扮遊客日之夜場

(得閒返少少可以UPDATE 下個BLOG 喇終於)

back to>>> 繼續Roosevelt Island

出返CITY 飲完咖啡我地去左GRAND CENTRAL
對上一次黎好似係3年前同表哥搭火車上upstate 行山

開始出現疲態.......

好多人黎grand central 都係為左影呢d 相哈哈

跟住我地去左library.......門口

第三站係去我地既目的地: ICP
International Center of Photography
成件事係好諷刺
上星期因為一個鏡頭搞到好唔開心
搞到好唔開心既幾個鐘之後我去左學校黑房睇RITA 曬相
跟住一個星期後我竟然係去睇相展
哈 哈 哈

ken 做左research 話星期五晚free
呢個亦係我地去既原因
點知去到咪又係叫我地俾少少donation~~~~~~
其實係可以say no 唔俾既
但同上次去MET 一樣啦 唔俾又唔好意思~

咁岩呢個exhibit 係講一個成日追訪謀殺案既記者
入面好多人案發現場相
包括屍體...........
唔見左個頭又有, 成地血又有.......
睇到我唔想睇落去哈哈

之後我地憑YELP d 食評搵左間italian restaurant 食
食物就非常一般..... 枉佢仲話有4粒星=,=

不過可以同兩個buddies 靜靜地食餐飯傾下計已經好開心
今次係我地最後一次呢個組合出去食飯喇
下一次晌香港都未必可以淨係我地三個
起碼都多左兩個人先哈哈