童年*

 

每晚訓覺醞釀睡意正係我亂諗野之時! 尋日諗起我既童年我既鄰居
還記得隔離屋個BB, 睇住佢出世睇住佢識行路識講野仲睇住佢地搬走.. 熟到拎埋地址
個陣成日都過隔離屋玩, 人仔細細就成日都抱住個BB周圍走哈哈
諗下依家個妹妹應該小五喇!!! 光陰實在過得太快.....

再諗下以前同一間小學既鄰居, 朝朝一齊等校車..
放學又成日落公園玩/去對方屋企玩.. 黎得最多好似係我屋企哈
可能係因為我係佢地當中最大.. 最記得自己最鐘意就係上6/F同個兩姊妹玩
我聖誕反香港個陣都有見過佢地一家呀! 次次auntie見到我就話唔認得我都唔知真定假
不過事實就係依家同佢地無咩野講, i mean 個兩姊妹.. 甚至以前玩開個d都係
係街見到真係當陌生人咁樣.. 佢又唔想hi我我又唔敢hi佢咁樣囉....

不過我既童年生活真係十分快樂. 一到星期日就成日都去ocean park
op就好似我屋企落下個公園咁成日都去.. 去既次數真係相當驚人哈
成日都同五姑姐/咕佢地一齊去.. 我諗我地全部對海洋公園都十分熟悉
咪埋眼都識行嘻嘻.. 不過依家裝潢緊將會唔同哂lu.. 而我都有年半無去過!

謝女士你會發覺你真係肥左好多哈哈哈哈哈

 

如今我長大了.... 我希望我將來不寂寥!!!!

 

題外話:
近排我見我d朋友個個由37分界變哂中間分界..
再唔係就好恨心咁將長長既頭髮剪短!

而今晚, 洗完頭我嘗試將我d 37分界變成中間分界睇下會變成咩野樣
原來都ok架wor! 不過我都係prefer 37好d.. 話哂都37左咁多年哈哈