2011-01-24 (Monday)
今日心情真係百感交雜
每次黎到呢一日全日都有想喊既衝動
本來今朝約左iris 同jacob&joelle mama lunch
不過收到個壞消息要cancel lu
唔緊要, 我暑假返黎再約出黎見面啦:)
空左個下午出黎就拿拿臨去買埋d 日用品邊等人放工啦
我唔走果個都唔遲放... wuwuwu
不過當我準備去沖涼既時候有電話打黎可以準時走
9秒9 沖涼化妝執野走人啦!!! 見得幾耐得幾耐:>
始終都係要say goodbye, 要到暑假先可以再見喇:(
幸好呢個時間彭子咕及時出現, 如果唔係我應該變左花面貓-ed
我地兩個去左尖東食牛雜, 順便等埋兩位'小'朋友---媽咪同姑丈
真係俾佢地兩個玩死, 不停晌度拗行邊條路
連過條馬路都要講一大輪, 真係無你地乎~.~
今晚幫麻麻提早慶祝生日呀!!
今次去遠d, 去左維園既泳池餐廳食
依家唔只小朋友addicted to iphone, 你睇我家麻麻朦住眼都要睇!!
姑姐依家成日開fb 俾麻麻睇
等佢知道我同大佬晌呢邊生活成點哈哈
雖然今晚唔係齊哂人食
不過相信麻麻都好開心:) 因為我地不停講笑, 大笑
super blurry 既大合照
今晚既菜單就勁囉!! (要去msn 搵返d history 出黎睇哈哈)
先黎個佢一出場個個都嘩一聲既---川芎元肉杞子桑拿蝦
cheers~~~~ 祝麻麻身體健康!!
之後就係呢個超肥既----喜氣洋洋新彊火焰羊架
不過佢整得好好味, 好有以前晌深圳食果d 街邊串燒既味道
呢個食到一半先記得要影相---菘子好事鴿鬆發財包手
我地講笑d 鴿肉係came from 出面d 白鴿哈哈
芝士百花釀蟹蓋燴元貝（ 伊麵底）
呢個非常好味!!! 春回大地爆丈雞（霸皇雞）
老左少少既-----清蒸鴻運大金鈾
上湯過橋絲網鮮蝦卷
聞說呢個係出哂名既, 但我覺得唔好食
香江黃金裹蒸粽
食食下野突然成間餐廳熄哂燈又播music 咁
我仲以為做表演睇哈哈哈
當我仲諗緊會唔會有人出黎跳舞/有隊舞獅出黎既時候
大廚帶住成班waiter 拎住d 壽包出黎
原來今日每木台都有人生日架!!
happy birthday to our lovely grandma~~~~
go to>> 預祝麻麻生日飯 PART2
No comments:
Post a Comment