行街。FROYO。廟街

2012-01-14 (Saturday)
終於可以同jehjeh 去行街喇yeah!!! 等左呢日幾耐呵呵
行TST 先... 唔係幾買到野呀嗚嗚
加連威勁多人 都唔係幾想認真行
結果我地去左K-11 食FROYO



我經過左呢間野好多次
但係身旁果位先生係唔食FROYO 架:(
今日有伴喇YEAH

好靚呀!!

仲好好好好好好味添呀!!

(我個頭想點-,-)
就係咁... 我帶有罪疚感咁隊左個FROYO
因為我仲喉嚨痛加耳仔痛SUPPOSE 唔好食既哈

依家咁睇真似返少少WOR 我地LOL

食完我地就去花園街
果然只係晌街口果間鋪頭已經殺到一地都係血
但唔洗500蚊買左兩件冷衫一件恤衫兩件打底背心WOR
抵到爛啦下麻hahahaha
我新年有新衫著喇!!!

夜晚兩隻佬JOIN 埋我地一齊去廟街食煲仔飯!!

我地霸左人地張木台勁耐
走果前先知原來出面有咁多人排緊隊哈哈
真係好鍾意同埋你兩個一齊出去食飯<3

姊妹+小同聚

2012-01-13 (Friday)
本來今日係同姊妹們去南生圍影相同野餐
誰知天公不造美落大雨去唔成
仲搞到我多左兩磅雞翼晌屋企-,-

結果就係出左TST 唱K LUNCH
我病左2個星期都未真正病好
呢日喉嚨痛搞到耳仔都好痛
唱完K 更甚......

不過好開心可以見到你地
30號放左你地飛機SORRY 啦哈哈哈
我都唔想發燒唔想病到黎唔到架!

佢地之後去元朗食SUSHI
我就上男朋友屋企等佢放工再出去食飯
AUNTIE 今晚整左枝竹炆腩肉
OMG 的好味! 仲要落左勁多枝竹
出去食飯前都要食返一碗仔先哈哈哈
都唔知幾耐無食過住家飯!

今晚同男朋友既小學同學食飯
好耐無見喇~~~~
今次見得一次 暑假應該可以見多D 既;)

呢兩杯野真係超級的大
唔該哂雄仔SHARE 每樣一半

HEHEE 黎呢度食野都係為左佢!
擺左落木台唔洗十分鐘就搶哂啦~~

神秘皮革班

2012-01-11 (Wednesday)
男朋友下星期生日
佢份生日禮物仲要0% perpared LOL
突然叮一聲醒起之前佢話同兩個朋友諗住學整皮革
但3個吹水王當然最後無成事啦
就等我拉果兩隻怪獸去陪我整黎送俾你啦!!

我地三個就係咁一齊去左整IPHONE CASE~~


呢間係上網SEACH 到返黎既
款色都算多 而且佢個網講過數報名程序講得好清晰詳細
加上我呢個市儈人見到「二人同行九折」呢幾隻字哈哈
星期日先EMAIL 報名 第二日就有REPLY
岩哂我呢D 無咩時間淨既人哈哈

地方唔大 晌太子D唐樓上堂
一班最多4人 有兩個導師
未上去之前其實驚佢會係好多人一齊
好彩END UP 唔係~~

男朋友果日要返學
呃左佢話同NYC 班朋友食飯
(其實今日本來真係約左佢地 但ENDUP 唔得閒:P)
送左佢返學我就去MEET UP 兩隻怪獸啦
咁好彩佢今日呢堂會好認真上
如果唔係我一路係咁同佢WHATSAPP 真係整唔到
(雖然都呃佢話果度收唔到會應得佢慢D wahaha)
都唔知佢以後仲會唔會咁信我!!!

講返個皮革班先~~~
由揀皮剪呀聯呀都係自己一手一腳
導師只會開頭教一教之後就會晌隔離睇住做
佢地仲好nice 一路有講有笑
同埋聽住我地三個無聊咁吹水哈哈哈
同班仲有一個女仔學 我鄧佢慘
係咁俾我地d 無聊既GAG 污染佢耳仔XD

拿你見到啦我好俾心機整你份禮物架!!
所以送俾你果陣你完全無問過係咪我自己整
靚到似買返黎既呢~~~~~ HEHE

話就話個course 係兩個鐘
我地END UP 整左差唔多五個鐘咁滯!!
打擾到人地差唔多十一點呀~~
離開左之後我係咁話好抵呀好抵呀WAHAHA

由於男朋友同佢兩個太FRD 既關係
揀皮時同印字時真係好煩
盡量唔好一樣 連印字時都盡量唔好同位置=,=

我果個個COVER 唔係無剪邊
而係個邊係本身塊原皮既邊
諗住有返D 特色廢事佢地三個撞得咁應哈哈

完成~~~~
有機會我一定再黎!!


非常愛LOGON D 布STICKERS
抄我份情人節禮物個盒既造法 痴呢D 布貼紙落去整靚佢
個盒真係超級廢物利用
係我F3 時果個WESTWOOD 銀包個盒黎架哈哈哈
係佢先FIT 個IPHONE 套
諗住買個都搵唔到岩心水呀!

好野係要同大家SHARE 下既~~~~ :)

WILD KINGDOM:
http://www.wildkingdom.com.hk/

FACEBOOK PAGE:
http://www.facebook.com/pages/Wild-Kingdom/312420592899 

他約我去迪士尼♥♥

2012-01-07 (Saturday)
我.........等左用呢個名出BLOG 等左好多年喇wahahaha
自從06年呢首歌一出, 迷倒了萬千青年之後
我都好想真係可以有一日有個他約我去迪士尼
本來要等到出年既一月先有架
因為我地之前去左澳門
唔想一下字用咁多錢
同埋又可以有d 野期待下:)

不過咁岩uncle 公司出左promotion
夜晚仲有包場tomorrow land
聽到緊係即刻去啦!!! 不過就無得睇parade
因為4點後我地先可以入場~~~
 

訓飽起身去食早餐先
well, 我地起身去食時人地已經變左特餐喇

出發!! 男朋友第一次黎DISNEY
我之前黎過4次 無一次以正價入場
今次都唔例外HAHAHA

去完澳門之後男朋友渣單反自拍技術越黎越好!
唔洗麻煩到人我地都影同到CASTLE 合照喇YEAH

是日最想去既地方
follow the sign.....

and here we gooooooo~~~~
我最愛既toy story hohoho
加上新開, 未去過, 更加興奮!!


 

淨係玩左呢個RC RACER

唔知係我太太太耐無玩過機動遊戲
定呢個既離心力真係有D 勁
最高衝落黎果下我真係怯怯地
加上我條頸鍊差唔多飛埋出黎
男朋友又要禁實佢副眼鏡
情景非常狼狽哈哈:D

諗住玩個降傘
點知要排70(定90?) MINS..........
影張相算啦!!
不過有朋友玩過話唔好俾佢呃到
離心力都唔少架wor~~~

同REX 仔影返張相先HEHE

跟住我地都無話特別要玩D 咩
好RANDOM 見到邊度少人排隊就玩邊樣!

有少少後悔無騎下馬添...

影完之後男朋友話:
「併埋兩張相擺上FB 睇下人地話邊個戴得好睇D!!!」
最後當然無做啦, 呢度人少少就併俾你睇啦
不過應該無人REPLY HAHAHA

差唔多時候就搵定個靚位睇FIREWORKS 喇
我每次睇唔知點解都係有喊既衝動
THE WHOLE NEW WORLD 配煙花真係好正!

FIREWORKS 後UNCLE 做果間公司包場TOMORROW LAND
喪玩既時候終於到
我地係咪咁"乍" 呀... 玩完一次SPACE MOUNTAIN 腳軟
睇黎我地真係要快D 去OP 玩返轉壯一壯返個膽先得呀!!!

哼呢個地方係我地兩個第一次打架
為既就係鬥高分
好無聊但好好笑好好玩HEHEHE

玩到最後無野玩
排埋馳車天地扮渣左一轉車之後我地就返屋企喇

返屋企又有另一個小故事
話說呢位先生無帶KEY; 阿妹又無帶AUNTIE UNCLE 又唔晌屋企
結果呢晚我地兩個要由迪士尼去柴灣拎KEY 再返樂富

中間仲要去到深水埗時先發現大家無鎖匙

原本終點在望仲諗定要去M 記買孖芝走瓜加紅豆批

點知最後除左機場快線, 西鐵, 東鐵未搭過之外

我地晌around 2個鐘入面遊左個超級地鐵河!

返到去係倦到郁都唔想郁.............

最無辜係我呀! 成件事我係做陪客

你睇我幾好~ 無丟低你自己返屋企~~ :P

A Simple Enjoyable Night♥

2012-01-05 (Thursday)
晌屋企休息左兩日
今日終於再出動喇!!

下午出左九龍城同契媽家姐飲茶
停左媽媽奶既阿卡瘦左好多呀
不過同時都高左好多~~~

佢知我影佢
佢即刻「呀~~~~」咁擺哂POSE 哈哈

跟住就上去搵下唔肯出街既阿珮~~~
掛住睇史力加連出黎見下我都唔肯
真係俾你笑死

夜晚就同男朋友行街睇戲食飯!

去左食我久違既滑蛋豬呀YEAH~~~~~~
見到張相我又想食喇.....

呢晚好開心呀
雖然係好平凡 中間再加插好多好無聊既笑話
但我地兩個唔同平日既情侶可以時刻見面
得閒就可以出黎睇個戲
我地每年只有4個月時間見面
好似今次返黎咁, 我地一齊去睇過一次戲咋:(
就係咁樣我地先會更加珍惜每次單獨出街既機會

今晚去左睇MI4
超級好睇!!! RECOMMEND 呀~~