今年發生過既事真係多到不得了..開心的, 傷心的........
最後一年讀香港既中學, 到最後一年先體驗到5B的團結
由一開始無感覺到依家勁掛住5B....無悔了, 為中學生涯畫上完美的句號 
經歷過會考, 溫書個排真係想死!
壓力好大, 個陣我最憎就係聽到人地話「都唔洗驚啦, 你考完都去美國囉」
咁姐係點? 我溫唔溫都得!? 派出黎既成績唔好都預左
真係知道結左果先後悔點解當初唔努力溫書
公公個病今年一直都好反覆..成日都出入醫院, 臨尾個陣見佢真係好辛苦
但最深刻唔係佢既病佢既離去而係見到屋企人真正既一面, 貪錢貪到出哂面
公公離去係考PA既前一晚,想去見最後一面都無得去...多謝你, 陪左我一晚仲要搞到你病埋
考完會考簡直係人間天堂! 工有搵過, 但見咁多次都唔得已經放棄
最後就放肆地玩足三個幾月, 樣樣都咁深刻咁想去多次玩多次!
今年同陽光玩多左遊戲, 曬到窿左* 船河, beach, 布吉之旅, The Leung's Camp
樣樣都好開心好開心好開心!! 當然仲有Macau Trip No.1
講真的, 節目雖然無No.2咁精彩但比今次玩得更開心更快樂 
生日, 多謝你地既big surprise..亦多謝你的安排, 多謝你的禮物
八月中飛去美國, 我真係好唔捨得好唔想走! 當日有很多最後一次同第一次 
十一月以後都係唔開心,全部都係唔開心! 十一月之前我都覺得自己好幸福好快樂
好期待十二月反香港見朋友見你但係經過呢件事之後我有諗過不如唔好反黎
你對我既影響真係實在太大喇...知道左之後我對你極度失望!我對你既印象幾乎完全改觀!
算了吧, 祝你好運
回港的十二月好似得反個軀殼咁, 其實有好多野真係值得自己高興同開心
其實有好多野我可以玩得好盡興..不過真係唔知點解我到依家都仲覺得自己發緊夢
覺得眼前既事物好唔真實硬係差d野咁樣... 
No comments:
Post a Comment