就快自由!

 

打開有條癮搞到我日日都相打blog
但我唔想佢同xanga一樣, 咩垃圾都打哂係度
althought佢地既內容仍然不一樣

兩位老人家聽日出發去Hawaii喇~
我好快就自由嚕呵呵呵
不過我硬係覺得佢地搵人監視住我
監還監呀, 唔好搵d煩人黎監我呀
我驚我頂唔順同佢地鬧交!

聽晚開始呢就要自己煮飯食
你估我end up有幾多餐係煮公仔面食呢??
我諗好左呢幾日煮咩野架不過我動唔動手係另一回事
隨便開盤賭啦哈哈哈

八日後啦, 八日後我就去溫哥華嚕yoyoyooyo

 

忘記他....

 

當我憶起上年今天的事
我就發現我還在想著他, 還未把他放下
經常說的「好像已放下了」原來真係的只是「好像」
要忘記他是這麼難嗎? 難怪我還把他時常掛在咀邊
談到甚麼事到最後還是牽到他的事上
很想很想把他放下!!!!!!!! 誰能幫我!?

你  對我的影響實在太大
曾問過自己是否深愛過一個人後難以把這種投入放到別的身上
後來我發現原來是可以的.. 我把這份投入放在你那兒去
現在的我又向自己問著同一個問題因為我迷失方向了

那次他把日記的密碼改掉我對朋友說'i think i have let it go'
原來不是... 呼很想吸一吸新鮮空氣
還想大叫還想嚎哭

上年今天變得糢糊了

然而我與你的事感覺上很糢糊但事實上還很清晰
我永不會忘記當天你怎樣把我丟下

 

花花*

 

2009-03-27

尋日派左report card喇! 
reached 1st target, still has one left..
加油啦, 唔係差好多分我就可以達到架喇

多謝兩位老人家的獎勵, 但其實我都未達到目標..
anyways, 只是我中文做反功課既話就可以架喇哈哈哈
鬼叫我懶咩~~

今日只係反兩堂其實好無謂
0845-1000  搭車都用左三個鐘
而且呢兩堂仲要咩書都無講過!!
不過為左我個大計我今日一定要反搏attendence

放學反黎無聊拎左姨媽d花出去影相
好好咁運用下部相機麻要..
唔快d上手我去溫哥華就影唔到更靚既相喇
我仲拎埋部即影即有出去哈哈哈
影左好多好多相呀, yeah~

 

 

 

 

 

係構圖方面仲要花d功夫! 努力努力

嗚... 要去完vancouver反黎先可以去dance 嚕....

 

想起你......

 

岩岩睇左《禮儀師の奏鳴曲》.. 好好睇
睇完心裡又有疑問不過..
係咪淨係中國人先唔係即刻辦喪事架?
同埋唔知香港既死人化妝係唔係好似日本咁
咁有禮貌咁尊重死者同咁多步驟呢?
我忽然覺得日本咁既造法係唔會令人覺得恐怖
你諗下我地幾怕去個d大酒店? 因為個度好重陰氣好恐怖
(依家我諗起都打冷震)
但睇過呢套戲既你地都知道佢地係自己屋企度做
係咁多人面前做.. 一切都好舒服好simple.. 完全唔會覺得驚
不過文化呢d野係改不了, 同埋可以日本平日都唔係咁既呢~~

不過到最後個part又令我諗起爸B
其實唔只最後個part.. 斷斷續續都諗起佢同呀公個陣既片段
呀爺個次反而記得唔清楚因為個陣太細個
爸B個陣既片段我仍然歷歷在目呢..
最深刻既係我地隔住塊玻璃睇住副棺木推入個火爐度
心裡講句「拜拜爸B」.. 眼淚好自然咁流係咁流因為我唔捨得

個日我就有開始打日記, 我諗你地都好想知個陣既我諗乜
因為我好記得我曾經俾某親戚話我反叛話我唔識諗
俾著係你, 個陣得十四歲要面對一個至親既人離去
你會識諗咩? 你會知點面對咩? 你唔會唔夠膽去醫院探佢咩?
其實一直以來都無咩都同親戚/朋友講過自己既感受
係作文個陣就作得多.. 因為個陣有機會俾我抒發

依家俾你地睇爸B走同出殯個日既日記啦
2004-12-14 永遠記得今日
　　　　　接受唔到.....真係接受唔到...
2004-12-30 喪禮
2004-12-31 出殯...火化...哭了

 

響往*

 

有無發覺我個blog唔同左轉左樣呀?
轉左我近期喜愛既豹紋呀~ 同埋頭先download左好多分隔線有排玩哈

尋晚同我親愛既表哥彭子咕msn

呢個公仔正正可以代表你啦哈
失驚無神講反細個時候既野
我地兩個人個陣成日都一齊出去玩架
每個月都唔知見幾多次因為大人們愛打牌
我地就呢入房玩.. 我記得成日拎本崇拜手冊出黎唱歌
因為我地四個都係聖公會出品既哈哈
仲有玩訓覺/玩打交/玩做手術/玩鬥吱癲癲地架
同埋個陣又未有電腦呢真係玩咩都好健康
只係有時三個男仔玩play station冷落左我咋麻

跟住又講我地加埋八個人坐五人車
姑丈話兩個小朋友=一個大人
個陣我地好搞笑架.. 由一架車兩排變左三排
就好似咁:

紅色個d係人頭.. 前面兩個(有時前面三個, 一個細路呢入個窿度)
後面就有六個.. 四個坐上去, 兩個呢入個窿度哈哈
係唔係好誇張呀?? 我地以前真係咁誇張架!!
成日話要預備有block個陣點呢埋.. 點搵衫遮度勁低能
真係當d police傻既我地... 最低能既係d大人都同我地癲架
所以同彭氏一家真係好開心好開心好開心

媽今日走左落LA再反香港嚕... 六月尾先見喇可以
一切都back to normal.. 不過都係normal一星期
下星期兩位老人家去hawaii, 再下星期我都去vancouver嚕
反黎就要ready for Tofel, Tofel之後就ready for SAT,
SAT完左就ready for final exam.. final exam完之後就ready for Regents..
Regents之後就執行李反香港.. 所以我既生活1d都唔會悶呀打後既日子
慢慢捱啦Rhonda Leung

 

Boston Trip Day 2*

 

 

其實我依家發緊脾氣.. 好炆好炆好炆好炆
可能下面d文字略帶火藥味都唔定

2009-03-22 (Sunday)

尋晚表哥high大左咁反黎噪到拆天
本來我訓著都俾佢搞反醒真係頂佢哈

本來我訓得幾好既但最後變到好差好差
兩個肥婆孖鋪真係唔多掂...又凍wor!
表哥就最舒服啦自己一張床~~~~~~

等緊表哥搞掂.. 我地兩個乜都搞掂哂係度等等等

去反尋晚食野對面個dock影下相不過天氣唔多好

 

跟住就渣車過Cambridge.. 姐係Harvard同MIT個度..
泊低架車就影下相先

 

搵地方食brunch, 我食剩既french toast

harvard.

最後都無好仔細咁行.. 跳反上架車係周圍兜下就算喇
因為好倦呀我地!!!!!!! 兩個老野話要去飲酒.. 又飲
我又無得飲又要係度呆呆呆呆坐仲要勁眼訓

佢地似完就反new york喇.. 我地既兩日一夜boston trip咁就完左~
一口氣咁渣反去.. 約左chris哥哥食飯!! 佢咁岩飛左黎nyc
去左Angelo and Maxie's 食steak.. 好味過Spark's好多囉唔該
同埋d services都好好多... modern d.. d customers都比較後生d...
唔錯唔錯... 最緊要係我反到city係有得呃酒飲

四月九日溫哥華見喇chris哥哥*

 

 

Boston Trip Day 1*

 

2009-03-21 (Saturday)

 

呢個weekend同媽咪,表哥去左Boston玩兩日

等表哥既時候我地係條街度影相.. 凍死我

 

先渣個半鐘車去Yale.. 泊好車就食晏先

跟住就周圍行.. 去左個art gallery度.. 表哥要睇d野
而我就係度周圍影相, 呢張係表哥影既哈我個陣忍緊笑

再去左對面個棟大廈度.. 佢有exhibitions, 咁就睇下畫周圍行下
呢張真係是日佳作哈哈哈

 

英文字母是甚麼? here you go

 

行完就出發去boston.. 兩位老野係度聽老餅歌~
全隻碟我只係識一首.. 再即日學埋世運在莫斯科
我到依家都仲記得點唱chorus呀陰公

大約三個鐘頭後就到喇~ 先去酒店check in先
哇間房好細, 張床更加細到無人有呀! 兩呎半床黎架
想像下今晚兩個肥婆點孖鋪!

係我肚痛既時候兩個酒鬼已經急不及待要去飲酒
其實係因為個廁所無抽氣扇哈哈哈
等佢地飲完我地就周圍行下啦又

Quincy Market

隻馬臭到我個樣都扭曲埋

馬幾靚都無用... 因為真係好臭!!

是晚食seafood~~ littleneck, cherrystone, oysters, lobsters
美中不足係我俾人check id無得飲酒.... 最後係咁偷偷地飲媽個杯哈

super double chin OMG! 不過呢張我地笑得好真

今日完左喇~ day2 聽日先打好眼訓