生日快樂 :]

石老師生日快快快快快樂 

她是我三年級既班主任
我是她首次當班主任那班的學生

.....其實佢仲係我二年級既體育老師

印象好深刻既係三年班第一日反學
選班長送簿員行長等職位
佢拎住張人名紙係黑板度係咁寫人名
到班長個欄佢寫左兩男兩女
有 Keith 細佬, 現讀名校的xx, 唔記得邊個既女仔同埋我
個陣恨做班長恨到飛起呀真係多謝你哈哈

記得三年級有次見家長
有好多家長同學生係個課室度等見佢
我等等下佢叫左我過去
叫佢幫我去教員室拎杯定唔記得去加水
我都唔知點解我會記得咁清楚
又記得佢同爸B好似好多野傾哈哈

我做到服務生(prefect)都係因為佢
可能我入到精英班都係因為佢哈哈哈

其實係到四年班先同佢真正好熟
開學不久佢我有日行過教員室
(好似個陣係教員室出面個罰企區當緊值)
佢叫我分發反三年班學期尾既班相
跟住就成日都搵佢經過見到佢我又會拍下佢
記得有時我會叫佢出黎傾下計哈哈哈
小息成日走落佢教個班一年級度幫下手
放學有課外活動留校又搵下佢幫佢改下簿登下分
短暫實現左我個陣想做老師既夢想

佢又同我麻麻住得好近
成日都話要搵佢但最後一次都無搵過
到升左中學我都會反去搵佢
(雖然由中三開始就無再反)
後尾有幾次反去我都有買野俾佢食哈
最後一次係我,Keith 細佬同一個舊朋友反去
佢整左個細細地既蛋糕俾我地食
究竟點解個陣我地唔影相架呢???

兩年前我好似試過寄生日卡反學校俾佢
每次佢生日又會sms佢今次當然都唔例外啦
我一搭正香港時間十二點就sms佢喇
身為你既愛將我係唔可以唔記得你既生日哈哈

希望今次我反黎可以見面啦..希望哈哈

生日快樂呀石石石石老師!!! :]

Vancouver Trip 2005*

 

竟然俾我係個荒廢左多年既相簿入面
搵反2005年去溫哥華過左成個月既相呀!!!!!

呢個好似係到左第二日去打bowling

water park呀!!! 勁勁勁掛住呀真係

呢張我同我細佬勁勁勁似樣哈哈
不過個陣我同佢無咁frd架
縱使依家都唔多係哈

兩個呀哥送俾我既生日禮物!
合野仲係屋企.. 可以溝味架

去whitsler既中途站
似唔似伯娘生左五個呀? 哈哈

我地去左野餐..唔記得個park叫咩名喇
淨係記得佢對出個灘仔d沙係黑色
細佬(kenny哥哥)同細佬仔

個相簿既caption係:「所有歡樂都係來自佢既」
哈哈又講得幾岩wor!! 我記得呢張相我話伯父勁似yan can cook
四年前嚕... 伯父老左好多......

哈哈呢張caption係:「伯娘似唔似搵窿捐?」
其實佢係執波咋

仲有兩個呀哥話佢地似足球小將wor

到左whitsler喇

我地係店度poker大戰! 呢四位都係當時既超高手哈

臨走前個幾日黎架喇
我地去左stanley park入面既aquarium
(好似係stanley park入面..都唔係好記得哈)
我第一次畫eye liner

 

wooo 好多回憶呀!!
因為呢一個月令到我同梁家希都愛上左溫哥華架

 

 

 

 

我們的紀念冊

小學畢業時發寫一張張「現成」的紀念冊紙
中學畢業時卻會加上一本自己製作既紀念冊
好讓好友們有足夠既空間去寫低佢地既感受同俾佢地DIY一下

今日無聊拎反本紀念冊出黎睇

整之前就諗住一定要有好多好多相
結果封面背面入面都有相哈哈

仲叫同學們簽反個大名

寫得呢本紀念冊既全部都係我最好既朋友

呢個應該係最有心思個個喇..綠雞哈哈

06年海洋公園halloween
第一次同朋友們去海洋公園呀哈哈
不過呢個組合應該唔會再出現

F3 便服日.. 差唔多四年前嚕哈哈

呢個係最creative喇.. 昌昌dog  haha

好掛住我d中學同學.. 好掛住係香港讀中學既日子
縱使辛苦好多好多壓力大好多好多
但起馬我有一班好好朋友係度一齊上堂倒亂哈哈

仲有一個月咋..  一個月後我就反黎架喇朋友們!!!

基督徒?

 

曾經我係一個基督徒

我會返教會返團契睇聖誕晚晚祈禱
中一個年第一次參加福音營.. 係亞公角山的
我個陣決定信左主.. 其後就keep住反團契
到左中三末我突然無再返

對上一次返教會係因為堂主任的離世
是零七年十二月二日
究竟我仲係唔係一個基督徙?
我爛口我講粗口我做過好多違背主既野
究竟我仲係唔係?

我可以話又信又唔信
當我有困難既時候就會祈禱
我覺得真係好有效
其實我依家每晚都仲有祈禱
感謝主始我健康既一日
但可以話呢個係一個習慣
因為我由小學時期已經開始晚晚都祈

去溫哥華個時
有一日同伯娘傾左好多有關信仰既野
佢分享左好多見證俾我聽
全部都係圍繞住佢同埋我地屋企既
聽完之後真係覺得好奇妙
同埋可能因為我都親身試過

今日自己一個係屋企
突然哼起好多我以前唱過既詩歌
由其係小學個d..
我無聊到click左入個詩歌網度播佢d midi
唱左好多以前團契/崇拜/小學唱過既詩歌
突然覺得好感動.. 唔知點解好想喊
我諗反好多反教會既開心事
諗起好多小學既回憶
又諗起個陣爸b有事
其實教會既人真係幫左我好多

但依家我唔會反教會
我都唔知點解.. 懶掛, 無人陪掛
可能第日大個會改變主意都唔定
 下年去溫哥華希望有機會跟伯娘佢地反啦!

一年前

 

 

一年前既今日

Boat Trip

 

好懷念喔.......

第一次同朋友們去船河

第一次玩香蕉船

第一次咁高跳水
(我跳左幾次都無拍片..因為我唔識自轉360哈哈
呢個其實都係失敗之作.. 有段好正我廢事upload)

第一次玩沙灘閃避球

第一次係沙灘上飲芝華士哈哈

第一次船河完去運動場沖涼

第一次第一次好多個第一次

好多個令人懷念的第一次

朋友們啊, 可以再一齊去船河嗎? 可以再次原班人馬去嗎?

相信已經係沒可能既事.......

一切已經成為過去喇...

咁唔知我地既family boat trip 搞掂未呢? 

搞掂既話就七月五日見喇!!

因為呢個family boat trip
我好似激嬲左好多人-.-
希望到時個個玩得開心就ok啦!!

以上既所有相片
睇反好似係個幾月前發生既事
當時所有野我都見得好清楚呀!
對上年暑假既野我每個details都記得一清二楚
但係依家..最近發生既事可能因為時間過得太快
我都未好好咀嚼佢就已經過去...

仲有一個月咋!! 一個月後就上飛機喇
希望呢一個月內唔好有任何特別事情發生!