由中秋節開始說起

D 相好雜 每日一張咁樣
所以索性黎個雜撈
由中秋節講起啦!!

中秋晌呢度都無咩野特別慶祝
但每到呢D 大時大節真係特別掛住屋企同香港既朋友們
AUNTIE 對我好好呀 whatsapp 左做節飯同月餅黎引我
好想飲住家靚湯呀嗚嗚


no non-fat latte 日
我個胃出名差 所以被人遠處制止我飲咖啡
唯有買orange juice 飲 不過係非常唔抵


好掛住湳湳呀
眼訓都傻都仲咁可愛既:D:D


呢一日好曬 係曬得好離譜!
呢度一出太陽就一定要帶sunglasses 出街
因為曬到你睜唔開眼架會


有一日放學去左行muji
拎左件間條長tee 入去試 好長好大件-__-


呢對鞋七月頭買, 九月尾先第一次著
仲要著左之後落大雨! 一步一驚心呀真係!
好彩返去抹返乾淨之後好似新的一樣姐!


有一個星期五唔洗返學
表哥自制long weekend 所以約左我出去食lunch


哈哈呢個摩天輪好mini 
我諗一個小朋友入去坐都會貼到底
都唔知可以俾邊個坐


行行下我地好口渴 
當時晌china town
所以我地走左入去個冰室度飲涼茶
呢間d 夏枯草好好飲呀! 唔會太甜:)

最近買左呢對鞋
見到街上好多人著 買左返黎唔岩就諗住拎去退
每買一對係做左善事架:) 好有意思!

最後係無退 因為呢對鞋好舒服哈哈


上上個weekend 宿舍internet down 左
完全做唔到功課 -__-
好彩好好人既表哥借佢間屋我用
佢就去左飲酒, 話係咩野德國啤酒節wor~~ what an excuse!


好乖咁做哂d 功課就走人喇
hoodies 季節黎喇! 天氣開始涼嚕


有緣人, 大家睇唔睇到雲裡面出現左d 咩野呀??


最近右邊膊頭真係好痛好痛
平日查呢隻膏第二日就鬆哂
點知今次完全無用!


最後買左鎮痛貼
貼左兩日無事喇! 好彩無事咋
唔係要去睇醫生嚕:(


又查膏又痴貼 被康伯伯叫我做da 婆婆嚕.......


有日放學去左行街
仲諗住讚下自己最近行街都忍到手唔買野
但我見到呢個我忍唔住了


B and R <3