back to >>>> 倫敦!LONDON! DAY1
2010-03-29 (Monday)
今日的forecast 係我咁多日既旅程中落最少雨
同埋又係星期一, 個個返工會少人
所以我就出發去搭火車!
去邊?
一心諗住來買下burberry, fred perry, cath kidston 的..
點知去到, 個outlet 係好細好細
同埋d 野比美國的outlet 真係貴好多. 又或者係美國outlet 實在太平? hahaha
諗住晌cath kidston 點都會買到一樣野既.. 點知又睇唔岩
結果行左兩個鐘都係返去吧啦.. 因為好快行完又無咩好行!!
加上前一個星期先同媽咪去左outlet........ hahaha
果陣已經專登唔點買野架啦.. 點知黎到呢度更加無野買哈
最後返左oxford street 的topshop 行左大半個鐘!! hehehehe
一路揀一路嗌貴, 不過買完返黎再上topshop us 個網度睇真係完全無後悔呀!!
2010-03-30 (Tuesday)
今日決定去下離住的地方ok 近的british museum 大英博物館
出太陽的上午!
呢個museum 唔洗入場費, 行左入去15mins 見悶行返出黎都抵哈哈
我當然唔會晌入面15mins 咁少啦
見到好多其他國家的東西.. 只係講得英國好殘忍
搶哂人地d 野返黎展覽!! 點解我覺得係搶返黎而唔係拎返黎??
好多展品既呢d statues 都係斷手斷腳, 爛容容的....
(以上純屬個人意見!!)
有好多學生黎field trip!
話說我見佢地畫緊畫, 我就膽粗粗問個小朋友可唔可以俾我影佢畫乜
點知我拎起個相機之制佢即刻收埋幅畫走人!! 哈哈
又或許係自己衰多口or whatever 的關係, 行行下就好頭痛同暈陀陀喇
拿拿臨走人啦緊係!!!!
搭兩個站tube (買了1week ticket. 可以任搭! 抵)
下一站黎到呢個神聖的地方
St. Paul Cathedral 聖保羅大教堂
其實係為麻麻而來的
因為佢係一個好虔誠的天主教徒, 好鐘意去潮聖同參觀教堂
今次黎係負責影好多好多相!!
點知買飛時先見到唔可以影相.. 入到去都見到有好多人偷影呀
不過我部大機按快門果下聲咁出眾都費時喇
晌呢d 地方就遵守下佢既規則啦!
入面真係好靚好靚.. 一入去見到有個架插滿好多candles
奉了獻點了蠟燭許了願 天父你聽到我的願望嗎??
不過我相信我其中一個願望已成真了:)
因為第二日媽咪就話左我知有關阿婆病情好轉的消息!
旁邊有條樓梯係可以上去gallery 的.. 見到有架lift 我諗下有無得搭啦
點知見到係要有staff card 先得.. 死死氣地行那條勁長的旋轉樓梯
咁轉你都唔好話唔暈.... 行左300多級後黎到下面張相既呢個地方
係勁大風而且開始落微微雨的室外地方.. 坐低抖抖
諗下上多百幾級去top gallery 定係落返中間的那個gallery
最後我緊係落返去啦... 真係有少少頂唔順哈哈
行埋地庫, 買了手信俾麻麻之後 出返黎已經落大雨
迫住要俾幾磅買把好普通的縮骨遮!
晚上跟alan 食飯... 上了auntie 的美容院
修左果兩條好核突既眉, 即刻靚哂哈哈哈, 謝謝auntie呢!
然後又跟佢地成家人食飯.. 感覺怪怪的
因為今日先係第一次與auntie 見面... 其實見alan 真人都只係第2次哈
我地兩個msn 多... 認識佢的原因....... 哈哈算啦
那個人無謂再提!!!
GO TO>>> 倫敦!LONDON! DAY4
No comments:
Post a Comment