龍。年初一：梁氏拜年

2012-01-23 (Monday)
 

(終於寫到年初一......)
祝大家
身體健康
開開心心

今年年初一晌一月尾
記得前年既暑假(入大學第一年) 已經發現到今年可以晌香港過新年
真係萬分興奮!!! 我1月30日先開sem 跟住玩盡佢先返去啦啦!

尋晚去完麻麻度食完飯返黎係九點
我同媽咪用三個鐘頭極速大掃除同用碌柚葉沖涼
(因為要晌踏入年初一前做哂所有野!)
媽咪留得果十五分鐘俾我洗頭沖涼
想慢慢嘆都唔得!!

沖完涼食過好好味既寧波湯丸
封埋利是

接過媽咪既特大壓歲錢

就一覺訓天光喇!
不過起身見呢個溫度真係唔落床都打哂冷震

年初一竟然有神蹟發生
媽咪問我食唔食啤梨
我以為佢洗完原個連皮遞俾我
點知佢轉性 pie 埋皮切埋拎出黎
原來新正頭係會有特別優待架wahaaha

今年麻麻收左山 由佢四女出碼!
一早吩咐定我地個個食完野先好返去
順道搵契媽拜個年先~~~ 點知一坐就坐到六點先去麻麻度
遲哂大到喇!

年初一必見場面

今日不約而同地同媽咪一齊著左橙色衫
我唔想同你母女裝囉please

是晚大廚!

我個姐姐終於黎喇

呢張激似陳展鵬-__-

玩到無野好玩就係咁架喇!
到依家都仲等緊肥咕部機d 相.......

每年最渴既南乳齋
不過真係麻麻煮既入味好多

食完飯仲有大細同魚蝦蟹!
當然係莊(姐係我媽)嬴哂啦

阿哥帶來雪糕

同一枝類似baileys 既酒溝雪糕食
好味呀!!

睇我表妹臨走都要食就知啦wahaha