陪媽咪公幹--Montreal

 

 

spring break 開始嚕

今日媽咪接完大佬放學之後就黎車我返姨媽度

順便執埋d 冬天衫返去, 等5月尾唔洗搬得咁辛苦

呢個SPRING BREAK 會跟媽咪去montreal

換到mileage 去, 又未去過, 今個spring break 又無咩野做

咁就跟埋佢去啦!! 不過預左無乜野玩

 

我地出發既前一晚, 大佬就先上機飛去溫哥華搵伯父喇

16號既早上早機

前一晚訓得唔好, 眼訓到飛起

好彩只係個幾鐘機, 訓一陣就到啦~~

天氣非常之唔好

落雨落雹又超大風又好凍, 連拎個相機出黎影相既動力都無

所以我晌montreal 呢段時間影左極極極少相

 

第一日落左downtown 行下

落大雨又凍搞到我無哂心機行

加上佢只係得一條街多野睇, 不過呢d 野全部newyork 都有

加上依家加幣貴過美金, d 野完全唔抵買!!!

咁就唯有搵間cafe 坐下hea 下收下free wifi la

呢個trip 日日都飲緊酒, 加拿大係19歲就可以飲哈哈

加上要同媽咪同d 客食飯, 難免會飲下

mojito 其實好好飲, 不過呢杯落得太多糖水喇

hot chocolate 係我呢幾日既伙伴

真係唔知點解我咁鐘意去旅行先黎每月一痛

搞到我成日都面青青頭暈暈咁

加拿大d 奶好味過美國既多多聲呀!!!

500ml 咁飲, 完全破哂戒=,=

仲有成日飲呢d 淡奶

細細個同麻麻去m 記時, 佢最鐘意嗌奶茶

我就會拎多兩包奶黎飲哈哈哈

montreal 既metro 真係好乾淨

雖然未及香港果d, 不過nyc d subway 就遠遠比唔上啦

 

晌montreal 留左一日, 我地向quebec city 進發!!

 

daydreaming in IKEA

2011-04-23 (Saturday)

一個facebk 既wall post:

「cyrus 我唔想呢個sem 完我都未見過你!!」

跟住就好即興咁約左第二日一齊去IKEA 行下喇哈哈

快D 得閒搞多D 呢D 即興既活動啦

但唔好食咁多野wor, 我怕我有一日會肥死-,-

搭water taxi 去... 哈哈我呢個大鄉里次次去都有車坐

所以今次第一次搭咋!!

晌water taxi 上我已經係咁話我好肚餓

黎到ikea 第一時間搵野食!! 我地傻架, 嗌左勁多野食-___-

好彩有食左兩碟meatballs (起馬有30粒)

仲可以清埋個apple cake 既cyrus, you are superb!! :D:D:D

其實今日黎既目的係為就黎搬屋既mr. benny (aka cyrus) 添上傢私

不過最後只係買左好少野, 因為佢不停俾我地禁住哈哈

鬼咩~~ 見到樣樣野都話「哇好靚呀~~」XD

而我, 黎既目的純粹係見下cyrus 哈哈

我同phibbie 呢日相當眼訓呢, 2個3點幾先訓.....

一路行見到d showrooms 就諗下第日既屋企會係點呢??

如果有我身後呢幅牆就好喇, very 靚:)

行到kids section 果陣我好興奮哈哈

嫁個好老公同生仔女係我最大既願望

我好天真架咋~~ 不過呢個應該係每個女仔由細到大既願望黎既

真係想所有煩惱可以好似開關燈咁啪個制就搞掂!!

07年屋企大裝修時我曾經諗過整呢盞燈晌我間房度架HAHA

今年20歲生日整頂咁既帽戴下好唔好呢?? HEHE

玩到無野好玩, 玩垃圾筒!!!

well, 我知呢個可以唔做垃圾筒, 但我宿舍依家係用緊呢個囉-,-

諗起都覺得污糟呀哈哈 仲要全部人無一幸免!!

多謝cyrus 同phibbie 陪我搭water taxi 走

如果今日無雲個日落一定好靚!!!

仲見到我11年前去過既status of liberty

yeah, 多謝你兩個等我今日可以出走

唔洗成日俾我媽話我晌dorm 唔出街!! wahaaha

陪媽咪公幹中偷閒--Quebec City

2011-04-16 (Saturday)

媽咪問個客借左架SUV 渣去quebec city

其實我媽真係幾勇

晌一個唔熟路既地方單靠GPS 渣左2個半鐘去QUEBEC CITY

如果GPS 中途壞左都唔知點算~.~ (出BLOG 之日佢已經宣告打柴-ed)

我地住晌hilton, 以為大d 既酒店有free wifi

點知無........ wuwuwuwu

好彩係晌度訓一晚姐, 同埋lobby 都有wifi (不過係free 1hr only)

因為我手多多del 哂d 相要recover 既關係

呢張就係recover 到一半only 既相

係我地間房望出去既全景, 前一晚落過雪, 一片白濛濛

放低d 野抖陣就出去行下搵野食喇

凍到我著冷衫... 返左nyc 咁耐拎件衫出黎既機會都無呀

我媽其實係一個大唔透既大人

我叫佢走上去行下佢真係行-,-

行左5mins 到就stepped into old city

紅圈果個人係一個德國人, 佢無啦啦走埋黎聊我講野

問我晌邊度睇啦, 又同我講佢係做painting 啦

又無啦啦同我講如果我去德國可以住晌佢sister 度

我以為佢悶聊下我講野姐 (你都知外國d 人鍾意同陌生人講野)

但一路講佢一路不自覺地對我伸俐, 我真係俾佢嚇親-,-

好彩佢見我最尾無乜應佢佢自己走左姐......

求求其走左入間italian restaurant 食late lunch

飲返杯mochachinno 先~~~

太陽出來了!!

呢兩日都俾我媽話我係貴人

因為我招來大風又大雨, 佢以前黎montreal 次次都好好天

依家太陽出黎, 証明我唔係貴人嚕呵呵呵

仲突然好好天!!

其實quebec city 冬天無乜野行

加上又好凍-,-

呢度就係base villie 喇

而呢度就係我要黎既主要目的之一

不過睇真d 原來係幾塊畫完先拼上去

唔係晌棟樓度畫既, 有少少失望添

呢度好多野都好靚

see, 連個toilet sign 都精緻過人

呢度係Centre d'Interpretation de Place Royale

中文係皇家解說中心

呢個就真係晌牆度畫架喇~~

HALO 同胞你好!!

影完相我地就行返上去

行到半路另轉頭唔見左我媽

原來佢走左上去碌大炮度唔知做咩

我呆左咁望住佢, 佢堅係大唔透架-_____-

行左一陣就返酒店

驚見樓下swimming pool 有一大班人游水

當時室外氣溫得8度-,-

當年晌hk 冬天游校隊我都頂唔順

佢地真係好勇呀!!

好天氣。CENTRAL PARK

2011-04-09 (Saturday)

兩個星期前上網睇到DISCOVERY TIME SQAURE 有哈利波特既展覽

身為SUPER FANS 既我拿拿聲拉埋大佬同我一齊睇!

USD26, 30分鐘出返黎... 失望!!!!

因為無得影相!! 入面真係整得幾靚

同埋有好多戲入面既道具同衫

不過咁貴咁短時間出黎真係好失望架

跟住我地就去左有摩天輪既TOYS R US 行

好快就出返黎.....

見咁好天氣決定行10幾條街去CENTRAL PARK 曬下太陽好過!!

櫻花呀!!!!

其實只係一棵好細好細既樹仔

不過見到有SAKURA 都好興奮!! 好想去日本睇!

求其搵舊石仔坐左好耐

大佬真係好唔掂

一路行一路要搵石/凳坐囉

其實好多人都黎享受呢個咁好既天氣

春天黎緊喇, 再暖D 啦PLEASE~~~~~

哈哈竟然見到呢間CAFE!!!

上年呢個時候晌LONDON 時我日日都飲緊佢既MOCHACHINNO:D

買返杯懷緬下先

跟住我地再慢慢行到呢個大草地

求其搵個地方就坐低

感受下陽光

雖然就大風左少少

但係都十分之RELAX!!! 如果可以晌度野個餐就好喇哈哈

I WILL BE BACK!