請聽我講

 

點解上年船河好似搞得好輕易
但係今年既就好似有好多問題係度呢?

講真.. 一齊出黎玩就預左要出錢
貴.. 咁咪夾每個人夾囉
我上次都係每個人夾咋麻
都問左咁多人得唔得閒去啦
去船河就預左最低消費每人二百架啦
我唔介意俾反自己個份甚至我媽我細佬個份架講真
就算每人三百五我都俾
因為我真係真係真係好想去船河

你話俾咁多錢係船上面玩得果幾個鐘好唔抵
不過你諗下租快艇玩wakeboard 6個鐘八個人都要三千以上啦
船河有wakeboard,banana boat,lunch,mahjong 二十人
咁既價錢除反仲抵啦! 平日咁多人食餐飯都無左成千以上啦
你想食咁多千蚊野食到好多卡路里係個肚度
定係想用咁多千蚊去同一大班人做戶外活動丫?!
健康d啦, 香港人!

我唔想依家唔BOOK兩個星期前先話拎唔到船
到時我係咁多人面前喊都有份
雖然我依家都喊緊.
正所謂希望愈大失望愈大
我對今次船河存有咁大既希望
就應該要有心理準備會有一個好大好大既失望

我知呀, 你實話因為唔係我出錢丫麻
總之. 搞得成我俾哂我全家個份!
大人同細路既思想永遠都唔會一樣
呢點我明白但你地都要了解班細既
可能淨係得我一個同你地既意見有出入...

上年搞到梁家希無一個好開心既生日
今年係唔係應該搵反d野tum佢開心
而唔係幫佢慶祝生日, 點知就係度打牌飲酒
佢自己就呢係房度打機.....
其實諗反起我真係覺得佢幾慘

我想講既就講完.. 我打定輸數架喇~~~
預左你地講我壞話.. 即管講啦
橫掂我唔係香港又唔會有人打俾我