過份

今日做左樣好過份既事
要同涉事既人講聲:

對  唔  住

Boat Trip

尋晚諗住倦好快眼訓啦 ..點知同allison傾完電話之後..精神到傻左..又三點
見到窗外落滂沱大雨都有d擔心

點知今朝有太陽! 天公造美..搞掂哂去大埔墟同佢地一齊等..又見到輝哥哈哈
係大學轉小巴再轉巴士去西貢..買埋野飲水泡浮床就去pier等船喇!

一行二十人去船河..同fd都係第一次.對上一次應該係小五
換哂衫就影相..去左南風灣! 咁高跳水都係第一次..d水咸到痴左線
全日就係stay左係個度..跳下水游下水..好耐無游過..仲有香蕉船好好玩!
坐最頭真係幾驚下..又上左個沙灘仔度玩數字球..輸左要飲酒
唉睇黎同綠雞都係追酒飲個班黎架喇..5點幾就反去西貢
去運動場個邊沖涼..曬到紅哂哈哈.. 聽說佢地見到呀lin..又唔黎船河!!!
跟住去旺角食韓燒..呢餐好貴!

食完就反屋企沖涼..哇紅到傻左..好倦好倦..希望今晚好快訓著

今日玩得好高興好開心哈哈..幾時再有下一次船河!?好鐘意同你地一齊去玩!!
多謝綠雞既手信..反屋企先發覺你送得好合時
部相機今日嚇左我兩次..求求你唔好再有第三次


天公造美

傻婆五位

phuket trip 團員! 尚欠呀誠

f5 students

我同倫                                                          

四川大地震*

呢次大地震摧毀左四川人既家園..令佢地無家可歸之餘更令佢地痛失至親
天災係無情的..但人係有情的.. 你地見到佢地咁樣唔心酸咩??
5月12日..我聽新聞時聽到一座小學倒塌,900師生活埋..我呆了
豆腐渣建學校, 有無搞錯!? 我痛恨個d貪污既人!!

anyways, 你地捐左錢未? 我地依家可以做既只係捐少少錢去幫佢地
pray for them.. 佢地好需要我地既關心我地既支持! 縱使佢地聽唔到睇唔到
但我地所做既一切真係會幫到佢地架! 食少餐飯買少件衫睇少場戲啦
呢d錢可能可以令到佢地依家缺水缺糧既佢地有一餐溫飽..佢地會感激不盡!
講真架.. 快d幫下佢地啦..

香港人真係好幸福

左拍拍,右拍拍!我的亂拍拍

考完會考..又未搵到工..就拎住個相機周圍影!
今日係我陪完倫睇完醫生既回家路上..見陽光普照就影下d花花草草啦

本人比較鐘意呢一張..其實想影d花既紅色..不過陽光太勁背左光..但依家都好有feel呀

睇下唔洗溫書可以幾休閑...

CE is over!

考完喇考完喇考完喇..最後一科既pa都考完喇!
感覺好興奮但又帶點空虛..因為我成為雙失青年喇

考完同allison四出搵工!! 經過今日之後, 我終於知道咩叫做搵工艱難..真係好難!
沙田同旺角仲有大埔都行過.. 見又見過..form又唔知寫左幾多張..最後完全無消息!
行到腳都軟埋喇.. 唔緊要! 我地星期二再繼續
搵工時不忘搵埋咁多位媽咪s既禮物! 最鐘意係麻麻個份.. 紮花好抵好靚

考完會考,第二樣要做既事就緊係去拎反我部ndsl!哈哈好耐無掂過你喇好掛住你呀
容許我重新愛上你吧! 哈哈哈哈哈

rest in peace, grandpa

大約2am, 大姨媽急call媽去醫院睇公公..情形就好似2004年某個晚上
相信在座某幾位仍然歷歷在目,特別係五姑姐...
媽係我面前扮堅強, 我都係你面前忍住淚水..但你走左之後我真係忍唔住喇
好想去醫院但又要應付聽日既考試..怕結果會好似2004個晚咁
02:38am  媽打黎話佢到醫院..但係都趕唔切見公公最後一面
而我? 係呢個moment淨係識拎住個電話係咁喊.. 電話隔離既你都不知所措唔知點安慰我好

整晚失眠.. 完全唔想訓覺..成個人呆哂係度六神無主..倫陪左我成晚我真係唔好意思
要你咁夜走黎仲要無訓過..第二日仲要反學....最後我訓左個幾鐘..
起身發現有個傻小子走左又無反屋企..拿拿臨吹頭落去搵佢食早餐
之後佢去反學我就去考試喇..老實講, 我好感動! 從未有一位非親友會咁樣陪我..你係第一個

雖然由細到大, 同公公接觸比較少.. 淨係每逢生日,中秋,聖誕呢d節日, 公公都會送上利是一封
好少會同公公去飲下茶出下街咁樣..係唔係同d男既長輩都會比較少交流呢!?
知你鐘意賭馬..有少嬴左, 我地一定四口一日一隻金造生肖公仔..
與你既記憶只有金錢同物質上..諗起都有點兒那個!

點都好啦,我傷心完一晚之後已經無事! 公公你安息啦...

只剩一科

太好啦..考埋聽日就專心去搵工專心去玩! 呵呵呵!!!
沙灘,24號神秘活動,thailand, grad din.. 諗下都興奮呀真係

有個人迫下你溫書都幾好.. 為左叫你去自修室竟然搵野引誘你.. 真好真好 >3< 哈哈
過左一個十分開心既晚上.. 好開心好開心好開心

藍天白雲我至愛

探個頭出窗外望下個天, 藍天白雲好靚好靚
但仔細d睇會見到佢好似有層煙霞咁既野cover住
哎也.. 我想見到好超級靚既blue sky呀

不再低血壓 + lazybones

今日去左一年一度既body check! 最後一次免費既政府body check喇!
真係勁怕個姑娘今日話:「你over-weight wor」誰知沒有! 不過我都要努力keep fit
每星期最少跑一晚步! 我要持之以恆呀 =) 另外值得一提既係..
我呢個體弱多病, 成日都好易暈既小女孩.. 今日量blood pressure既時候
姑娘竟然話:「你血壓好好呀! 好正常呀!」哇開心死我.. 証明做運動係得既呵呵呵

我呢個lazybones.. 真係覺得自己已經考完會考架喇.. 仲差一科係星期六..PAPA!
body check完之後, 我今日竟然去左大廣行街.. 仲要買左衫s..你未考完會考架!
星期六先癲盡佢啦rhonda leung! 溫書? 溫得個少少, 真係名副其實既lazybones

Red Bull

今日去左睇red bull! 本來係唔去既..點知最後都係忍唔住要去哈哈..
成隊GxH同埋billy.hogap.lin.基哥..得我一個女仔.加埋有13個人去!
問我點解想去?因為想睇d勁人跳舞囉, 想去relax一下囉! 就係咁簡單! =)

我唔識跳break, 加上睇人跳舞既次數唔多..所以真係唔知邊d叫勁同唔勁
但真係令我大開眼界! 我覺得星加坡個泰仔好掂架..
除左跳break之外佢仲加入左d 宗教既元素..好似條蛇舞咁好特別
個日本17歲男仔拎冠軍! 佢有好多招! yoyoyo
睇完同綠雞佢地影下相就反屋企!! relax的一天.. 不過星期一考maths喇

16位選手!

byebye english

以上係由上年7月尾補joseph以黎既成果
今日既英文.. it sucks
我竟然發白日夢.. 算啦算啦
雙位數字無望喇

我今晚就要癲盡佢, 你睇住黎丫*

再見!

他是我校的看更..
你退休喇! 祝你退休生活快樂.. 亦多謝你曾讓遲到的我溜進校門hehe