每個人既blog都有佢自己既風格
無論由background, banner, 去到字型同color, 仲有所有圖同特別野
都係blog者自己諗過設計過拼過會諗下點樣先可以代表到自己!
可能你會搵到同一樣既圖去做你既background,
甚至可能我依家都會同某d人既blog用緊同一個background但係我唔知
起馬我add左做blog友同埋係d人氣/精選blog度我唔會見得到
之但係當你見到一個加左自己做blog友既人同你用同一個background你會點先?
你會跟住去用嗎? 當你被比你先用既blog友發現左你估佢會點呀?
我諗首先係你自己會覺得唔好意思先囉! 要人地公開打出黎講
仲要俾人發現真係佢用先過你.. 諗起都覺得核突啦
係呀, 我係講緊你呀! 自己對號入座啦你~
有反少少創意, 唔好做copy cat得唔得????
PLEASE 
我知我個blog一日都唔會有超過50既瀏覽人次所以我講野可能無說服力
但係我真係好憎d人抄我囉! 可能我以前俾人話過我係跟尾狗
甚至我認我曾經做過, 但依家我知做呢d野真係好肉酸好無面
其實我知我無資格話你因為人人都做緊copy cat
但你唔好做得咁明顯得唔得呀?
我唔想我禁左入你個blog發現個background一樣,
我驚遲d我發現自己無啦啦多左個翻版blog呀!
我個blog都唔係好靚姐.. 唔洗copy我呀
我好希望你可以改囉唔該!! 可唔可以轉左佢呀?
No comments:
Post a Comment