學校大不同

 

黎左呢度年多.. 都無乜點講過學校既野

呢度既學校system 當然同香港既好唔同啦
你都唔會係香港見到有4600 幾人既中學先啦哈哈
我呢度間for no more than 2000 人既 high school 有成4600 幾人..
呢排仲頻頻見報上電視添呀!

呢張係叫program card. 講你每日上d 咩堂
( 係呀! 我有中文上架.. 明屈分架哈哈哈
AP = Advanced Program.. 大學計credits 架..)

唔似香港每日都唔同課.. 呢個星期一至五既堂都係一模一樣好死板
不過好既係每人都有唔同既返放學時間..
因為我地學校太多人所以要分配唔同既返放學時間俾學生
我就係返period 1-6, 星期四要返埋lab
返學時間係 7:15 - 12:12.. 上年係9:00 - 15:33 呀!
所以今年free 好多.. 亦都多左時間俾我訓晏覺哈哈哈

呢張叫student transcript.

全張係咁既樣

佢等於report card.. 寫清楚哂你high school 四年入面既成績
我只係讀左兩年, 不過香港果d 都計埋落去架! 所以我好著數

high school student 要44 個credits 先可以畢業
好好彩我嚮香港都已經帶左38個credits 黎喇!!
佢maxium 係60 個.. 相信今年我都應該會拎到啦

呢度讀public high school 完全唔洗錢.. (考出面d 試同graduation 果d 除外)
因為我地連書都唔洗買架! 學校會俾埋你! 不過就要睇彩數..
睇下會唔會咁黑仔拎到d 痴住gums 既書囉! 
有d 又會係霉霉爛爛咁.. 仲好臭架! 不過我成日「借d 依」換走呢d書既

我地每日都要有一個binder

用黎上堂寫notes 同做功課既..
呢個可以話係我嚮呢度讀書最鐘意既一樣野
因為我嚮香港溫書時都鐘意抄過哂d notes! 始終抄過會入腦好多..
係呢度上堂日日抄密密抄.. 溫起上黎真係易好多!

我係一個好organized 既人.. 所以咩都分好哂哈哈哈

我d notes 全部都好多color.. 咁樣溫起上黎無咁悶
同埋上堂果陣都無咁悶哈哈哈哈哈

中文其實全部野都係學過哂.. 但唔做又無credits...

唔好以為外國無咩功課做好free 呀.. 統統呃人架!
你睇下我本schedule.. 差唔多日日都寫滿哂功課架!
仲要係好多都係readings.. 讀完仲要寫summary.......

呢樣野已經唔係第一次嚮我blog 度出現
黎緊11月7日將會係我最後一次考呢個試
呢個係評估你入左大學會讀成點既一個試
其實我有時覺得都係useless.. 因為SAT 死做死背就高分
咁又點會estimate 到你入到college 既成績呢??
但奈何入好既大學真係好睇佢架........

全test 有10 parts.. critical reading 佔差唔多一半

writing 就佔最少.. 得2 parts

maths 就佔第二多.. 我拎高分真係靠哂佢!

我都知.. 我d entries 依家真係好好好乏味
但我都無辦法.. 想睇有趣既十二月中再黎睇過啦!