下午過完影姨姨度上網就去sixflags! 終於都去到sixflags喇
渣左個半鐘頭車.. 我真係好想學車哈..不過都係搞反掂自己d方向先啦
去到就開始玩喇!! 得我同梁家希玩..以前咩都唔驚既三舅母去左邊呀!?
玩superman先! 我同梁家希都好驚
因為佢係伏係度玩.. 有時佢勁貼地..我勁驚我成個身擦左落地下
跟住就玩kingda ka.. 綠雞你最想玩個個呀
全程20秒.. 我同梁家希尖叫足二十秒..驚到我傻呀.. 極速架真係.. 不過好好玩!!!!
第三樣就係batman the ride
呢個上次玩過.. 係吊腳咁玩既..驚都係驚架喇..同埋撞到好痛呀個頭
第四樣就玩新野.. the dark knight
排左成個半鐘..呢個係最唔好玩既..勁似space mountain呀..
下次要玩埋隔離個water park同safari*
訓sofa真係好鬼辛苦呀..我條腰同頸好痛呀
今朝八點幾梁家希同表哥衝左落黎玩wii..搞到我無覺好訓! 不過表哥肯幫我按下條腰
唉算你啦.. 煮埋個早餐俾你食喇..無啦啦姨丈度又上到網wor! 不過仲係56k
11點幾就出flushing飲茶..我反左三日都未食過western food呀
飲完由媽渣車去tanger outlets!
去到真係血拼..買左好多好多野..成個車尾箱都係野呀u see
不過真係好鬼平!! 有間shop有好多tribal賣,US$20一件姐係平定貴呀??
不過我見到有幾隻款係US$9.99哈哈..好開心執到對平鞋
佢貼錯左label.. 本來對鞋US$69.99既..但係我地睇個陣係US$52.5..
所以最後計埋tax $54.xx 買左佢反屋企喇!!!!
行得好開心好開心好開心哈哈..好想成個outlet搬反屋企
已經放棄左好多野無買但都係好多好多
行到六點幾就回程..係highway見到對面線成架車燒著左 
個個八掛搞到大塞車..仲見到rainbow cloud..同埋見到一個類似火箭的物體
今晚表哥煮飯唔洗出街食..幾時先有western food食呀...
哇反到黎姨丈呢度上網突然好快好快..一陣唔洗過去影姨姨度喇好野!!! 哎也隔離屋好鬼噪呀
今天的戰利品.. 呢d只係我個part
出左去costco買野食..成個貨倉咁樣. 咩都係大size!
就連架車都大到咁樣
買完又反去真係悶死我..咁好既天氣應該去陽光與海灘架麻
打左兩鋪牌姨丈就反..
去左食cheesecake factory
好味到你呢個ceasar salad 嘻嘻嘻 ..姨媽又鬧人.. 無邊餐佢唔會同人鬧交架wor真係
無食佢d cheesecakes因為要去食cold stone
甜到漏但係好好味!
今日係肥死你日..
梁家希再一次被我強吻了
等姨丈放工就出去個education department度..搞讀書d野.. 見到個人真係滿懷希望同興奮
食完個飯就去左間community college
都唔明點解黎到仲要食中國野..不過食完呢餐我明白到點解呢度d人咁肥
呢匙巾係我同媽食完野d油.. 嚇呆左 
去完間community college之後..心情急轉直下都唔知點算..又要side呀媽好多好多錢喇今次
反到屋企又搞上網..可能比56k慢添呀..鬼屎咁炆.. 依家係隔離街
姨丈個妹屋企用wireless上網..今晚又唔知上唔上到網玩cam喇
岩岩食飯個陣個個都為我前途著想..惟獨自己好似1d擔心都無.....
仲有仲有, 咩野叫做情侶既合拍!?咩野叫做心靈相通?? 咩野叫做襯!?
哈哈哈哈, here u go.. 不過兩個個樣都鬼咁核突
走喇走喇走喇.. 終於都要到呢一日喇..唔捨得就真係好好好唔捨得..但都無辦法架喇
唔走既話條路會難行好多好多.. 為左自己既將來著想只可以咁做
多謝哂你地黎送我機呀*
倫 CH MARK 光 BILLY HOGAP 契媽 契家姐 珮珮 綠雞 軒軒 昌
第一次見珮珮, 好得意呀你! 又唔怕陌生人wor 又唔怕我呢個契姨姨wor 得意得意*
都算影左幾多相呀! 四個月後先可以再聚埋一齊去玩喇我地
五點半就入閘.. KAWAII 喊搞到我又喊埋一份.. 最衰我話做咩唔洗攬下啦
唔攬下反而無咩事.. 不過好彩有攬下咋!! 唔係都唔知你地咁唔捨得我
倫, 我地要一齊努力.. 你努力反工我努力讀書.. 出年去台灣架你要記住!
十二月反黎如果你唔洗反工你要黎接我機呀* 你要記住呀...實在太唔捨得你喇..........
因為upgrade到一個去business class.. 自私的我霸左黎用
有d私人空間俾反自己.. 不過一靜落黎就思鄉.. 喊左都唔知幾多次呀係架飛機度
唉...............
HOGAP你唔好喊, 我好快就反黎架喇你等下我啦! :P
十二月見啦朋友/親戚們! 多謝你地既電話/sms/msn呀! 全部收到哂*
十八號又到喇! 九個月快樂
約左軒同昌去築地食晏..去左曬相先!! 曬完見到綠雞梁可榆
哈哈我以後都唔洗再sms追你喇綠雞..多謝軒少請我地兩個食飯
食完三個周圍行下..行行下就上左我屋企..hea左一陣又出過去!
昌昌你都要努力讀書喇* 我地可能好耐都無得見架喇
你加油時我又加油!!
對上一次同The Leung's 去camp係2002年,當年我仲未讀中學
今次去我中學都讀完.. 睇下我地幾耐無去過丫!!!
不過真係玩得好開心! 個個都好開心哈哈
The Leung's Camp Day 1*
起身同媽去食魚餃面飲凍檸茶!去到美國就無得食咁好味既魚餃面架喇
買埋d野就反屋企拎野走人
去百佳買野飲先.. 兩打啤酒十枝茶..好明顯我地係酒/茶筒!
等埋姑媽就係大學轉的士去企嶺下新圍..第一時間去個天台度望望..哇全海景呀好靚呀!
第時我唔洗住豪宅架, 住呢d都夠哂數
多謝你地呀* 由其係五姑姐同姑丈,你地個電子相架好有用!!
佢地仲擺左好多細個既相落去哈哈.俾幾張你地睇下啦
其他有d真係唔出得街.. 勁樣衰
1991年....
2006年..
2005年既聖誕節
等埋咕佢地黎就去摸蜆喇..佢地都買左兩打啤酒黎哈哈
開頭真係摸唔到.. 後尾搵到岸邊有勁多!! 開頭摸個陣.. 都係玩多過摸哈哈
我地就係咁樣mau係度摸蜆架喇
真係勁有potential做呢行囉我地!頸腳腰都好倦呀摸完之後
我諗我地摸左起馬二百隻蜆喇..曬到我地要用索水布包住額頭同耳仔
開始潮漲我地就反上去沖涼喇
夜晚係天台bbq.. 睇住個月亮升起
勁大勁光勁靚! 我地係度燒蜆好好味 
四姑丈仲悉心整左個蚊香陣哈哈..燒到咁上下有d人落左去我地就留係度傾下計
哇d大人既爛gag真係頂唔順哈哈..姑姐無啦啦係度講起學校,我同包就唱起東華三院既校歌
清理好場地之後四姑丈話要去照蟹..我地四個大細路好有義氣咁跟佢出去
我,咕,梁家希都無換衫落去..蚊到條褲勁高.. 兩個電筒仲要廢既
照落水面睇到我地頭暈暈..最後一隻收穫都無就反上去
就係去照蟹既時候我miss左個call......跟住打反去又無人聽好唔開心呀
成班圍住傾計係度嘻哈大笑
傾到俾樓下投訴哈哈..好似好耐未試過同屋企人咁樣喇!!
d大人陸陸續續去訓覺我地四個就打牌!五姑姐同四姑丈都有打左陣
打到三點幾個個都頂唔順..最後包做大嬴家我做大輸家
The Leung's Camp Day 2*
今朝好早好早個陣..我聽到四姑丈係度嗌：「邊個去釣魚呀」
原來佢真係起到身我低估左佢!
到八點幾個陣就輪到大姑丈係度唱：「一丫葉，輕~舟~~~去」
仲有姑姐姑媽呀咕姑丈d傾計聲..哇簡直唔想再訓落去喇已經..惟有出去霸佔咕大半張尼龍床哈哈
十點幾就菲比斯! 真係拎到八金好勁* 全部人係度睇睇完又係度嗌哈
好似個陣世界杯係我屋企睇波咁!
期後d人都陸陸續續起哂身..十一點幾呀欣帶左噹噹同的的黎
噹噹無啦啦係度柯屎搞到我同五姑姐反胃..抖左陣就帶兩隻狗去游水
游左陣就反上黎喇..同包兩個係天台沖身玩水勁白痴
係咁周圍灑水.. 放狗個d人係咁望上黎..換反好衫就打牌! 打左四圈幾
差唔多六點就打的去西貢食海鮮..個個都話我去到美國無咁好味既海鮮架喇
表姐同佢男朋友都黎左,無啦啦食環署d人黎踩場個個人個樣勁黑人憎係度扮哂野
食到飽一飽就反屋企!!!
四個月後見喇各位*呢個camp玩得好開心呀!! 同屋企人玩到好埋
估唔到同五姑姐姑丈都玩到咁埋哈哈..經過今日之後我都再次確定左
我第日無論如何都唔會養狗!養狗比養人更加麻煩
我地四個要到十二月先可以再癲喇
倫聽日反喇太好喇!!!!! 我好掛住你呀.........
同完MARK行街之後就趕下場! 去左同昕昕食飯
係旺角會合之後走左去尖沙咀.. 兩條友又扮有錢哈哈
最後去左美麗華度食西餐.. 兩個眼闊肚窄嗌左好多野食呀救命
食完之後去左行街散步買左好多野好滿足!
同李家大小姐行街真係好開心.. 你就好啦考咁好唔洗走喇
惟有十二月見你啦我的十年老朋友
今日我地MARK出去行街.. Allison係泰國開心緊既關係無得出席
係旺角周圍行下啦.. 自從唔反學各有各忙之後我地既話題少左好多好多
去左影貼紙相.. 都未試過同佢地影既哈哈. 都幾靚架遲d scan左先post上黎
後尾呀燁都黎左! 行到六點幾我就趕下場喇.. 下次要同埋Allison呀
Macau Trip Day 2*
9點半起身搞掂哂落去食早餐,食完反上黎睇奧運睇游水!
check out之後去新馬路,食左雙皮奶好好味
之後行下大三巴
行到咁上下就反碼頭..放低d野係locker再去漁人碼頭
因為無咩野行先再反過去..入左賭場都唔知有無五分鐘就輸哂.財散人安樂呀真係..
早左2個鐘搭船反香港!! 倫唔知點解係個袋度拎個眼罩出黎無鬼聊
