im an adult...

 

 

 

 

HAPPY BIRTHDAY ♥

 

 

 

to be an adult...

 

 

這是李大小姐上年送我既生日禮物
最好就係d 數字可以自己轉

今年。我就可以轉一轉個位數
想不到我快 to be an adult 喇....

呢個生日俾我既感覺好特別
因為我將一夜之間變成年人喇
係眾長輩既心目中我仲係一個小朋友
係我自己既心目中我都覺得自己唔似一個成年人

hope i will have a good one!

 

無無聊聊

 

2009-07-28 (Tuesday)

呢幾日都無地方去
尋日全日留係屋企無出過街, 今日有出
為既係去買經痛配方食.. 暈住咁出去都幾危險

順便去曬下相整下塊board仲好啦!

塊board 之前就係咁既. 上一次整係2008年1月

拆哂d 相出黎重新整過.. 將唔要既擺埋一邊扔左佢

跟住就cut 哂岩岩曬返黎既相

由於要save money, 全部都係四張四張砌埋一張曬

cut 好哂! 'low' 亂佢就開始釘喇

曬得太多.. 有好多剩低! 遲d 痴哂落個櫃度

搞掂! 全部都係相

無聊就係咁
無聊就係要自己搵野搞架喇.. 聽日做乜好呢??

 

婆婆的曾孫女

 

2009-07-25  (Saturday)

 

她是我的表姪。我是她的表姑姐

感覺上表姑姐比表姨呢個稱號還要老!

 

今日去左阿婆屋企食飯
當然唔小得呢隻超級百厭星

你唔輕架立言..仲要咁去搞表舅父
玩到表哥手都震埋哈哈

睇呢張都唔覺得你咁百厭架!

曾孫們同太婆合照

呢個好鬼馬哈哈

佢係一個痴媽b

好唔容易先引到佢過黎俾我抱
仲傾得好似好開心添呀我地兩個!

仲成功合照!

點解佢會咁順攤?

。

。

。

咪就係因為盒麥精囉

盒麥精凍冰冰.. 拎住佢不知幾透心涼

 

下次見你唔好咁痴媽咪啦.. 痴下表姑姐啦~

 

關於立言。關於書展

 

2009-07-23 (Thursday)

表妹去補習咁我就好即興去左西環搵立言
橫掂都出左城無理由咁早返歸掛!?

去到立言屋企佢不知幾開心幾肉緊哈哈
大姨媽話本來立言要nap 架喇..
點知佢聽到我上黎即刻唔訓. 仲撐到我走! 勁呀立言

呢d lego. 係我同細佬細細個玩架
係有成十幾年歷史既古董黎架! 立言你真係小心d玩呀!

玩得不知幾認真

 

係佢玩既同時我係咁聊佢唱歌!

one!

two!

姨媽叫佢dancing. 佢即刻去開機播歌
犀利呀! 識開機跳歌熄機.. 超熟手

拎哂d pillows 出黎就知你眼訓啦!!
我走個陣仲要唔捨得哈哈.. 哭住話要跟我走
唔緊要啦星期六我地又見面架喇立言

 

 

 

2009-07-24 (Friday)

上年今日係我第一次book fair alone.
個陣係我第一次諗我可唔可以係二十歲年買單反

今年達成喇.. 就帶住單反book fair alone again
誰知天公不造美全日天陰陰
帶住個重重既單反一張相都無影過...
後尾join 埋薇姨一齊行.
今年的不是book fair alone 了..

今日買左八本書. 不夠薇姨的二十本書勁!
八本書入面得梁珮瑚係真真正正的全職作家
王貽興d 書既cover 真係勁吸引你去買.
有本係tiffany 既湖水藍; 有本係shocking pink
不過我對個兩本既內容無乜興趣..
最後都買左佢兩本書.

《走過死蔭的樹下》係我最想買既
因為佢係上年8月28日,
被赤柱大街果棵百年老樹壓死的19歲女孩的家姐
佢將對妹妹的思念同關於呢件事既野寫哂係本書度
可能我都喪失過一個至親既親人, 我會有少少同感
呢本真係好書!!

(出blog 之日我已經睇左其中五本喇哈哈 )

 

 

新界人出城sleepeover

 

 

2009-07-23,24 ( Wednesday-Thursday)

一早約定表妹話去佢度sleepover.
起身hea 陣就執野去佢屋企喇! 大佬仔都黎食飯

今晚seafood hotpot 呀! 姑丈專登去北角碼頭買架

你睇下d 貴花蚌幾大隻! 仲勁鮮甜呀
我食左最多隻哈哈

仲有鮑魚仔. 好鮮甜好爽口

姑姐同佢好鐘意既貴花蚌合照

呢條唔記得係青斑/海斑/海青斑 的魚
又係好好味! 其實呢日既所有海鮮都好好味哈哈

影張相我地就開大餐喇!

粒芝士丸已經頂唔順.. 漲到勁大粒喇~

食完抖陣我地散步去天后食糖水!!

個度出名食傳統糖水. 但無我至愛既紫米露
所以都係叫返d 新式甜品啦!

呢個叫芒果花紋奶? 唔記得左個名喇
總之就係好似綿綿冰既野啦

最後大佬仔都係度訓.
本來我訓上面但我細佬好好人同我調
我仲話個pillow 太高, 張被好厚問佢可唔可以同佢exchange
佢又肯wor!! 你幾時咁順攤架哈哈

但其實我好後悔呀. 因為我訓地下訓到腰骨都硬哂
扮咩怕高扮咩驚碌落黎丫真係.. 

小時候我同表妹影過一張好似咁既相

今日姑姐叫我地扮返哈哈

第二日我地去食brunch  去飲茶

跟住就同表妹去銅鑼灣行街
係銅鑼灣地帶對面, 當我地等過馬路時
有人無啦啦係我地後面暈低左 - 休克加抽筋
表妹見到時竟然好快反應咁話 「哇有人暈左呀快d走啦!」
過緊馬路個陣我無啦啦話 「佢可能係上面跌落黎架!!」
嚇死我表妹哈哈哈

其實cwb 無咩野行.. (對我地2個黎講)
所以好快就行完.. 不過都好既俾我諗到呢個好主意!!

當然去左影stickers 啦我地又

 

anyways, 謝謝你地既款待!!