我的近近近況

 

很久也沒有蒲頭喇! 岩岩過去的一個星期切得要命
除了上個星期一,星期日同今個星期一(Columbus Day 放假) 之外
我每日都有test!! test 到今日先正式完哂.. 仲要係d 唔細既tests
忙得不可開交呀簡直係! 同埋無哂jetlag 成日夜訓早起
日日都死狗咁無乜精神.. 結果平日唔訓晏覺既我都要每訓返個半鐘
大部分既成績都出左喇.. 仲要唔係做得好, 都算幾差
令到我個人好depressed 脾氣差.. 

剛過去既星期六我又考完SATs 喇. 仲要十一月果個!!
真係要出十二分努力落去先得呀.
加上近日決定報埋香港我non-jupas.. SAT 果度差好少分就ok!
為左我既大學生活係可以精精彩彩真係要努力呀!!

尋日自己出左SOHO 果邊行街..果度猶如香港的CWB? 差唔多啦我諗
有名到好名既名店; 又有比較平民既都有
係美國買衫唔似得香港.. 一定要走入D 有少少牌子既先夠好
係香港? 花園街真係我經常幫襯的地方呢!! 諗起都想即刻去行喇~

呢邊天氣開始凍喇.. 係堅凍!! 今日返學同放學對手都係冰冰凍的
未來幾日會再凍d.. 咁快就咁凍今個冬天有排捱喇

至於身體上面的狀況都ok..繼續係戒食緊有protein 既食物
不過都無頭一個月戒得咁嚴, 間唔中都破下戒啦!
媽咪黎果兩個星期完全係隻魔鬼.. 話唔信我咁忍得去戒口
你都唔知我忍得幾咁辛苦呀! 明知我最最最鐘意飲奶食蛋架啦
呢幾個月處處都無得食真係無陰公!!!

每個星期六晚都同媽咪講電話
佢爆料話我知岩岩過左既星期日表姐過大禮
佢唔講我都唔醒起表姐既大日子快到喇!
不過唔厭長氣都要再講多次!
好唔開心無得去飲.. 表姐你應該揀十二月結婚丫麻!!!

想睇多相既entries? 我諗你十二月中再返黎睇我個blog 啦
係美國真係無乜mood 影相