中秋節

 

2009-10-03 (Saturday)

(今次真係老貓燒so.. 平日有一路打一路copy的習慣..
今次無copy 兼打左勁多野禁錯制乜都無哂!)

 

上年的中秋係我第一次同姨媽吵大穫仲要搞喊佢
第一次唔俾面唔去姨丈個妹度食飯
夜晚仲要哭得死去活來...打俾machi 又係咁斷線

今年的中秋我一早講左唔會出席任何飯局
我會自己一個留係度靜靜地過!
因為我唔鐘意嚮d 大時大節入面
見到人地可以同屋企人聚首一堂而自己係一個外人
又無乜野同人講自己坐係度發呆
我唔需要刻意感受人地個屋企有幾溫暖幾溫馨
因為我都有一個好溫暖好溫馨既屋企
只不過嚮香港而唔嚮紐約!

呢個中秋既天氣好差. 連又圓又大的月亮都見唔到

自己同自己做節..
有cod fish

又煮老左既asparagus 炒又salty 又重雙蒸味的蝦仁

有淡而無味的mushroom 炒意粉

我知我既廚藝尚有好多既進步空間!
我可以講既係我返黎之後煮中餐進步左呀
因為有姑姐呢個幕後大軍師哈哈.. 我會繼續打俾你架
仲要打埋俾麻麻問下佢呵呵呵

中秋節快樂!

以前升中後每年都埋怨點解屋企人唔俾我出去同朋友玩
( 我都係在港最後一次過中秋先出去玩過一次咋)
依家就淨係想同屋企人聚埋一齊食飯搞爛gag!