回到小學去

2011-01-15 (Saturday)

今個星期六非常忙碌

由朝早九點幾玩到差唔多凌晨三點

今日係母校既開放日

咁耐無返就緊係要返去睇下啦

一返去就填返張入會form 先

呢條走廊帶俾我地最多既回憶就係做服務生(即係prefect)時

一有人跑就嗌: 唔準跑慢慢行!!/你企晌度,我要摘你名!!

我本摘名簿最多被摘既原因就係晌走廊跑啦哈

有必要咁hard sell 嗎??

中學除左識到班好朋友之外, 學校真係無咩野藉得我留戀~.~

偷偷走入課室懷緬一下

以前每日填得滿滿既家課欄呀

呢位係我小學裡最frd 既老師

到依家都仲有contact 架:) 佢係我小三班主任

佢第一年黎教書就係教我PE

小四-小六成日都會走去搵佢架

去幫佢改下簿, 同佢果陣班小一學生玩哈哈

計落原來我地已經識左11年OMG

呢個係當年既口風琴隊老師

果陣笛隊果陣有幫過佢手伴奏架

後尾校際好似仲拎左獎

呢位係教大佬既, 果陣爸B 有事時佢有黎探過爸B

而且佢依家仲晌FB 非常留意我同大佬既生活

我最鍾意佢果日見到我講果句: 佢地屋企人好close 好融洽!!!

係架我地真係架:D:D:D:D

音樂室--one of my favorite place

仲有超令人懷念既詩班袍!!!

果陣有d 咩野崇拜就係我地詩歌班出動既時候

我地就會著住呢d 袍上台唱聖詩架喇

跟住我地走落禮堂

呢度係我留連得最多既地方

詩班/團契/校車隊/笛隊/朗誦/創藝都會晌呢度進行

哈哈有無發覺我細個參加既課外活動好多都同音樂有關?

我諗如果唔係讀呢間小學加入詩班同笛隊

我諗我唔會去學琴同學長笛, 唔會咁鐘意music*

我好似係企過上黎講野, 但唔記得左係講d 咩哈

呢個係我小一班主任!!!!

佢初頭唔認得我架, 但到我報上名來果陣佢開始有d 印象

到我一笑既時候佢就認得喇, 佢話我笑果個樣無變過wor 哈哈

呢位係小三教我中文; 小六教我數既副校長

以前呢度有d 木台 凳架

有課外活動果陣我地就晌度呢食飯做功課同玩架喇

品學兼優獎牌, 操行A平均分>90 先拎到架!

呢個係我小四班主任, 亦係果陣團契既導師

SUMMER 要再約你同石老師出黎HIGH TEA 先得!!

佢教左我4年英文架!! 依家已經做左副校長, 犀利!!

今日返黎帶俾我好多回憶呀!!

小學係最令我有歸屬感既地方, 可能因為果陣involve 過好多活動

同埋同好多老師都好傾得埋hehe

唔知幾時可以再返黎呢???