20090401
尋晚一次過睇左五集獎門人不停咁笑
笑係會令時間過快d架!
april fool day
連續兩年俾綠雞玩
今年無俾佢玩有d唔多慣哈哈哈 
今朝我都未起身佢地就出左門口
真係好唔鐘意搭巴士反去
搭左個半中呀等車個陣又大風又凍
呀婆媽咪大姨媽都打過黎
你地係咪傻架? 我自己一個係度唔會有事架wor
雖然我又自己係度嚇自己 
第一晚係無食公仔面既呵呵
20090402
放學係Jamaica見到既情境我人生見一次已經足夠
我同一個犯人擦身而過真係俾佢嚇親
無啦啦有個跑得勁快既人係我隔離衝過
我以為會有其他人追黎佢地玩啦所以行埋一邊
點知後面追黎既係好多個警察
然之後開始有十幾架警車追住出黎
OHMYGOODNESS!! 
我當時諗到既係學警狙擊囉哈哈哈
不過其實個陣我都幾危險
黑仔既係我掉左張metro card
要俾反正價搭車兩星期喇頂
home alone day 2 都係無食公仔面
成功成功
星期六同Malina去行街
因為我突然之間好想去行下街哈
20090403
今日因為懶所以逃學一天在家休息
諗住訓得耐點知九點半就起左身
不過都好俾我機會我同machi傾下計 
我地兩個不知幾耐無講過野呀真係!
全日有不下十個電話打黎搵姨媽
我都講左唔少野丫仲有隔離屋對老人家
同埋UPS個送貨員哈哈 
尋晚又煮多左今晚唔洗煮真係好鬼嘆
有時間俾我溫下書同諗下帶咩去溫哥華
完全唔覺得悶幾好幾好
20090404
尋晚溫溫下SAT又同呀lin講電話
我諗係差唔多一個鐘既對話入黎得十分鐘我無笑
唔知自己食錯咩藥完全停止唔到笑哈哈
今朝11點半Malina打黎震醒左我話半個鐘後黎接我
又搞到我臨急臨忙咁勁呢hea呀
飲完茶我地兩個就去roosevelt field mall行街
終於都俾我等到abercrombie同hollister clearance
呢個價錢先合理架麻真係... 之前usd90一條scarf
完全可以係花園街搵到條一樣既俾佢囉痴線
今日收穫尚算豐富但其實我唔應該行街
因為去溫哥華個陣我應該會係係咁去行街
好恐怖好恐怖好恐怖哈哈哈
行街就同Malina反左佢屋企
佢個closet d鞋盒同袋盒多到你無法想像
樣樣野都唔平真係ohmygoodness
等埋陳生陳太反黎就一齊出去食飯
同佢地一齊既感覺就好似同昕昕一家咁
哈哈我諗得李曉昕你會明白我講咩 
食完再反佢地屋企.. 問佢地借左wii fit
thanks so much the chen's
反到黎同呀枝chat.. woooo我地終於都傾到計喇哈哈
nice chat nice chat
(private)
今天在Malina車上聽到一首遺忘左差唔多兩年既歌
I Don't Wanna Miss A Thing.
2007年1月10日側田的演唱會上聽到此歌
然後出碟了與廖嘉謙一起說此歌好聽
今日重聽有另一番味道另一種感覺!
不錯不錯
20090405
平凡的星期天幹了極之平凡的事
只係加左wii fit同restaurant city哈哈
溫sat溫到頭都大埋真係勁勁勁勁難囉!
home alone已經黎到最後一日
呢五日以來都無成過公仔面係一件好事 
吹頭訓覺byebye
20090406
今個星期只係反三日時間應該過得好快
恰眼訓恰到個人都傻傻地係咁做錯野 
睇來math test死定了唉只怪自己再次懶醒
太好喇落大雨有人接我唔洗咁狼狽
聽佢地講既行程就知唔方好玩
係我既話一定日日都陽光與海灘慢慢嘆
抖左陣就出去同the chen's食飯
因為姨媽掛住個契女要見佢
沖沖下涼先醒起要online check-in拎aisle位
wow 仲有47小時就離開紐約
星期六就落西雅圖同昌昌狗會面喇
20090407
there was a debate in regular english,
因為有個黑女唔見電話係咁係度講
另一個黑女又同應佢同佢係度講
搞到成堂都唔洗專心做野勁煩 
煩到最後個ms頂唔順叫佢shut the fuck up
放學回家開始mimimomo咁執行李
我發覺我執既衫全部都係黑白灰深藍
都未去個gip已經full哂睇黎回程要問伯父借gip用
其實最主要既原因係我擺左本九百幾頁既SAT書落去
25/04 national test day; 02/05 real test day
執哂就要溫書因為聽日有quiz
聽日過快d啦唔該!!!!!!
為期十一日既spring break將近喇 
20090408
今朝上到巴士先知metro card無哂錢我又無散銀
幸好有個有心人俾左兩蚊散銀我仲要唔洗我找反俾佢
u are such a nice guy
全世界in holiday mood
老師hea住黎教書; 學生hea住黎聽書
history堂個六十歲既白人Mr.係度rap
笑死我呀哈哈哈佢rap既用字都幾好架wor
仲有仲有今日落左五分鐘雪
春天喇仲落雪 又係我走個日落雪同上次一樣
22:40機.. 19/4朝早反!
我唔帶電腦喇俾個機會我去溫下書做下功課哈
溫哥華我黎喇!
其實只要離開紐約, 我唔反香港都咁興奮
20090409
哈哈原來打到中文wor真係多謝三年半前既我!
尋晚點半到兩點幾反到黎搞掂哂訓落床都四點
真正訓著就五點幾但七點幾又醒左
其實係因為我聽到出面好熱鬧我又八掛哈哈
襯Kenny哥哥同Rochelle未出門口前要聯誼下先!
訓Rochelle間房, 與好多hello kitty同眠救命
佢地走左我同Chris哥哥就玩rock band
打鼓既我真係發覺自己手腳唔協調哈哈
沖個好舒服既涼就同伯娘Chris哥哥一齊出去喇
其實個陣先十點哈哈..好靚呀周圍都係櫻花!
伯娘話下星期帶我去影相yeah
行到咁上下就join埋伯父去食越南濛粉
食完俾伯父的左去跟佢開工一小時
回家後伯娘見我同Chris哥哥咁無聊就話打牌
唔記得左打左幾多圈嚕.. 我輸哂囉又
打牌其實唔係幾洗考智力根本就係考反應同撞彩!
Kenny哥哥放工反黎佢又落場節奏快左勁多痴線
伯父個鋪北當白板食詐糊真係笑死在場每一位
打打下Chris哥哥就要反香港嚕~~~~
Rochelle又先落seattle所以今晚得我地四個食
去metrotown諗住行街既點知食完飯出黎都九點幾哈
唔緊要起馬我地食左餐好開心又好味既飯
溫哥華第一天後記:
回到我好鐘意既溫哥華真係覺得好舒服
同埋可能好鐘意伯父一家所以我好開心
真係當左呢度係自己屋企咁樣囉哈
仲有呀, 一日坐哂兩個呀哥渣既車真係好幸福hehe
anyways, 伯父就係我第二個爸b
而我既堂哥堂妹就係我既親呀哥呀妹
love u all
20090410
happy bday to rochelle!!
I'm now at the hotel in seattle
and gonna meet cheong dog tmr yeah!!
we stuck on peace arc for almost 6hours
but luckily times have gone so fast
left at 10 n arrived at almost 8
we used 5hours more omg
went to Todai for dinner n was pretty good
really having fun withthe leung's here:)
20090411
couldn't sleep last nite cuz rochelle took all the blanket
omg I was mad cold!!!!
went to outlet with cheongcheong today
feel thrilled to meet a close frd from hk
I love the bag from michael kors but it is not worth
hehe bought perfume ;) had a great time with cheong
cya in hk my frd!!
will go for sightseeing tmr
and going back to Vancouver tmr nite!!
20090412
back from seattle!!
seattle今日落左成日大雨好彩架車有遮
去左market place同space needle
前者比較多野睇仲影左好多相
但後者完全無野行我地成功被騙
係urban outfitters試左條令人有錯覺既裙
當想買既時候發覺佢錯cutting真失望
等rochelle等到五點幾就開車反去喇
過borders唔洗等好耐.. 三個鐘就反到黎
如果俾我揀係邊度住
第一係香港, 第二會係溫哥華
(private)
溫哥華..........
如果第日俾我揀係邊度住, 第一係香港第二就係呢度
因為呢度好舒服同埋有伯父一家好好既對待
除左有時伯父既old-fashioned令我有點兒那個
令我覺得有時無左父愛可能會係一件好事
有時會真係唔知伯父諗緊乜野! 所謂笑裡藏刀
同埋最主要既原因係kenny哥哥
唯一一個令我心跳既親戚. 真係唔知點解架wor
或者佢又真係對我好nice啦i dunno...
但今次同佢交流實在少到無得再少喇!! 多d同佢講野先得
20090413
於青嶼幹線訪客中心內的青馬橋(橫切面)模型及青馬橋模型
想當年青馬大橋未開我讀個間幼稚園帶我地去參觀青嶼幹線訪客中心
參觀前一晚爸跟我說:「個度有兩個模型係我整架! 你會見到爸B個名架!」
於是當日我目的就係去搵有爸b名個兩個模型
發現時跟身旁的老師同學講:「呢個係我爸b整架!」
結果無人信....個個以為我玩野講大話!!
到爸b過左身, 姑姐跟我同咕講:「得閒去影反你爸b d模型啦」
到依家我地一個模型都無再去睇過同影過..咕, 你記得嗎??
今朝開facebook發現表姐facebk擺左呢兩個相
仲有兩張係有立言既.. caption寫住:
「Mike哥, 今天我與你的姨孫前去欣賞你生前所砌的模型。
他駐足看了「很久」(對他來說) 呢！」
表姐既突然感性令我既淚線突然發達
我依家講呢兩個模型係爸b砌既, 會有人信嗎??
又或者我講鐵路博物館個鐘樓模型係爸b砌既, 會有人信嗎??
a salute to my dearest dad. ♥
(public2)
過了個好chinese既一日
尋晚發個甜就漏既夢但我知唔會係事實
甜蜜既事對現在的我來說只會在夢境內發生
三個ladies去左飲茶再買今晚打邊爐既材料
買完我地去飲比紐約的好一百倍既bubble tea
三年半前我為左飲bubble tea主動提出幫佢地洗車
洗完一架有一杯bubble tea飲哈哈哈哈哈
結果我將三架車都洗哂!
反到去就做功課
math有唔識搵kenny哥哥!
其實係要搵多d野同佢講哈哈
kenny哥哥你變左好多呀真係....
通常同佢多d交流只好動手動腳哈哈哈
伯娘話今日打完邊爐聽日bbq
做哂係nyc無得做既野.. 你對我真係好
你真係想我肥肥白白咁反nyc....
飲左呀包好鐘意飲個隻啤酒我又覺得無咩特別wor
執相都執左好耐因為chris哥哥部腦好慢呀!
(private)
岩岩發夢又再次見到譚易倫喇......
夢境係我有日係火車見到小花咁岩倫打俾佢
倫叫小花上去佢office搵佢, 小花叫我一齊上去!
上到去依然同佢無野講直到小花帶我上去佢個位度
佢個位張木台上面貼滿哂我同佢d相
仲要張張係我夢境都好清楚!
同陳丹儀既就只有一張貼紙相咁大把
咁我緊係問發生咩野事啦
佢竟然話係陳丹儀迫佢同佢一齊wor
話佢由頭到尾都無鐘意過陳丹儀
又將一切解釋哂俾我聽包括個張同我剛分手影既攬腰相
佢又講得幾合理同埋個一刻係個夢入面我勁想同反佢一齊
再次叫我同佢係反埋一齊......跟住就訓醒左
點解次次奇蹟都係夢境入面發生
20090414
好鐘意好鐘意溫哥華 ♥
基本上每一次我黎我都會咁講!
呢度真係好舒服好舒服好舒服呀
今日去左整陶瓷 (應該係油陶瓷先岩)
最近黎既兩次我都有整
入過我間房既會發現我個rainbow box
今次整左個cup cake box 哈哈
夜晚伯娘無呃我..真係BBQ
因為好凍我地三個呢埋係間屋度睇電視
伯父伯娘就係出面燒哈哈
felt so guilty
跟住就同Rochelle癲左好耐哈哈
死啦到依家先開始同佢地玩得癲
之但係我星期六就走喇wor
20090415
有花粉症既伯父帶左我去睇櫻花
佢真係搵命搏..thank you so much
去左UBC.. 好靚呀d櫻花! 影左好多相
join伯娘食晏就反去
佢係第一個長輩問我感情事而我又會肯講
我同伯娘真係好多野講可以講到口乾
佢好鐘意聽年青人既愛情故事哈哈
同埋我終於搵到個同我一樣晚晚都發夢既人喇!
都唔明點解你地有d人唔會發夢架!!哈
反到黎我彈左陣琴.. 唔知幾耐無接觸過鋼琴!
彈左好多首sonatina好滿足呀哈哈
送左Rochelle去學數之後就去左買聽晚既送
等Kenny哥哥反黎就出去食飯
今日呀哥請多謝哂哈哈! 終於開始同Kenny哥哥多野講喇
俾伯娘笑死.. 講十次都講唔正'caramel macchiato'
講黎講去都係'calamel 麻 keyado' 有時仲亂黎
我同Rochelle笑到收唔到制哈哈哈哈
回來試玩sukudo.. 哇我呢個無腦既終於都識玩喇
跟住就一直狂玩! 相信短時間內會玩厭
送上蕭永昌大頭近照一張
20090416
其實今日都無咩野做
黎左溫哥華成個星期最遲起身就係今日喇
十一點半哈哈哈無計係人地屋企真係唔敢訓到咁晏
迷上sudoku的我尋晚玩到兩點
好明顯就係新屎坑貪香啦
因為依家我開始唔係幾想玩......
等Rochelle放學就去左飲bubble tea
尋晚食飯應承左伯娘請佢地飲
飲完抖陣我地就去左跑步!
一個圈上斜落斜好倦哈哈
跑跑下我地坐係條馬路度抖好舒服呀
反黎訓係地下睇睇下電視訓著左
跟住走反上房訓訓左一陣.. 真係勁舒服
如果我媽當初搞移民黎溫哥華就好喇
我依家過緊既先係我夢想中既外國生活
後晚就走喇...岩岩check in完
我唔想從天堂走反落地獄!
反去d考試開始湧埋黎喇.....
仲要呢兩晚先開始同佢地玩得癲癲地
有咁好既呀哥同呀妹真好....
thanks Kawaii幫我同Rochelle慳左唔少錢
20090417
那天與昌昌逛outlet時.....
由於呢度部腦慢得太離譜所以之前d entries反nyc先edit喇
昌昌睇黎我都係反到nyc先sd相俾你!
晚晚都訓得勁舒服呀哈哈哈
Chris哥哥你張床真係好正呀!!
Rochelle放學反黎我地就去左metro town行街
買左兩對鞋一件褸跟住就破左產喇
件褸真係好貴好貴但我好鐘意
行到d鋪頭閂哂門伯父就黎車我地去食飯
最後一日喇
我要問伯父借一個gip先夠載我既野呀哈哈
仲有.. 伯娘話我面色好左叫我得閒黎回氣
所以我決定出年spring break用我d分換機票黎!
我直情想IMMIGRATE黎溫哥華! chris gorgor, rite
20090418
嗯....四個鐘後既依家我已經係飛機上等起飛喇
十日既VAN-SEA之旅話咁快就完結
呢十日黎我好似真係1d唔開心都無
反而日日都係度大笑好開心
伯父佢地每一個對我真係好好
我亦都好唔捨得.. 呢十日我真係過得好開心
其實真係想大個移民黎溫哥華
但我知我黎左就唔會想反香港
同埋我黎左咁耐完全無鼻敏感發作唔洗噴藥囉
thank you the Leung's
i gonna miss you cuz i love you so much, vancouver 
p.s. 大家不妨試下紅酒配皮蛋! 估唔到係唔錯既配搭
20090419
一次過好長咁擺哂d相喇哈哈
其實如果想齋睇相既就去facebook啦
My VAN-SEA Trip*
2009-04-08
出發出發! 出發去漂亮的溫哥華去
呢一日我早左兩個半鐘頭出機場囉
全因有兩位老人家太過騰雞驚我趕唔切
2009-04-09 Day 1
0130成功到達溫哥華國際機場
我成晚都同Hello Kitty同眠..無論你面向每面都會見到
不過呢晚訓得好少因為自己八掛要聯誼
加上Chris哥哥都係度我要把握時間玩!
三年半後重反舊地, 1d陌生既感覺都無!
俾伯父的左去開工一小時..呢個就係開工地點
其實我主要都係去影相俾Chris哥哥睇
是日仲打左唔知幾多圈牌
伯父食詐糊俾人笑;我食詐糊就可以扮見唔到哈哈
其實第一次同長輩打咁耐牌咋都係
伯娘係度都還好.. Kenny哥哥一落場快到差d跟唔切
Rochelle落西雅圖先,Chris哥哥今晚又反香港
所以夜晚得我地四個食飯
個apple pie俾我地一掃而空
2009-04-10 Day 2
HAPPY BIRTHDAY TO ROCHELLE
我伯娘伯父今日開車出發去西雅圖同Rochelle會合喇
不幸既係我地係highway塞左差唔多六個鐘等過border!
真係幾荒謬.. 其實本來都唔洗等咁耐不過好多人行shortcut
我地開始塞個度離個border只有大約2km架咋
期間又有記者訪問.. 我地後面架電單車唔cut我地陪我地一齊等呀
不過呢張影之前唔記得左較光暗最好搞到咁
第一次係條high度行路
行去duty-free shop度搵廁所買野食
又去左個公園度影下相
仲跳到鞋都甩埋 
六個鐘後我地終於都到左border可以過關過美國喇
去到西雅圖都差唔多八點...
我地入住Sheraton Seattle Hotel
放低行李我地就去搵Rochelle
主要今次黎西雅圖都係因為呢個Sakura-con
等Rochelle玩完反黎我地先真真正正同佢慶祝
Happy Birthday Roshi~~~ 
2009-04-11 Day 3
呢一日與一位中學好朋友重遇去outlet
好開心因為見反一個好耐無見既朋友
who is he? 蕭永昌同學是也
伯父伯娘車我地去跟住就分頭行事! 買左唔多野但買到想要既野就夠
我仲發現有dickies outlet 哈哈哈 不過我事前真係唔知架
反到downtown我同昌昌就去左sakura-con度睇
夜晚到我地同Rochelle補祝生日.. 去左cheesecake factory
我終於有機會食到佢d cheesecake喇哈哈哈..食完同伯娘行下酒店消化下
2009-04-12 Day 4
呢日伯父伯娘帶我去sightseeing
可憎今日係easter sunday好多鋪頭都唔開
就連最出名檔魚檔都無開.. 我無得大開眼界添
加上落雨好大風好凍我又著唔夠衫
我地行左Public Market Center
好多得意懷舊野睇影左好多相呀都
又去左全球第一間starbucks.. 真係多得昌昌介紹
去左搭呃人錢既monorail
再去埋都係呃人錢又無野睇既spaceneedle
全部都係國產 
再四周逛逛等sakura-con完
2009-04-13 Day 5
基哥生日快樂
當你每日起身刷牙/去洗手間時
望到呢個可以見到藍天白雲既天窗
我相信你會同我一樣心情即刻變得大好 
Rochelle放假三位ladies去飲茶同買今晚打邊爐既材料
再去飲埋比紐約既好味一百倍既bubble tea
真係嘆嘆嘆嘆嘆呀~~~~~~~~~ 
呢晚打完邊爐我地醒起要切生日蛋糕
係一個Hello Kitty雪糕蛋糕.. made by rochelle leung
我呢個妹實在太太太鐘意hello kitty喇 
伯父切蛋糕似許願.. 因為實在太太太硬喇
2009-04-14 Day 6
呢一去左油陶瓷.. 每次去溫哥華必做的事
俾時間自己靜下油下哂都幾好
咁就消磨左三個幾鐘頭喇哈哈哈
是晚我地BBQ.. 可憐既伯父冒死出去燒野俾我地食
因為佢有花粉症同埋北溫太多樹所以呢幾日都好辛苦
知道Rochelle鐘意Hello Kitty.. 盒相紙專登買黎溫哥華用架!
2009-04-15 Day 7
呢兩個星期係溫哥華既Cheer Blossom Festival
其實第一晚黑媽媽我見到櫻花已經話好想影
個陣仲未知伯父有花粉症仲問佢可唔可以帶我去睇
到左今日伯父真係帶左我去!! 佢真係搵命搏架 
先去Stanley Park行下再去個海邊唔記得左叫咩名
然後我地就去左University of British Columbia (UBC)
姐係兩個呀哥讀個間大學! 哈哈黎到溫哥華我都去睇college架
沿途都有好多好靚好modern既house同埋好多櫻花!!
一去到UBC伯父停低架車我就係咁影相喇 勁靚 
伯父閉氣落車幫我影相!!! 好偉大呀伯父你!!!!!
跟住我地落反去, 去左條街度成條街都係櫻花樹
一路影相一路哼住櫻花樹下都幾好feel 架wor哈
回家路上同伯娘傾左好多野..咩都講下咁樣
有好多好難解答既問題有時真係可以用聖經解答到
有好多好難解決/擺脫既事好多時祈禱真係幫到你!
其實只要你信就得架喇.. 伯娘多謝你
是晚Kenny哥哥請食飯哈哈哈
反黎做左我人生第一個sukudo..原來又真係幾好玩架wor 
2009-04-16 Day 8
今日一張相都無影過
五點幾出左去跑步
上斜落斜勁倦同埋我又再次好暈
暈到同Rochelle講要坐低抖抖面都青埋
唔做運動就係咁架喇!!! 不過坐係條車路上面吹風真係好正!
2009-04-17 Day 9
今日等Rochelle放學我地一齊去Metro Town行街
佢話要同我整wavy hair佢又整得幾好架wor
最先就買左兩對鞋.. buy 1 n get another 1/2
去完Aritzia之後就破左產喇但我又好鐘意件褸wor
係囉春天都到仲買件無減價既褸囉!
終於用完盒hello kitty frame 哈哈哈
我都唔知點解我憎hallo kitty憎到入肉架
2009-04-18 Day 10
真係黎到最後一日喇.........
訓醒沖完涼就開始摺衫我殺到成床成地都係野
齊人出左去食whitespot.. 伯娘又帶歡笑俾我地喇
依家諗反都會係咁笑哈哈哈你真係好傻仔呀伯娘!
反黎Rochelle好好人咁幫我執行李, 你真係淨係鐘意執人地d野架咋wor
出去拎反個陶瓷先.. 佢樓下有間二手名牌衫店
哇條裙由$98>$78>$35! 仲著到好瘦架wor
不過算啦我都無咩機會會去d咁fancy既場合.試過就算喇
反黎伯娘同我出去影我間dream house.
每次我都話呢間屋好靚架!
睇睇下電視話如果屋企無芝士送紅酒就可以用皮蛋
我伯父伯娘都一齊話痴線! 後尾伯娘見有皮蛋就試下
點知又真係得架wor.. 味道真係夾架wor仲好好味wor 
仲戰戰兢兢咁問Kenny哥哥可唔可以同我影相
佢個cool爆相搞到成屋人都怕佢真係勁! 
食完晚飯就出機場喇.........
我今次係溫哥華食左勁勁勁多新鮮魚哈哈
伯娘問我係溫哥華最鐘意食乜我竟然答滑蛋牛河
伯父成日足我懶音.. 我講個「靚」字係'land'而唔係'lang'
結果到我走個日我發現自己無意間講岩左呢個字哈
仲有Rochelle成日無啦啦「家姐~~~我i你~~」
然後就攬到我實一實勁lum哈哈哈
好想好想移民去溫哥華呀!
(public2)
回到紐約了...
回到這個似是熟悉但又唔想熟悉既紐約
回到這個死氣沉沉既紐約
嗯....我真係唔明點解會有人話想黎紐約甚至鐘意紐約囉!
俾著係我寧願長居溫哥華唔反黎呀
我一出機場我鼻敏感呢位老朋友又黎搵我喇
反到間房勁大陣酸叔味
你地十日都無開過窗呀!?
我好倦對眼勁乾但我真係訓唔著
我好掛住Chris哥哥張大床;
Rochelle每晚既「家姐, 我i你~~~~」;
伯父既爛gag; 伯娘既傻仔行為; 以及Kenny哥哥個cool爆樣
只係離開左溫哥華五個多小時我已經好掛住好掛住
can i just go back to vancouver right away??
(private)
個種極之唔鐘意紐約既感覺又再次反黎喇
唔知呀.. 一上機個刻見到d人我已經好反感
依家坐係度對住間房聽到佢地d聲我又覺得勁反感!!
我唔鐘意咁樣呀! 我唔想留係度呀.................
點解我唔可以移民去溫哥華既??????????
我真係勁掛住溫哥華.. 仲掛多過香港...
20090420
姑姐生日快樂!!!!
心情低落左一整天之後今日先叫做好反少少
痴線架呢度仲凍過溫哥華! 又落雨又大風好凍呀!!
係呀我仲係超級無極的掛住溫哥華呀 
今日拎左grad photos啦見到d相我真係忍唔住笑
我粒暗瘡勁明顯呀陰公岩岩係個T字位個度囉
曬相個度超搶錢! 五十蚊美金曬兩張5'x7'
執走暗瘡仲要另計十五蚊美金for each pose
哇痴線架變態架明搶架洗唔洗咁貴呀!? 
最後我係十六張入面揀左四張連埋稅同運費條數慘不忍睹
今次打左俾媽咪問清楚睇佢俾唔俾先架喇
連我自己都覺得好肉赤呀俾我用呢d錢買衫好過啦
我今次唔係思鄉係思加..... dun think too much please
20090421
HAPPY BDAY TO LAPYIN*
表姨呢排要慳家你份禮物我反香港先慢慢揀俾你啦!
我又係巴士上面跌左張metro card喇
一個月跌左兩次梁菁蕾你會唔會離譜左少少呢?
今次呢張仲要有十幾蚊係入面
跟住係學校唔小心挖到爆左刷個隻手指
本身已經那架啦依家流完血仲那
難道今日係我既黑人日?
尋晚睇左金像獎之後就睇左証人同天水圍的日與夜
一貫港產動作片既作風不過都唔差
至於天水圍的日與夜其實只係記述平凡人的平凡事
不過佢令我勾起好多被淡忘或者疏忽左既家庭回憶
或者呢個就係呢套戲既特點
20090422
又到左每月痛苦的幾天
仲親身示範左一次暈到PK俾自己睇......
今日最成功就係終於都執房
我依家對住張超乾淨超空擴既木台
不過兩星期後應該又會打回原形
但最起馬今次我執埋個櫃面
而個籃衫就......等洗埋下機衫先摺啦哈
阿光,當你再有得上網時再傾喇!!
上年今日係會考第一科時間過得真係好快
今年會考既朋友加油! 唔好俾其他野影響到呀
岩岩諗住差定個電熱水袋攬住訓
點知一插電爆左下火花嚇死我
都係用反最原始既入熱水落水樽
大陸野真係唔多信得過......
20090423
若有好心人睇我xanga的話
請寄我1-2盒必理痛經痛配方可以嗎?
我唔想下個月痛死無藥食呀
郵費藥費等我反黎一次過計啦
好心人記得留comment話我知
我下個月有無藥食靠你地喇唔該哂
Rhonda Leung
255-50 148th Drive,
Rosedale, NY11422, US
自從係溫哥華反黎之後
我每食一樣有包裝既野都睇下有幾多卡路里
日日就係度計住自己食左幾多唔可以食過二千
係屋企食飯係相當容易只要我忍口唔食零食既話千五都唔夠
要堅持到反香港呀梁菁蕾!! 哈哈哈哈
其實要多謝梁心兒唔少啦個日一睹你用磅磅早餐已經嚇呆
終於到星期五本以為可以去跳舞喇
只可惜岩岩收到壞消息就係間studio cut左班hiphop!?
有無搞錯呀又唔見你cut salsa, tango個d阿婆舞!?
唉星期六考完試出去睇左BDC啦!
20090424
summer is coming!
今日開始到下星期二天氣都會好好
氣溫將會同香港差唔多廿幾度
不過就算差唔多感覺上都係比香港凍
點都好我d flip flops終於都可以出動喇哈哈
聽日National Test Day可以免費考SAT
呢d唔洗錢既活動一定參加更何況下星期就考
但我知我會考得好差好差好差
考完就出去搵甄峰決定明天不回rosedale!
隻右眼唔知做咩係咁標眼水同好痛
20090425
yes, im in rosedale right now
National Test Day 下午出去考模擬SAT.
今次無上次做得咁吃力! 可能因為下午考同埋有些少準備
不過真正既SAT係0800-1300 我驚我中眼訓中死
連續做卷四個鐘之後好倦好倦好倦
六點幾先考完甄峰話佢要去朋友度所以我反黎
just finished watching 'Bride Wars'
嗯....又係度發夢囉哈哈
Anne Hathaway
serious menstrual pain makes me worried
由其係睇完篇新聞之後.. 哎也反黎一定要去睇醫生喇!
多謝好姊妹提點我會小心身體小心豬流感
新聞話Queens有間private high有75個人有流感症狀
好似好耐都無同香港既朋友們詳談
就唔岩時間個陣就好似好多野想同你地講
但到有機會可以同你地講時我又唔知講咩好
20090426
一定係尋晚睇完Bride Wars所以發個咁既夢
不過weird得黎都帶幾分甜蜜既哈哈
今日萬里無雲仲要有三十三度高溫
我又點可以唔出去感受下呢鼓熱氣呢
其實係約左甄峰佢陪我去報名
點知出到去收到甄峰sms話佢另有地方去 
成功地俾佢放左我飛機你好野!
咁唯有我自己去啦其實register左就可以
下星期日黎上堂喇!
搞掂我行反去penn station全程四十分鐘
行到我一身汗痴笠笠不過我好enjoy呢種感覺
都唔知幾耐無試過行到一身汗呀!
反到黎仲發現曬左拖鞋印哈哈好正呀
自我滿足左一日幾好幾好
甄峰我地要搵日去沙灘曬太陽呀!!!
岩岩食飯個陣姨媽話
原來NYC有75有流感症狀個間private high係我學校後面
OMGOMGOMG! 我真係要小心
(private)
其實係想寫係本日記度既但自己懶唔想寫字
Bride Wars
令我憧憬我將來既婚禮應該要係點
其實諗黎都多多地餘! 結得成婚先算啦
仲有呀呢排成日係度愛幻想呀
幻想同楊浩進一齊哈哈
又諗得幾真實可能因為我應佢父母
突然好想搵反同佢細個影個d相scan入電腦
如果第時真係真係同佢一齊既話
可以整本簿仔俾佢係full of我地既相!|
嘿嘿
好啦廢話講完梁菁蕾你應該訓喇
20090427
呢排慣左帶眼罩先訓得著
一定要戒左呢個習慣以免谷暗瘡
今日著到勁沙灘look反學
天氣咁好都無得去沙灘真係極度浪費..
不過聽日又凍反要長衫長褲反學喇
聽日開始補SAT
星期六就考喇不過我頭先報埋六月個個
因為今次一定考得好差! 睇下補一個月有無改善啦
考慮緊反香港補唔補但個巨額夠我去次日本
尋晚姑姐打黎搵我呀
彭子咕你得閒就upload相俾我睇啦!
噢附近又多間學校有喇
遲下俾佢地完全圍攻
20090428
呢排慣左帶眼罩先訓得著
一定要戒左呢個習慣以免谷暗瘡
今日著到勁沙灘look反學
天氣咁好都無得去沙灘真係極度浪費..
不過聽日又凍反要長衫長褲反學喇
聽日開始補SAT
星期六就考喇不過我頭先報埋六月個個
因為今次一定考得好差! 睇下補一個月有無改善啦
考慮緊反香港補唔補但個巨額夠我去次日本
尋晚姑姐打黎搵我呀
彭子咕你得閒就upload相俾我睇啦!
噢附近又多間學校有喇
遲下俾佢地完全圍攻
20090429
HAPPY BDAY TO CYNDI*
收唔收到我SMS呀?
今日去西班牙個班人全部叫哂落principal's office
開頭個個都驚係因為swine flu呀!!!
最後原來因為發現佢地有人飲酒吸毒
之但係有老師話左俾我地知有四個人奶野
其實全部人都預左遲早會有人奶野
因為我地附近兩間學校都因為swine flu停課
我唔想停課呀一停課就會延遲我個美好既暑假架喇
仲有希望學校weekend好大清洗!
夜晚去左補SAT 7-9PM
我係全班最最最唔掂個個囉
人地平均最多錯五題我就錯十幾廿題
唔可以再hea喇我.. 再hea就真係要同大學講拜拜
不過佢都幾好好有心教我覺得佢有少少似joseph
因為補習去唔到college fair..真係唔該哂兩位老人家
幫我拎左兩大袋大學既資料反黎呀!
遲d影有幾大疊俾你地睇哈
依家無時間.. 要做補習功課
20090430
好倦好倦好鬼倦呀
好眼訓好眼訓好眼訓呀
我都好想要個long weekend!
來到四月最尾一日
五月就開始要開turbo溫書
快d考完所有試我就可以反黎架喇!!
近排天氣反常
前日最高三十三度
今日最高十六度
跟伯娘傾完電話
嘻嘻傾得好開心好詳快呀
傻傻更更咁講電話真係好舒暢
亦都要多謝伯娘關心
aaaa... 你地去左沙灘??
No comments:
Post a Comment