可能再用呢個眼神望住你架喇haha

呢對情侶太痴纏喇! 好惡頂呀!!

呢兩個係成日撞衫的好朋友.. 試過帽,衫,褲,鞋,袋都係一樣架-.-

係不約而同地架.. 好癲

好耐無見的lin 嫂 : ) 對上一次見佢又係buffet

haha 我個頭真係好好大呀!!

不過頂帽既design 都有問題呀

我諗班AAAA迷怪獸見到我咁打會打我

又係開心一晚

12月返黎我地再周圍食野啦!!

食完同billy, hogap 去langham 睇step up3

睇到我個身不自主地郁.. 睇到佢地跳舞係好有想大嗌既衝動!!

同埋可能佢晌nyc 拍, 又係講college freshman year

有好親切感呀!! 仲有.. 我發現有個位係疑似晌我學校拍的

haha 好想好想再睇多次呀!!!!!!

唔該哂billy 呢位超級大好人先生送我去搭小巴

仲要跑成條街俾返本相簿我hahaha

與項寶寶high tea

2010-08-12 (Thursday)

一星期之後, 我地再與項寶寶見面

不過因為阿婆過左身, 我地守孝唔可以去人地屋企

所以我地就出黎high tea 喇!!

今日契媽放左佢契仔契女飛機

不過我地都食得好開心haha

你睇下阿b 要契姐點樣餵佢食野~.~

佢仲好enjoy 架, 真係俾佢笑死呀! haha

今天第一次見到阿b 穿校服裙

紮條邊仔, 即刻女仔哂呀!!

食完我地走圍行下, 阿b 不停倒亂

我地就晌後面善後

你睇下大佬仔就知啦.. 佢執返阿b 拎出黎戴果d 太陽眼鏡haha

原來沙田都有飄色架~~ 你睇下下次有無咁好彩見到~ haha

聖誕我再返黎同你玩啦!!

表姊弟K團

2010-08-11 (Wednesday)

婆婆已於尋日下午晌白普理過身

第一次親眼見到一個人晌你面前,

由用盡所有力去呼吸, 再突然呼吸變到好慢好慢, 再繼而斷氣.......

第一次親眼見到阿婆喊..

 晌佢斷氣前10秒,  佢突然之間不停不停咁喊

可能佢係唔捨得.... 又可能佢係好驚....

第一次親眼見到身邊的人晌佢斷氣一刻不斷嗌佢個名

然後佢突然吸左一下大啖既氣... 佢返左黎!!!

只要阿婆唔洗再痛, 唔洗再訓晌張床度動彈不得就可以喇

而今日, 我同大佬仔照原定計劃出去tst 同表妹唱k

我地揀左唱happy hour.. 有學生證既就有得平喇!

(不過唔知出blog 之日仲有無呢個special offer)

我地唱左3個幾鐘

唱左好多好多歌...

當中緊係好似晌eason concert 咁不停晌佢既歌啦!!

最近發上了佢既「我甚麼都沒有」, 非常之好

我地又嚇表妹廁所有污糟野

其實就間接嚇埋自己.. 搞到我地2個要行孖beat

其實有咩野好驚呢??

呢張好搞笑, 我地話要v 手影啦

要渣機無手v 既大佬仔決定用個口黎v.. 真係吹啤啤

唱完帶左表妹去食frozen yogurt..

其實我2日前先食完

呢個位於新文華中心地下的holly cow

佢既frozen yogurt 大大杯.. 而且仲好好味好抵!!

價錢係同平日果d 細細杯差唔多

而且佢既落足dressings

表妹都話勁好味呢!!

下次返香港必定再黎食!!