The Leung's New Year Party 之 是晚高潮

2010-01-01 (Friday)

BACK TO >>> The Leung's New Year Party 之 HAPPY 2010!!

睇到厭未呀? 打極都仲係呢晚party 哈哈

不過我相信我班親戚們仲未睇厭hehe  諗起呢晚個個都好開心!

來到是晚戲肉 - 派禮物既時候喇!

我既細個果陣, 我地每家有都為在場每位小朋友, 甚至大人準備禮物

係一家人一份wor, 好正架真係哈哈哈

直到我地大個哂又唔知d 咩野原因同幾時, 就變左每家人夾錢買禮物俾細路only..

前年就係麻麻十個孫買禮物交換.. 禮物對象係由大人們揀

直到上年, 我地抽籤睇下買禮物俾邊個.. 大人都有份抽

人人有份, 永不落空!

限額係HKD150 以內, 其實真係好難買!!

依家物價高漲, 好難用$150 買到份岩心水的禮物

唯有當份禮物係值百五蚊囉哈哈哈哈哈

由最高輩份的麻麻送出第一份禮物!

佢抽到阿欣.. 由於我地屋企有兩個茵/欣

所以麻麻俾人問: 「阿媽你送俾邊個茵/欣呀??」

麻麻好可愛咁答: 「果個欣呀!!」

從此以後, 阿欣多左個新花名叫果個欣喇

---------------------------------------------------------------

今晚我送俾彭子咕! 真係咁岩得咁橋呀!

本來以為好易買啦, 點知諗落係勁難囉!! 你乜都有我買咩俾你姐

我知你想要單反, 但我無能力買部單反俾你啊哈哈

其實送禮俾你果陣諗住晌雜誌剪張單反圖送俾你既, 點知太趕唔記得左!

不過我對你都好啦, 人地個個都係收得一份, 我就一次過送三份!

d 禮物係就係勁行, 不過寓意係叫你努力讀書架wahahha

---------------------------------------------------------------

呢晚我地有造馬橫節, 就係借d 依送禮俾其他人哈哈

點少得呢對成日拎我相機自拍既情侶丫!

當然仲我地兩姊弟送野孝敬媽咪啦!

盒新出的合桃朱古力真係正到不得之了! 個個食到lam 哂俐!!

其實當晚仲預備左禮物俾契媽架, 不過佢臨時黎唔到, 真係可惜 :(

the pang's 係造得最多馬既哈哈

都話我地四個孝順仔女黎架啦!

由細到大都鐘意錫人, 近年愈來愈離譜哈哈

姑姐們已經頂唔順我地d 豬咀同錫錫, 但我地繼續做唔黎佢地哈

呢兩母子親到要咀對咀呀

十分溫馨的the pang's

哈哈, 話說大佬仔送俾表姐夫! 影完張正經既照常有人叫「咀佢!咀佢!」

本來係大佬仔錫既, 但佢無啦啦話:

「咪住! 乜唔係佢錫我架咩? 我送禮俾佢架wor」

向來唔多玩得既表姐夫順民意扮錫左大佬仔一啖, 睇下大佬仔個樣幾surprised 就知啦!

睇下姑丈睇到幾開心!!!

搞左勁耐先送到俾姑媽! 因為佢唔識叫人俾我地圍毆哈哈哈

好彩錫返姑媽當無數姐~~

都唔知係唔係造馬架! 女婿抽到岳母, 老婆抽到老公wor!!

第一次見姑丈錫姑媽咋我都係! 哈哈哈

拿~~ 表姐夫要學下野啦! 女婿係要咁樣對岳母架麻!!!

睇下麻麻笑到名副其實既見牙唔見眼呀!! super happy!

原來佢地係失散多年的兄弟, 今晚要用個頭黎相認哈哈哈

姑姐唔俾表哥伸俐哈哈

做咩野要跑出黎呢??

原來俾利是lanie! 我七月返去可能見唔到佢架喇~~

兩年約滿.. 請左工人十八年... 我依家唔知我返香港放暑假果陣點算!!

拿, 一睇呢盒野就知唔只$150啦哈哈

媽咪仲要玩呀咕:「阿咕我俾百五蚊你, 你買多盒俾我丫!!」

阿咕真係汗顏呀哈哈.. 不過呢盒野真係好靚

岩哂鐘意飲酒既三舅母!!

姑媽收到高科技產品! 其實就係暗示叫佢自己學下用,

等表姐夫唔洗幫佢入相落電腦! 你真係好'精'wor 哈哈哈哈

是晚又有北海道牛乳芝士蛋糕, 好好味呀!!!

晌大家拆緊禮物聯誼緊既同時, 麻麻進行cut cake 儀式!!

不過麻麻好勁, 刀都俾佢切爛埋哈哈

the leung's new year party 晌一片歡笑聲下完結

各位來賓臨走前仲得到我既big hug 一個! 因為下次見面係七月喇

the pang's 係exceptional, 因為我地聽日又見囉  

-THE END-