逛逛逛

 

2009-07-09 (Thursday)

 

(岩岩唔小心high 錯制成篇entry 無左! 仲要就黎打完...)

 

今日同姑姐+程程去左東薈城行街
食個lunch 我地就出動喇
可惜我只係係 I.T. outlet 買左
由$359/set 減到$36/set 既bape 襟章
其實係真係無咩用架不過平到咁樣wor
唔買對唔住自己啦!! btw 要多謝姑姐哈哈哈

行到咁上下我地去左pacific coffee tea
佢個度d cakes 真係唔得.. 一係好甜一係陣味好怪

 

跟住我地好即興咁去左

.

.

.

.

.

 

機場
哈哈我地去左terminal 2因為要去kaloo 搵野
話說兩年前新年我地去bohol 之前係kaloo 買左幾隻公仔
點知係過海關個度.. scan 完我竟然成袋唔記得左拎
袋裡兩隻公仔就咁就無左喇.... 
仲要係個陣姑丈心情靚送俾我同姑姐架
但今次去已經無左個隻公仔賣.. 我地白行一趟

點都要影下相既點都

 

 

跟住我地又好即興咁去左媽公司
係媽叫我地上去.. 話姑姐同程程未上過佢wor
你無野做想搵人陪就真啦! 洗哂搵藉口咩哈哈哈

夜晚我地四個好即興咁去左八喜居( 前名八喜屋)食飯..

openrice 話呢間野係好差唔多得
其實就係你地唔識叫野食哈哈哈
我去咁多次都未睇過個menu..
次次都係老闆娘話事. 個日有咩我地就食咩
永遠都唔知價錢咁去嗌野食所以次次埋單都............

 

我地今日食左係日本空運到港既海膽同嚮螺 sashimi
好味程度爆登呀!!!!!!!!!!!!
放大d 俾你地睇啦

影相既同時我已經勁勁勁想食喇

你睇下姑姐幾開心幾咁忍唔住

我地仲好有幸免費試菜
試到來貨價$70 一片的和牛
我無影相呀因為佢地話凍左唔好食
我廢事side 時間去拎相機出黎哈哈哈哈
不過真係好好好好好味