他們年少時

又執相.. 搵反爸B年青時既相

佢地五位老朋友.. 識左有三十幾年?
到依家都仲係好好好朋友
每年都有一次大型gathering (上年另計哈哈)
睇住對方拍拖結婚生仔抱孫..一齊分享個份喜悅!
我自己都覺得好開心呀爸B有班咁好既朋友

嗯.... 突然腦裡諗起喪禮上的情景
送別好友.. 難過的心情難以形容
患難見真情  我係個年幾裡面完全感受到!

當年的照片.. 個個都好後生呀哈哈
依家個個uncle都多左好多火車軌!
個個都多左個肚dum哈哈..好食好住好世界啦一定係!
當年最瘦個個如今已經係發福最多的那位嘻

超級喇叭褲!!

以下呢兩張個髮型勁一致呀!
全部d陰都係撥埋一邊既???哈哈

唔知道三十幾年後, 我同班好姊妹好朋友仲熟唔熟呢?
仲會唔會一齊出黎玩呢???? 會唔會睇住對方拍拖結婚生仔抱孫呢?
可能到時就到我既仔女拎我d舊相擺上blog笑我架喇哈哈哈

2009-05-02 (Saturday)

上年今日會考英文; 今日就考SAT

唔好問我考成點喇.. 打定輸數等六月六個個想黎過!