Happy 17th Birthday to Me*

哇生日啦! 十七歲喇大個女喇要生生性性喇

下午同倫去左石澳,搭車用左好多好多時間!!
去到先發覺......... 生日都要柒反鑊先安樂架wor真係
哇d水好凍好凍呀! 不過都有浪玩..最開心應該係睇我玩浪個個啦
食左好耐都無食過既紅豆雪條同富豪雪糕哈哈!好鬼死滿足哈哈
出左兩次浮台.. 要經過重重障礙先去到! 好多垃圾呀! 五點就沖涼換衫走人

得到surprise一大個

去左langham hotel食buffet,食到兩個都飽到上心口
哈哈我星期六會再黎過!! 食完周圍行陣就反屋企

反到屋企靜落黎既時候,感覺自己仲身處係浮台上

前年生日同朋友過;上年生日同家人過;今年生日同情人過
我 好 滿 足 !  

仲有仲有, 要多謝你地既祝福
Kawaii  Miki  包  澤  豬慈  綠雞  hoyu  泉  Lin  Ivy  戚豐
燁  媽  莊森  Bonnie Pig  珩  豬表姐  Jona  勳  Stephanie  五姑姐
Lanie  Janice姐姐  Jeff  軒  嬌  Steph  社長  Chris哥哥  欣
當然仲有同我一早慶祝左生日既朋友們

當然要多謝陪左我成日好抵錫既男朋友,
仲有你同auntie既禮物! 真係估唔到會收到auntie既禮物多謝哂 :)
i love you 

 

今個生日好開心好幸福好滿足

Dinner with the Lin's*

Dinner with the Lin's in CPK
話去食好耐架喇! 終於都約到出黎一齊食喇哈哈
不過無預期中咁好食..通常你愈期待就愈唔好食架喇..今次好普通
不過當然比pizza hut好食啦哈哈

食完就去左海傍.. 兩個男人做反自己影左好多白痴相
例如呢個啦... 佢地實在太需要喇哈哈哈

仲有呢個啦.. 呀LIN真係以為自己相當強勁!! 慳D啦

呢個係全晚最矚目既一張相黎架!!!! 中間個對情侶好合作,我地影完佢先走哈哈哈

咁癲丫拿.. 呀LIN呢個係你應得既punishment hahaha

而我同IVY就緊係無佢地咁低能啦!! 淨係係度指指點點同埋渣機哈哈
我地兩個係唔會咁白痴咁影相架哈哈
去左Pacific Coffee度飲野傾下計
我真係俾佢地兩個笑死呀痴線架
成間鋪最嘈就應該係我地喇..因為我地不停咁大笑哈哈哈

anyways, nice supper will u guys

密切留意下星期既blog..應該打得好詳細嘿嘿嘿
同埋應該會有好多個entries, 點解? 自己慢慢諗下啦
我之前係xanga講到幾唔重要幾唔重要.. 其實係好好好重要呵呵

Primary School*

 

小學時的我, 最鐘意課外活動!!
創藝,笛隊,詩歌班,團契,口風琴隊,朗誦等等等等
上面個本崇拜手冊係我小學個陣最鐘意個本書!
每日早禱同週會都打開佢唱詩
尋晚執野見到個陣不禁哼起歌黎! 不過個陣其實已經係03:XXam 哈哈

尋晚反屋企個陣唔知做咩同倫講起小學校歌.

我同佢都仲記得點唱呀!! 真係唔知點解仲會記憶猶新
讀YCMC令我得到對音樂的興趣同老師的歡心
但卻令我差去左交真正朋友既好機會!
小學個陣交既朋友比中學仲少呀.. 係就係以前有一班姊妹妹
但呢班姊妹依家已經唔再好似已經咁好朋友甚至聯絡都無
係呢班當中得反豬慈仲係我既好姊妹
我希望CH MARK 唔會好似呢個咁樣.. 就算CH MARK唔得
HK MARK都要呀! 唔可以無左你地幾個

Book Fair alone.....

今日.. 我自己一個去左書展! 哈哈點解會自己一個!?
因為搵唔到人陪, 其實唔係搵唔到..
只係唔想逼個d唔係真係想去既人陪我去姐
倫話過佢同我去.. 不過佢放假個日正正係書展last day
個日人地比今日更加更加多人!! 所以都係自己一個去

其實自己一個去都唔悶姐.. 主要都係想去睇下有咩書岩買咋麻
好彩尋日醒目係7-11買定飛, 唔係就要排長龍去買
行行下見到昌同李少龍, Cyndi同葉廣龍
最後三個鐘入面我一口氣買左五本書.. 多謝媽的津貼呵呵呵

Read books is a reli good habit, u should support me... hahahahaha
見到本《殯儀》, 其實一直都好好奇想睇下佢入面講咩
但商務永遠都包住佢唔俾人睇
今日有幸見到喇.. 又唔敢買佢反屋企驚買左係屋企自己一個唔敢睇
最後一口氣快速咁睇哂..原來本書都幾有趣!
書中個個「化妝師」,  公公設靈個日我見過佢.. 哈哈唔知點解我好記得
好憎d人拖住個suitcase黎買書,今日都唔知俾幾多個gip碌過..好彩我唔係著拖鞋姐...
差唔多六點就走.. 因為約左倫

搭star ferry 去尖東再轉火車去沙田
第一次獨先搭ferry過海.. 影左好多好多相呀哈哈
成個傻婆咁.. 隔離個個人拎住部單反, 自己就拎住部傻瓜DC
完完全全係蚊同牛比囉唔該
見到咁既情形, 我就同自己講:
「你估你二十歲之前,可唔可以用自己錢買到你人生第一部單反丫拿!? 」
希望我真係可以達成呢個目標..因為呢一刻我好鐘意影相!!!

去沙田睇下澳門之旅既野.. 其實尋日已經睇過一次.. 今日係去買package
CONFIRMED!  6-7/8.. 係時候好好plan定去邊度去喇
見到個本書上面有好多好野食呀.. 可能我會肥左幾磅反黎哈

and special for Mamimama.. 我買左你本書喇!!!

BTW,
Happy Lunar Bday To Me*

Dinner in 1606*

五點幾先去倫度睇BC 10000先! 由於要去薇姨度食飯
所以今次又係睇到差唔多ending就要走.. 真掃興

今日威威親自下廚! 有魚蝦蟹

完全俾個碟火焰醉翁蝦嚇窒左,應該話俾威威嚇窒左.. 因為佢又玩火
上次係海南島玩二鍋頭, 今次就五加皮..好野

不過d五加皮真係烈到食落覺得辣辣地
一路食一路睇港姐, 好耐無試過睇哂成程喇
得知三甲之後威威爆哂粗,真係笑死我地哈哈哈

跟住佢地玩左陣wii
仲有彭子鋒先生獻技.. 好難聽呀!!

再次俾人攻擊弱點.. 你地兩個好野
11點幾就反屋企  

Big Surprise*

游完水就同倫出旺角去搵Mr. and Mrs. Lin! 因為約好兩對couples去食飯
前幾日問過呀Lin我地會食咩.. 佢答我:「食垃圾」
所以今次我就唔問時間地點全部交哂俾倫等佢帶我去喇!

係地鐵站見到榮少, 佢見到倫, 就問:「乜唔係係度等咩?」
我當時聽完佢地講野之後, 心諗:「唔通唔只我地四個食?」
途中倫的手機係咁響.. 平日我會裝到係邊個打黎架
點知今次好多都無相, 再唔係就俾倫遮鬼住左
搵到Mr. and Mrs. Lin 之後就跟住佢地兩個行.. 話去加勒比海
我都唔知咩黎既!  去到先知原來係間CAFE...
個waiter問倫幾多位, 佢就話:「有位喇唔該」
心諗:「真係唔只我地四個唔通 !!??」入到去.. 見到佢地係哂度!
有: KAWAII, KOEY, 豬慈, 光, 燁, 卓面, BILLY, HOGAP, 基哥, 呀誠, 榮少
佢地係度唱生日歌.. 頭戴巴斯光年生日帽
( 就給你地睇下一個好鬼樣衰既EXAMPLE! 哈哈 )

木台上有蛋糕.. 一個寫住「甜心」; 另一個寫住「女人」

哇一睇就知係邊個既主意啦!! 哈哈
我呆哂完全唔識俾反應呀真係... 好驚訝呀
你地真係好鬼馬我好愛你地呀朋友 >3333333<
哈哈真係又意外又驚喜!!!!! YOU GUYS RELI GAVE ME A BIG SURPRISE*

玩下電子版大富翁.. 跟住落機鋪玩左陣
小花黎左就去左泰和堂食糖水.. 都唔係糖水..
飲左杯火麻仁.. 倫就俾我迫左佢食龜零膏! 呀Lin仲慘飲廿四味哈哈哈
食埋就反屋企

I GOT A SPECIAL AND UNFORGETTABLE DAY* LOVE YOU ALL

Clear Water Bay*

告訴你們丫! 對上一次去沙灘係06暑假
看看當時比較少肉的我.... 點解我可以咁長肉架唉

正正係23個月前! 哈哈又會咁岩17號既!?
i mean 係淨係去香港沙灘
我好鐘意陽光與海灘架.. 係哂黑完先算個d人黎既!

今次去既係清水灣.. 水質同個名完全相反丫唔該! 十分污糟呀
同行既人完全唔同哂.. 始終人物關係差唔多完全改變
今次同倫, KAWAII, KOEY, 燁, 光, 卓面去.. 一行七人
中午先出發因為燁要反工

去到換好哂衫搞掂哂就落水嚕*  向浮台進發
潮退既關係所以個浮台近左.. 太好啦哈哈哈

三個傻婆影左唔少相! 兩位K小姐話要拍寫真集添..
好愛我個防水相機袋.. 可以拎埋個相機出浮台哈哈好正
出水芺蓉一幕真係笑死我地咁多個呀哈哈

玩到五點幾就沖涼換衫走喇! 好似玩得唔多夠喉因為游得好少好少好少


臨走影唔到大合照.. 但三個傻既都要影反張先肯走

Birthday Celebration*

今日同倫去左新街市食魚腐米線
竟然俾我地見到往返布吉搭飛機個陣坐係我地前面個對孖女!
不過我地見到佢個時其中一個都係喊緊
多謝琳琳的生日快樂,雖然今日唔係我生日,但係人仔細細識同我講已經好窩心
食完回家等媽食埋就去買野

回家無耐佢地開始到,媽為左招呼五嬸入左五枝紅酒

五嬸都帶左1枝紅1枝白黎,不過最後都開左四枝紅三枝白
由於姑丈要反工所以早D食蠔,今次仲有牡丹蝦好好味

已經唔顧尋晚有幾辛苦喇哈哈,仲飲左唔少白酒
總之聽日唔好肚屙就可以喇

九點都未到媽同五嬸已經WING左,我咕同埋威威係咁呢埋避佢地
五嬸係咁叫咕錫佢哈哈哈;媽就係咁叫我打電話
佢地兩個拍埋一齊真係無人可以抵擋得住
九點半前兩個都醉左喇,仲拍左佢地片! 聽日我會俾媽睇反架喇
同咕送五嬸同孻叔上的士,佢地上左的士之後我同咕真係笑到傻左
跟住打牌, 我都唔知幾耐無打過牌!應該有半年啦我諗! 最衰今次唔計$
差唔多十一點就輪到切蛋糕環節

多謝姑姐,呀麻既利是同埋薇姨既生日禮物! 我好鐘意呀

切住蛋糕佢地就走.....我已經開始俾人話我語無倫次
所以都係快D沖涼訓覺同埋打少D為妙,廢事俾你地搵機會笑我

今日同媽講起,好耐都無試過有生日PARTY
以前細個真係好期待,成個下午都會好自動咁幫手整野食
係咁打電話問D人幾時黎哈哈,一來有禮物收二來有蛋糕切
三來可以一大班細路落會所游水!
最記得七歲個年好高峰D禮物可以砌到好鬼高
不過依家呢D已經唔重要,平平凡凡咁過個生日已經好開心
好多人以為今日係我既生日..我係31唔係13呀唔該
成日將我同梁家希既生日倒轉都有既!

ANYWAYS,今日我過得好開心
多謝兩家彭氏同黎氏!八月搞船河, 我一定會記得去BOOK架喇
下星期見啦哈哈  

Babies Week*

剛剛過去既一個星期正係我既babies week!
點解? 因為我係呢個星期入面見哂我想見好耐既babies囉

首先第一個係lapyin
呢個傢伙一次比一次百厭真係唔知點算好!
呢個星期我見左佢三次! 係三次呀破左紀錄
立言你乖d呢. 唔係表姨唔錫你架喇!

第二個係琳琳
對上一次見佢係會考前, 個陣開始佢已經變左喇
都唔似以前會跟人既琳琳既! 不過大個女左好多就係真既
下次見你可能係我去完NYC反黎喇, 到時你已經唔會再係一個bb

跟住第三個就係婷婷! 琳琳的妹
我第一次見架! 我抱佢佢竟然唔喊wor哈哈
婷婷你肥嘟嘟滑嘟嘟白雪雪哈哈.. 好好肉地呀!
抱住你好得意.. 你對肥豬腿拼埋落我度個陣簡直係相映成趣哈哈哈

最後一個就係fiona姐姐個女芯翹, Adriona
呢個成日係facebk見到佢d相已經好想探下佢!
咁岩星期日俾我夾到時間去meet佢同佢見下面
你d肉好實呀哈哈... 相比之下你仲重過婷婷
不過你好文靜, 出奇地我抱你你又係唔喊! so great
下次見你既時候你都要咁乖呀, 知道嗎??