繼續為親友們帶來有關豬流感既消息!
上上下堂principal突然間叫哂去左西班牙spring trip班人落去
聽到我個心離一離以為有野..
點知最後發現係因為佢地有人係西班牙飲酒同吸毒 
跟住呢就成日都聽到話我地學校有人奶左野
到有老師講話四個人中招! 但仲未知真定假
因為第一無開mic講; 第二無停課!
不過我地俾兩間已經停左課既學校包圍住 
一間就賣哂新聞既st francis prep, 另一間係p.s. 177 係間特殊學校
唔知呀我真係覺得今次swine flu離我好近我好驚
唔好停課呀! 醒起個陣SARS停課我個暑假延長到七月尾
st. francis prep. 停課停到下星期一, p.s.177都停
哎也點解會有swine flu架!! 
我都知係好嚇人..我諗我嚇屎我呀媽架喇!!
放心啦! 我無咁易奶野架~~~
不過呢我真係勁想反香港囉依家!!!! 
相信呢幾日都好留意豬流感既新聞
親友們應該會好擔心我因為我係美國,因為我係紐約!
我唔會俾自己有機會病唔會俾自己感冒
一病我會寧願去排三個鐘隊等睇醫生都唔會係屋企食成藥
因為我真係好驚............ 
最驚就係
紐約市內新確認的八名患者所讀既聖佛朗西斯預科中學
(St. Francis Prep.) 就係我學校後面!!!!!!!!!!!! 
你知我架啦成日亂諗野搞到我依家勁驚
我又上yahoo睇哂有關swine flu既新聞wor!!
其實我最擔心既係我兩個月後反唔到香港
我唔可以俾死肥咕開口中架!! 我依家好想即刻反香港
我驚遲d又話變左疫埠唔俾出境
六年前的SARS我已經怕怕地可能因為佢宣佈疫埠個陣咁岩媽唔係香港
何況今次我唔係香港係暫時無重災區既美國!!
仲要我好易感冒........
我突然間覺得swine flu好近
紐約既學校係咪應該依家好黎個大消毒呢? 
我間學校咁污糟仲要咁近st francis prep......
點算呀點算呀?? 可唔可以唔反學呀??
市長話就話係好輕微d人康復中
但會唔會好似個SARS咁隱瞞病症架!?
你知啦政治呢家野.......
謝女士你去左邊呀? 你好多日無打過俾我喇wor!!!!!
2009-04-18 (Saturday)
黎到最後一日喇....
第一樣我會掛住既係Chris哥哥張神奇大床
真係好舒服同埋一訓落去就真係會即刻訓得著架!!
一早沖完涼就對住呢堆野
我真係無從入手.. 加上我唔想執野哈哈 
最後thanks rochelle.. 佢幫我執左大半哈哈哈
諗住影下間屋但又唔知點影好哈哈
伯娘陪我出去影dream house..
每次黎我都話呢間屋好靚! 因為佢有好多窗同埋好大
同埋佢背森林同應該望到海架!! 好正呀 
跟住我地去左bella ceramica度拎反個box
係間二手衫店度試左條著到我好slim既長裙..wow
好平但無買因為我知無咩機會可以著到!
呢個就係我既masterpiece喇
黎左十日同Kenny哥哥影得一張相! 哈
其實係我唔敢叫佢同我影相..哈哈哈哈 
睇電視話如果屋企無芝士可以試下用皮蛋配紅酒
我,伯娘,伯父第一個反應係「下!? 咁浪費!?」
點知最後我同伯娘試下.. 點知真係得架wor! 個味好夾架wor!! 
是日dinner... 芝士肉醬意粉
真係超級的yummy......同好肥呀哈哈
食完dinner就要走喇........
其實呢個spring break我學識左唔少野!
學識左sukodu! 我呢個數學白痴終於都識玩數獨喇哈哈
仲有終於講岩個「靚」字.. 永遠都要記住個靚字係'lang'!
依家我每講個靚字之前都會load一load廢事自己講錯
仲學識左點用植膠.. 可以令到d門邊位睇黎更直更smooth更靚!
以上既野都要多謝伯父 
除此之外仲學識左焗salmon.. 肉醬意粉
知道邊隻cream chowder好飲.. 哈哈
多謝伯娘
都幾好丫學到野先反去!! 仲食左好多新鮮魚正
伯娘問我係紐約最鍾意食咩我答佢日本野
當佢問我係溫哥華最鐘意係咩既時候,
我答佢:「滑蛋牛河!」哈哈哈
呢度既滑蛋牛河真係好好味架!!!
好多謝你地十日來既照料
我真係學識左唔少野同埋我好開心呀
雖然其實都無咩特別野做, 只係好relax咁過
但真真真係好開心! 唔知呀, 有種家庭溫暖係度掛 
仲有呀伯娘, 我好少咁放心咁講呢d野俾長輩聽架!
有好多野我都係第一次講俾人知.. 唔知點解我好放心講你知哈
不過都好你幫我解決左好多問題.. 多謝你呀伯娘!!! 
出年spring break我會再黎回氣架喇!! wait for me
ngo i nei~~~~~~ 
2009-04-16 (Thursday)
發覺原來呢一日我一張相都無影過囉
不過呢日過得相當平凡..
出左去接Rochelle放學請佢地飲bubble tea
(其實就係自己想飲!因為真係好好味呀! 
)
反黎抖左陣我,Rochelle就去跑步;伯娘就去散步
上斜落斜平路上斜 上完個斜再落斜我已經死左
再一次面青同埋好暈好暈 
加上杯taro bubble tea係我個胃度頂下頂下
結果就同Rochelle坐係條馬路度抖下
好想訓覺好舒服呀!!!!!!!!
打後既平路上斜都係慢慢行反去
兩個傾下計閒話家常咁啦
反到去都無十分鐘我攤左係地下訓著左哈
2009-04-17 (Friday)
今日都可以訓晏d先起身! 來到尾二日喇
時間真係過得好快我亦都唔想咁快走反去!
Rochelle放學反黎幫我整wavy hair
呢個trip我學識唔少扮靚既知識哈哈 
不過我呢求其士但開又懶既人睇怕只係三分鐘熱度!
整完wavy hair之後真係有衝動想去電髮架!!
唔知點解我好鐘意呢張相!
呢張相已經成為我iphone既wallpaper喇
先出發去上次陪伯父開工個apartment擺低d野..
我d頭髮已經開始直直地-.- 同上次grad din一樣
有噴spray有查mousse都係咁好快變直 
跟住就出發去metro town行街啦!!!
metro town係vnacouver最大個mall?? 好似係哈哈
我對溫哥華既旅遊/購物熱點唔係好清楚
因為我次次黎跟住伯父一家就無有怕哈哈 
先去payless! buy one and get another 1/2!
早幾日同伯娘行mall個陣試左鞋今日決定買
然後我地就開始周圍行下逛下見有好野就買
結果Rochelle帶左我去Aritzia....
嗚嗚嗚入到去睇中左件褸著上去我睇落好瘦架
我就係要買呢d衣物! 買完之後我就go bankrupt
(係呀就黎夏天我都仲去買褸哈哈哈 )
打後再去睇見到想買我都要同自己講唔買
不停安慰自己:「反香港都有得買啦! 仲平d!!」
行到八點幾我地好倦, 上food court抖下先!!
兩對新買既鞋.. 一高一平
令到我破產既地點 - aritzia
你睇下我個樣幾苦惱... 哈
兩個無聊影逗雞相哈哈..
我個樣真係勁似個d有問題既人囉 
九點d stores閂門.. 伯父伯娘就黎車我地去食dinner喇!!
終於都影哂盒hello kitty frame..
其實好易影哂因為好多我同Rochelle都一人一張
知佢鐘意hello kitty丫麻哈哈..
呼聽晚就走.. i dun wanna leave......
