父親節有感

 

 

♥♥♥♥♥ 父親節快樂 ♥♥♥♥♥

 

前兩年都話父親節已經完完全全唔關我的事了

其實唔係的, 就算阿公阿爺同爸B 唔晌我身邊,

父親節都仍然關我的事.. 因為我的確有個父親ma!

只係我慶祝的方法唔同, 其他人可能會同自己既daddy 出黎食飯陪下佢

我就係心入面比平日更掛住佢!! 每倍佳節倍思親呢句說話講得好岩

特別係我呢d 自己既屋企人唔晌我身邊

 

我成日都晌度諗,

其實如果爸b 仲晌我身邊時, 我可能唔會掛住佢

唔會對佢既感覺咁強烈.. 可能我會好唔鐘意佢

覺得佢成日管住我, 覺得佢好惡好唔通情達理

又或者我會好鐘意佢, 因為佢一定會買我單反教我影相

可能屋企會有車, 佢會教我渣車.. 會給我最好最好的

(see, 我個人真係好物質呀哈哈哈)

人失去左先會識得珍惜, 5年多前我仲細仲好幼稚

而且處於反叛時期, 親戚會覺得點解岩岩失去左爸b 都唔生性d

仲唔好好讀書唔洗自己既媽咪擔心

其實我到依家都仲好介意點解我d 親戚會講d 咁既說話

點解佢地會唔相信我唔俾反少少空間我

依家諗返可能你覺得我反叛, 但我覺得可能呢個係我發洩既方法?

你地唔係每日都住晌我屋企, 唔係每日對住與爸b 有關的野

你緊係講得輕易啦!! 所以屋企裝潢左我真係開心左放鬆左

 

大個左, 心智成熟左, 會覺得生命真係好脆弱, 話無就無

呢一刻你同你既屋企人過得好開心,

但touchwood 可能下一刻會突然失去佢地

特別係我睇住自己好快又會失去多個親人

我就會好自私咁想好好保住佢唔想大家傷心

但生離死別呢樣野凡人係無得控制的

keep 住食藥extend 左在世的時間又如何?? 到最後都要失去

依家只可以希望呢位親人離去的時候唔痛苦

因為我知道, 到我離開的果一日, 就係同所有離開左既屋企人重逢既時候

唔知邊個同我講過, 爸b 同阿爺依家好努力咁起緊一間大屋

等第日我地再重逢時再有一個安樂窩, 我信架, 我信屋企人係永不分離架!!

所以我成日都唔明點解d 人要離婚要丟底成個屋企

有d 人話可能佢地無緣份, 咁點解當初唔相處耐d 了解多d 先結婚呢?

 

anways, 希望每個人都珍惜自己既屋企人

珍惜同佢地相處既時間, 嫌佢地煩既同時都會關心佢地!

 

一個失去過的過來人上