暢談*

 

突然這個十八號給我一種強烈的感覺.. wonder y

 

晚飯後跟姑姐傾左長達兩小時的skype. 今次姑姐出奇地無話:「電話費貴呀,唔好傾咁耐喇」
hehe 傾得十分暢快兼詳盡! 主要都係因為她擔心我的弟叫我幫幫手
其實媽前兩日都跟我說了同一番話.. 只不過真係好難開口! 平日同佢野都唔講多句
一句起兩句止, 要好好咁傾真係唔易既事.. 其實可能我唔係適合既人選...
不過俾d時間我組織下點講先啦.. 呢d野要慢慢黎, 同樣地組織點同佢講都要慢慢黎
因為我驚自己口快快講錯野, 換來的係俾佢鬧/俾佢用鼻黎應我

姑姐亦問左我一個問題:「點呀,多唔多朋友呀?」 還是那個答案 - 「唔多」
人大了, 自然唔想識新朋友.. 幼時可會厚住面皮去認識新朋友.. 現在? 變得怕事了
怕別人兼你麻煩.. 怕別人不喜歡你, 自己亦唔想side時間去討好人同埋唔想再俾人話係跟尾狗!
由中一開始我的是非真係好多! 雖然大部分都係錯但旁人永遠都唔會去親證呢個事實
只會繼續相信我係姣婆係跟尾狗!! 及後, 有好心人發現原來這些謠言都係錯,
並十分樂意跟我做朋友.. 到依家發展成為超級好姊妹.. 是你倆喇! 自己對號入座吧 :)
所以, 有時我真係覺得識新朋友對我黎講已經唔重要. 重要既係我只係唔想失去我既那班朋友
一個都唔想失去, 但我知係好難.. 因為我依家已經感覺到我與他們續漸疏離.. 全因為他.

姑姐還說. 那天包跟梁家希n媽去完海洋公園回家後, 他跟姑姐說:「無左呀咕同呀蕾真係無咁好玩」
突然之間我好想笑但又好想喊哈哈.. 因為有人在乎我的存在, 我感到高興
同時間, 我的思鄉病亦再次發作! 我們這四小子注定要齊人才能刷出火花

好想來多次Bohol之旅.. 影多次呢d相! 不過首先要做既係回復「當年」的身段
如今我的bikini照係無辦法可以擺上網分享因為實在太好肉地

 

昨晚在床上醞釀睡意時, 腦海中浮現了年多前的一個晚上, 我的第一次.....
再細細想想, 當時的我也頗愚蠢呢! 不過再細細細想想想, 現在的我只比從前聰明了一點點而已
我還是一個蠢才! 一個無腦的弱智!
從前多介意我的好姊妹這樣稱呼我, 現在我卻掛念這些稱號..
因為依家無人提點我, 在校每一件事都要自己解決.. 無論人際關係上,學業上,言行舉止上......
姊妹們我好掛住你地呀*

 

(我打咁多.. 其實主要因為我唔想訓覺同因轉左新版面而屎忽痕 :P)