Phuket Trip Day 4*

 

DAY 4

晨早起身
因為今日要去ony day tour no.2呀!

第一站我地係要搭九個字van仔
再係highway邊度轉搭大巴去一個三合一地方

我地先去騎象! 之前騎過一次
最壯觀都係睇住前面個隻大象大小便哈哈

第二樣玩咩? 做咩有要戴頭盔!?

因為我地玩ATV呀!

基哥以為自己好型.. 以為自己渣緊AE86係度玩野

結果!? 自己整傷之餘仲整爛埋架車
仲要係半路行返黎哈哈哈.. 我地呢班衰人1d同情心都無
仲要係咁笑佢哈哈哈

真係好慘架.. 兩隻腳都傷仲要好痛

最後一樣我地睇elephant show呀
好慘呀我覺得d elephants... 又坐又企又倒立.. 仲幫日按摩
呢d根本就唔係佢地本來識做既野.. 仲要唔知d人用咩方法train佢地...

 

倫縮埋左因為隻象玩野
其實有張我個樣都勁驚因為隻象搞我
不過我廢事post我醜態出黎嚇親人啦

跟住我地就上返車去rafting! 如我地所願坐左tuktuk喇..
由於rafting 1group最多4個..所以我同倫就同另一對hk couple 1group..
好好玩! 我地無橡無得撐..足實俾個2個撐艇既玩 ..係咁撞落d石度哈哈..
一開頭有d似去左四川救人..有好多好好笑既野發生..總之就好好玩啦!

食完lunch就去睇個waterfall
坐tuktuk上去..

諗住影相啦點知無張係唔震既!

hogap似唔似上山拯救呀?
唔知點解呢個trip成日都影到佢d懶有feel既相

 

到喇.. 所謂既waterfall就係咁喇..

 

影張相就返上黎.. 因為落緊大雨好鬼凍呀!

又行返落去啦..

回程加埋轉車坐左兩個鐘車
一上車我地五個就係咁訓..我地五個仲要坐大巴最後個排
全部訓哂唔知係咪我地訓覺個樣好好睇
前面個對外國小姊妹成日都偷望我地又係度笑

呢程車最辛苦應該係我呀.. 因為我無換衫
勁濕咁上車.. 個司機開大冷條我勁凍
仲好好好好急.. 結果到酒店一落車就跑返房
一來落雨佢地唔想整濕..二來我真係急到無法再忍既地步...

沖完涼我地就出去食野喇! 又係去大排檔
我地話最後的晚餐要豪叫豪食呀! 又食左勁多野! 飽到上心口
但好似埋單都唔夠第一餐貴哈哈哈

食完我地又去行街啦.. 我搞到倫大破財
搞到佢嬲左我係咁講埋哂d悔氣說話嚇死我

係佢嬲嬲地既期間我地去左J字頭mall
因為我地要買up side down ice-cream食呀!

返房過左一陣又無野嚕嘻嘻嘻
我地又上左hogap佢地房玩uno呀
不過玩uno之前佢地玩交剪腳
billy同倫慘成受傷者.. 我同基哥就係咁笑笑笑仲拍埋片

你睇下基哥對腳腫左呀

我地既tattoo黎到已經開始脫色既時候先影大合照

今日我同billy輸左.. 佢地每人食2枝呀!!!
不過我飽到食唔落野.. 即刻買少2枝哈哈

得戚到佢地丫!

食完佢地話要睇波.. 我就眼訓度求其搵張床就訓左
眼鏡都無除呀.. 四點幾醒左
是晚同四個麻甩佬同眠哈哈哈哈
我緊係識保護自己啦我訓最邊架..
訓到九點幾同倫返房沖涼換衫去食早餐啦