依家既週末真係生不如死! 新衫摺衫煮野食洗碗煲劇
係呀, 係無「做功課」架.. 因為功課係lunch period做既
係呀, 係無「溫書」架.. 因為溫書都係lunch period做既
得架喇, 我知我呢個行為係好唔岩.. 但係library我先有動力去溫書做功課
做咩唔出街? 因為我訓到12點幾先起身, 我唔想做灰姑娘唔想麻煩人車我反屋企
因為天黑係station行反屋企個條路好漫長好可怕, 連我呢個新黎既都覺得rosedale係好唔安全
唔怪得之我住係呢個唔見得光既城堡入面啦 
拆左利是之後令我更加想買單反相機.. 因為佢拉近左我與呢個目標既距離
同時又覺得如果我買50D好似對我黎講太heavy..
我係一個beginner, 第一部既單反唔係應該要易用既咩?
所以都係打算買Canon既450D, 佢係我上年好留意既單反, 因為當然四圍都係佢既廣告..
同埋亦係因為佢, 因為暑假時去完會展搭star ferry反TST個陣見到個d人用大機影相
先令我有「20歲前買單反」呢一個念頭! 不過可能今年暑假又出部新野呢~
媽尋晚仲話, 洗唔洗報d影相班學下先呀? 我身邊有咁多人用單反, 我洗乜去報呢d班!? 哈
與此同時, 我知道當我用左呢筆利是錢黎買一部單反既話, 身邊一定多左唔少閒言閒語!
「你都未識搵錢就買d咁貴既野」「做咩唔儲起佢呀?」跟住仲可能俾人話我係敗家女添.....
唉, 一定有唔少人唔贊成跟住依家唔出聲, 等我買左反黎先出聲架喇!!!!!!!!!!!!!!!!!!!!!
點解我又要去咁care人地既感受呢?? 每一次都係咁! 由其係當姑姐姑媽們講既時候 
不如你地咁樣諗丫, 當我買左單反之後, 爸b d咁貴既鏡頭就唔會擺係度, 有人去用佢...
當我掌握到點樣去用既時候, 佢d靚機就可以有人用. 呢樣都係佢既願望黎姐
我成日都話, 如果爸b係度既話我可能已經有自己既單反嚕~
因為我既第一部DC, 係佢10歲生日時佢送俾我既生日禮物! 我諗個陣係佢想我都有呢個興趣!!!!
(死啦, 我好似姨媽咁一提起爸b就喊-.- )
況且我今年十八歲.. 人人都覺得十八歲生日對自己黎講係好特別好重要
就當係我自己送俾自己既生日禮物啦!!!!!! 媽尋日話:「可能到時你又唔想買呢」
我知你唔想我買架喇, 不過我唔想買係無可能既事.. 我好少想買一樣野想左成年架....
No comments:
Post a Comment