20090501
聽日就考SAT喇!
呢個幾星期生活都充滿住vocab, wiriting, essay, math
話唔驚就假既不過我真係唔係咁驚
可能因為我知呢個試可以唔只考一次
不過點都要考夠分入public college先啦 
哎也連香港都有H1N1確診個案喇
我親愛既表哥表妹堂哥朋友們
你地要take care呀知唔知!!
記住記住記住 洗手洗手洗手
總之就將你地同我講過既野自己都做啦
我聽日要六點起身要早少少訓喇
WISH ME LUCK! 
20090502
上年今日考英文今日就考SAT
未考都打定輸數唯有六月六日再努力
回家執相個陣發現兩年前翻影既相
爸B與朋友們的年少時代.. 三十幾年前?
呢班uncle由細見到大睇到佢地真摰既友情
爸B有事個年幾我更加睇到咩叫患難見真情
睇住朋友拍拖結婚生仔娶新抱嫁女抱孫甚至離去
維持三十幾年的友情完全唔容易呀..好友們我地都要做得到! 
想起好多與呢班uncle既趣事亦睇反唔少相
佢地真係老左好多殘左好多不過又發福唔少哈
嗯就咁話啦! 暑假我地反去就約佢地請我地食飯
慶祝我地已經成年啦哈哈哈 
話時話我睇完呢張相我真係好想打牌哈哈 
唔記得左做咩野笑得咁開心嚕不過都應該關蕃薯叔叔事
諗下開心野時間又過得快d
諗少左負面野心境都開朗d
好似你地聽日去打war game wor.. 記得post相俾我睇就得架喇!!
唔知Kawaii你會唔會再次超英勇咁連殺三人呢? 
steph biu mui, 你封信我明明前日寄左
點知今日竟然係信箱出現仲要無打印既
可能佢睇左sender's做receiver's呀.. 
朋友們, 超長protected.
(protected)
(太長喇實在.. bold左某d字可能你地會易d睇)
呢排唔知做咩突然有好多感獨
話咁快我黎左呢度已經有八個幾月
依家諗反轉頭真係講得時間過得好快好快
諗反起我已經比以前無咁抗拒呢個地方
因為我知道唔鐘意我都要留係度多年半
成日唔開心係會令時間變得慢
成日思鄉會影響學業到時唔可以學成歸來
只係從外地反黎會失落反一兩日
過幾日就無野會接受現實
回想第一個星期黎到係好唔開心
掛住香港所有野同時又擔心自己無學校收
要係度呆等半年再讀等於香港ive既community college
心裡真係極不好受! 喊又唔敢係媽面前喊怕佢擔心
喊都要呢埋喊又唔可以喊出聲
訓廳個排最辛苦.甄峰同梁家希係我前面打機
我就係梳化度拎張被蓋過頭唔出聲咁係咁喊
或者可能佢地知我喊但俾我自己一個冷靜下
中秋個晚我打俾豬慈喊左好耐把她嚇壞了
我唔想過一個冷冰冰既中秋節
我又唔想見到人地可以一家團圓我唔得
其他人可以出去同朋友們玩我就只可以睇相
望住d相淨係識得喊其他野乜都唔做
喊左足足一個月之後以為自己開始習慣
怎料又來個狐狸精事件把我完全打沉
個幾日話病唔反學就呃你地既
係自己唔想反淨係想困自己係間房度冷靜
但根本就完全冷靜唔到腦裡不停諗住那張可惡既相
香港既半夜三更我打俾葉東誠發哂癲咁喊
係咁話我好掛住佢呀點解佢要咁對我
依家諗反都覺得自己完全唔理智
明知你在乎既人已經唔再在乎你
你做幾多野佢都唔會再理你更何況你唔係香港!
未講分手個一個星期真係勁辛苦
最辛苦既朋友們扮唔知繼續同我傾計又要就住就住
好聽d就係你想我地兩個自己解決
難聽d既係話哂你都係識佢先所以你幫住佢
又咁岩好似咩衰野都一次過走哂出黎
稍為平復既我上上下堂收到媽既sms
佢講我知既野把我嚇呆喇我真係唔知點解好
我竟然係堂上不停流眼淚嚇得老師不知所措
那次真係瘀爆喇
個段時間我甚至覺得我身邊既朋友續一離開我
應該係話佢個邊既朋友
通常係呢個時候先真正分得出誰是我的真正朋友
意外地除左呀lin之外我仲可以同大部分既你地聯絡
其中有d更加係我未黎之前好少傾計既
當然還有我中學既朋友同好姊妹
我知邊個唔會丟底我既
當時我好想反香港唔想再係度讀書
表姐每日都安慰我話我知反黎最壞既打算係咩
最後決定反香港讀大學但去完college tour之後
我同自己講我留係度讀書可能會係一件好事
起馬反黎搵工人地知你係外國讀完大學英文會好
同埋你又係香港讀過中學會識少少普通話
加上我反香港讀大學既話我一定會分心
到時腦裡只有玩而唔係讀書
同埋入唔入到又係另一回事
依家既我有時會迫自己用英文去諗野
因為我好想我既英文有好大既進步
甚至我對住中國人唔用普通話同佢地講野
唔係因為我串英文勁其實係因為我普通話極度普通
講講下最後都會轉反做英文.不過呢d都係之前既事..
依家已經好左少少架喇肯開口用普通話講野
至於朋友方面依然係少到無得再少
係學校既朋友其實一隻手就數得哂
同學就有好多得閒講一兩句咁囉
但放左學仲要傾計既朋友真係好似無
rena.dorothy.kiran個d傾計只係gym堂
放學真係連聯絡都唔會有
其實都唔多岩傾始終文化好唔同
有時都唔知同佢地講咩野好
唔緊要啦年半咋麻.到大學先識朋友啦
只係我會錯失好多係外國讀high school既回憶
但我絕不在乎因為我對呢間學校比對ltp更無歸屬感
以上有好多野都係我無講過出黎
唔知呀有時覺得講左出黎你地會話我好傻
梁菁蕾根本就係傻既 醒既話就唔會係真正既我
同埋有時我想講個陣你地又訓哂/唔得閒
擺底左之後又唔想拎反出黎講
今次一次過打哂出黎我真係覺得好好好舒服!
20090503
尋晚十一點就訓左十點起身
其實都訓左十一個鐘但真係仲未夠
無架喇要等到五月廿五先可以大訓特訓
我真係真係好想要個long weekend!!
無間斷咁落左成日雨連把遮都爛埋
出去BDC跳舞.. feel so good
跳完成個水人咁下星期都係沖埋涼先走哈
趕火車反Rosedale因為無人車
天黑之前要反到黎唔係我唔敢行個段路
反黎緊係要做反我既weekend routine
哈哈哈..因為薜凱琪既《給十年後的我》
我寫左一封信俾十年後既自己 
鐘意呢首歌鐘意到發瘋喇
哈哈哈哈真係笑死我
點解我會到今日先發現到呢d相呢!? 
20090504
first day of the last marking period
第一日巴士就死火又遲到!
老師們終於露出真面目喇
痴線架喪俾測驗囉... 更年期!? 
回校發現學校完全無清毒過
哎也非常時期呀仲唔清潔幾時先清呀!?
放學反黎仲可以同馬欣慈小姐傾兩句
好心你就早d訓啦夜鬼!!
又要趕readings.. 其實已經係上個mp既功課
佢嚇我地話再唔交扣我地每人五分平均分
結果反黎就要死趕爛趕 好彩有spark notes
打黑痴掩口鼻呀姨丈!!!!!!!! 
20090505
請容許我懶醒反一個entry咁大把啦哈哈哈
因為對我黎講真係過份的amazing~
May 2009 Student of the Month Award
recognition of Academic Excellent in English 6
一個上堂一言不發做自己野又遲交功課
都可以拎到student of the month award
未免真係太神奇了吧
不過真係開心因為得到老師既肯定
仲要係黎左美國第一個獎呀wow
thank you so much. ms. Battista 
繼續繼續繼續俾心機!!!!!!
(private)
this is what ms yu has just sent to me. thank so much ms yu
u have parts of the work which made my english has improved a lot!
my favorite teacher in LTP!! :)
I DID IT! rmb when dongyup got this adward previously
i was jealous. i mean it! then i asked myself if i can get it or not
n today when i was reaching to ms battista's desk to hand in my work,
she gave me this. there was a blue sheet on top of it
n she told me to see what is under it. i shocked when i saw that!!
OMG. STUDENT OF THE MONTH. ACADEMIC EXCELLENT IN ENGLISH 6
everybody was clapping hand to congrat me. im so prove of myself actually haha
btw, pay more effort!!!! no more laziness, rhonda :)
20090506
哇我等個太陽等左三日喇
但點解都仲可以咁凍既?
不過都係對得一日聽日又落雨
夜晚補習喪做SAT
當然成績就同上次一樣係全班之最差啦
結果就收左3cm厚既功課全部星期六交
岩岩先反黎食完飯咋
打完就要去溫math喇聽日test......
sincostan你地好煩呀! probabilities你都好煩呀!
我成日都撈亂哂nCr個d野囉... 痴線
ooo my mum has jus asked me if i want to come back earlier
hahahah i want to!!! will find out tmr
probably can come back on 25/6 or earlier
refresh左勁多次先mantainence完
為左有比較足夠既睡眠我決定走兩堂
訓多個半鐘先起身仲俾左半個鐘我同好友們傾計
可愛妹我地好似好耐無試過咁樣講無聊野
雖然只係短短半個鐘但我已經好滿足
想起那時你坐係我隔離行日日都傾計
好記得你個勁眼訓樣哈哈
細細聲同我講:「rhonda,好悶呀!!!!」
得閒就係個書包度拎把較剪剪開叉
上中文堂可憐到只係距離一行都要sms講野
仲有我地五個上堂喪講核突野哈哈哈
嗯懷念懷念
唔係香港真係多左好多時間做無聊野
例如呢樣個樣同埋呢樣個樣咁哈
真係好無聊同好悶好寂寞 
其實我真係好唔鐘意俾人一輪咀咁問我野
特別係我好唔想講野同好想要私人空間既時候
但我廢事出聲我廢事俾人話我唔尊重佢
考英文既好友們加油呀!!!!!!!!!
(private)
無錯, 我尋晚發夢又夢見你呀楊浩進
哈哈我都知自己有少少離譜成日夢見你
今次唔係同你拍拖.. 係同你同校
成日同你夾schedule希望同你一班
好傻呀我真係....
20090508
我又繼續與vampire做朋友喇
好鐘意睇書可以將自己融入個故事入面哈
全堂加埋老師得三個人你試過未?
個個走哂去考esl不過同個老師傾左成堂
夜晚同姨媽契仔成家食飯慶祝母親節
廿幾人食但係我成程都悶悶不樂
我唔係唔鐘意同佢地食呀係我勁思鄉
睇到成班細路玩我就諗起你地喇 
仲有個幾月姐!!
我諗都係唔可以廿五號前反喇
因為呢聽閒如果平均分有85以上有scholarship
成六百幾蚊美金架!!!!!!!! 
如果係真既話呢我真係hehehehehe
20090509
訓得好差唔知醒過幾多次
起身周身骨痛頭又痛
十二點半就要出去補習
我係無一次成功抵達目的地
每次都都蕩失路每次都行餐死
補左三個鐘做左勁多readings
佢叫我星期四記哂頭十個word list
個度大拿拿有成300個vocabs呀大佬!
我記到60個都已經好好好好叻
我download緊lion king 哈哈
突然之間好想去olando個disney world
係囉諗下好喇都唔知幾時可以再去!
聽日出去dancedancedance
aiya.... wt happened ar?
(private)
依家香港時間已經係十號朝早十點
唔知你記唔記三百六十五日前你對我做過咩呢?
可能你唔會記得但我可以話你知
當日你對我做既野實在太太太難忘
令我太太太感動!
同樣地, 係公公既死忌
20090510
HAPPY MOTHER'S DAY ♥
今日有三樣野係一周年
公公死忌完成會考令我感動的事
黎左九個月嘗試左好多個唔開心既第一次
最唔慣既都係大時大節無得同屋企人慶祝姐
尋晚同媽講電話佢話食飯時麻麻拎左張卡出黎曬命
跟住就問我點解唔寄卡俾佢
我唔係無寄呀係你未收到咋謝女士
仲sd左sms俾諸位媽咪s
你收到代表你係我心目中有特別既地位* 
跳完舞反黎沖完涼就去飯堂食飯
同malina成家慶祝母親節
最近我竟然對酒精飲品沒興趣世界變喇哈哈
影左少少相不過質素其差
呢兩日喉嚨都持續乾涸唔知係熱氣抑或作病
依家嘆緊三冬茶睇下飲完聽朝點先算喇
(23:56 依家喉嚨痛痛地喇shit!!!!)
唔講喇我咩功課都未做書又未溫過
仲有一籃衫未洗同一籃衫未摺
20090511
同姨媽鬥咳咳左成晚今朝喉嚨痛喇
反到學校去medical office 拎口罩
點知俾人的左我入去個護士度
探完熱睇埋喉嚨佢話我'not that serious'
仲問我係唔係因為遲到想入黎拎late pass扮野
頂你我想講個陣鐘都未打囉
拎唔到口罩之餘仲要俾人屈
全日講左好少野我廢事傳染其他人
加上我極度眼訓中左好多堂喇
係英文堂後面個korean問我係咪香港人
跟住問我香港係唔係有個歌手叫stephy tang
哇乜原來佢咁出名架咩!?
放學反黎見姨媽仲咳我問佢有無打算去睇下醫生
佢話佢自己無病係敏感唔需要去睇
你敏感都應該去睇下醫生丫橫掂都唔洗錢架啦
又唔係唔會出街你睇醫生離你平日飲茶既地方咁近
睇怕我既weekend routine要變成monday routine喇
快d過埋呢個幾月咁我就可以過反兩個月唔洗做家務
我真係明白點解媽咪要請工人
夜晚有人黎整電線因為成日short電
丫我間房依家成陣男人臭味呀
(private)
單身半年. 這半年仍不時想著他
值得高興的事最近心裡所想的再也不是他,而是另一個他
這可算是一件好事..起馬對我來說是
把他放下了嗎? 是的. 但還有一部份的仍需努力!
加油啊梁菁蕾.. 不久的將來你可把他完全放下的了
只是半年的事. 要徹底放下並非易事
但可把大部份的放下已是踏出了成功的一步!
特意用陳丹儀格式是要提醒自己
現在他們相處的十分快樂.
不要再當巫婆; 不要再盼望他們分手之日乘虛而入!
20090512
發完脾氣
咳咳咳咳咳
尋晚飲左三冬茶鹽水同蜜糖水
今日喉嚨唔痛喇不過好痕
搞到我係咁咳咳咳
派左report card
仲未達到我既目標
math呀math你生性d好無!?
對住部電腦係度禁禁禁
都無野好睇但又要堅持坐係電腦前
其實我仲有補習功課未做未溫vocabs
乜都唔想做發生咩事!?
唔知點解我覺得今集gossip girl好好睇
每次病親都會比平日更掛住屋企
20090513
最近沖完涼鐘意攤係床度
用電腦做功課溫書睇書寫日記
可能係覺得張床係最乾淨哈
前日睇新聞話美國可能唔再公佈確診個案既數字
簡直就係ridiculous plus unacceptable
美國人真係唔迫到埋身都唔識驚
今日既咳比尋日好喉嚨都無咁痕喇!
好彩有林文俊既藥係度咋食左真係好好多
如果食佢既藥清哂d咳咁就唔洗去睇醫生
唔洗專登請假係個診所度等三個鐘
補sat d人真係堅勁
有個想入Havard讀音樂個老師話佢七成入到 
而我到依家丁點兒進步也沒有
好後悔係香港個陣唔好好咀嚼grammar!
依家先開始追真係十分之吃力
其實諗落sat真係有d似UE既open cloze
oooo 香港個電話完左contract
拜拜喇我用左六年既人仔
我轉反去3台喇
20090514
收左end term calendar
final's schedule 編得密密麻麻
但好彩regents' schedule可以有充足時間溫書
最開心既係知道下個sem九月八日先開學
我有足夠既時間留係香港玩玩玩同玩
仲有考toefl同補sat.........
入黎時佢地見到我中五中文有唔合格
錯誤地編左我去abc班同abc一齊上堂
成日作埋哂小學個陣已經作過既文
題目經常為:《我的......》
如今我作過我的父親母親朋友
是次題目為《我的一份生日禮物》
對於我呢個帶點弱智既人黎講
作呢類文我先可以發揮到
因為只要亂吹就可以唔需要論據
出年就唔係咁架喇ap class
又多三間學校停課
我唔希望有日係新聞見到FLHS停課
i would cry.
20090515
哈哈哈哈哈我笑左成堂
佢坐左落一張痴左食過既香口膠既凳上面
跟住條褲痴左香口膠佢叫人拎冰黎俾佢
真係九唔搭八搞到濕左一撻勁似賴尿
又係咁拎紙巾係度抹又用張枱係度磨
一時又吉高個patpat問我地仲有無香口膠係度
仲周圍同人講荒死無人知咁
最後有個老師經過話medical office有方法整甩
佢即刻一枝箭標去整哈哈哈真係笑到我傻
唔知點解當我好開懷咁大笑既時候
腦裡記起個陣綠雞次次笑親唔係碌落地下
就係烏底身忍笑再唔係就拍哂手大笑
哈哈哈哈綠雞你既舉動留下深刻既印象
一個月後就last school day喇
哇巾幗梟雄真係好睇!
Kawaii你真係無介紹錯
改左機票
六月廿五到九月八走
20090516
溫書時發現既哈哈哈
係度倒數自己仲有幾多日反香港
不過我諗今次無咁多閒情逸緻去倒數
用d時間黎溫書仲好啦
hxxx 說 (16:05):
我早訓邊有得比個機會你同我傾計丫..
哇你好偉大呀
我唔咁講邊有得你笑呀
都講左原因俾你知點解我係咁打錯字啦哈哈
你唔俾我留言我咪打係自己個xanga度囉
that's the same thing
不過都幾好係我做功課勁悶個陣
有以為自己好偉大既人同我吹下水
好野我聽日跳完舞奉旨去行街買野
應該唔會有人明白架喇
因為有時連我自己都唔明白
算啦你地真係唔會明架喇
(private)
其實....睇左咁耐有邊日係超級真正開心?
岩岩係度諗可能反到香港都唔會好似上年咁開心
唔知呀係咁諗咋
20090517
每個星期六晚都有半個鐘同媽咪增進感情
你出左聲會令人地唔開心
但係唔出聲你又會覺得對唔住自己
硬係有道氣係度頂住頂住
所以唯有搵方法令自己乜都聽唔到
不槐為兩母女
我都係鐘意有人陪行街多d
自己一個行街有時真係好無癮
調櫃
抽哂大櫃d櫃筒出黎擺哂d野入去
拖個實木櫃出去再拖個大櫃入黎
唔通我係大力士?
快d到下個週末
我期待左好耐既long weekend黎喇
(private)
又睇左套令自己落淚既戲
生離死別 旁觀者傷
《愛情故事》
why cant u jus stop thinking of him?
20090518
我幾度懷疑自己係神經失常
一時心情好平常但轉個頭可能就好唔開心
係咪荷爾蒙失調呀?
自問係一個鐘意亂諗野既人
我知呢個係一個缺點但有時真係好鐘意諗野
應該係因為我媽陀我個陣睇得金庸小說多
其實如果你地問我做咩唔開心
有時我真係唔知點答你因為連我自己都唔知點解
本來我係應該好開心既但又搞到自己好depressed
依家好多時我會想自己一個人唔想講野
好似今日咁放學到依家講左十句野都無
im so depressed without a reason.
its really hard to tell...
(private)
其實....如果.... 無分手既話........
今日係我地一齊十八個月!
係囉... 只係「如果無分手的話」
20090519
點解上年既船河好似好輕易就搞得成既
點解今年既船河搞極都有問題既
我唔想約哂人跟住兩星期前先知拎唔到船
咁樣極度無癮姐係咪呀
唉你地鐘意點就點
大人做事細路唔可以出聲
我唔想一陣又俾人捉住講道理
但其實我真係好想好想去船河
20090520
又來個H1N1疑雲
雖然停課可以徹底消毒間學校
但係代價就係延遲放暑假
亦姐係話要改機票延遲反香港
所以千其唔好停課呀拜託
因為要補習要跳舞無得去pennsylvania
算吧補習緊要跳舞緊要訓覺更加緊要
history 唔洗上係度同yuetfuning吹水
佢問我近排追緊咩野無線劇集
不約而同地話:「巾幗咩雄」
其實個梟字點讀架?
sat tutoring發覺自己好似有些少進步
開始錯少左好多繼續努力
哇alanleung你終於都得閒hi下我哈
20090521
每月一痛又來打擾我喇
不過應該聽日先係最最最痛個日
我唔敢去medical office敷暖pad
因為今日經過見到好似打緊仗咁勁多人
我唔明點解淨係有病既戴口罩
但係入面做野既全部無戴囉
五月二號考既SAT出左成績
夠分入public college
但仲差九丈遠先夠分入Marist
依家每個課室都有一大枝hand sanitizer
老師們話high schools絕大機會都唔會停課
因為我地有SAT,Regents,RCT,finals
一停課所有野就會亂哂龍
咁我就放心得多喇哈哈
met my counselor, Ms.Tu during lunch period
talked about my senior year's schedule
哇我淨係上五堂咋不過2nd sem就上六堂
- AP Chinese
- English Honor
- US Government/ Economics
- Chemistry
- Senior Pre-calculus
- Health (2nd sem)
返七點三放十二點發達喇哈哈哈
代價就係要每日五點九起床...
依家我有少少期待我既senior year哈
不過對於我呢個三分鐘熱度既人黎講唔洗幾日.......
媽咪scan左一封信俾我
呢封信對我黎講好有意義
我估唔到你會睇到之餘仲回我
我地個個都等你架!
可能我前日發脾氣有用哈哈
我都話唔可以咁樣冒險架啦
媽咪同契媽去北京玩得開心d
唔洗買手信俾我喇無野岩哈
20090522
終於都到星期五
夏天終於都來臨紐約
十分熱十分潮濕十分香港
我忽然間覺得我屋企人好巾幗梟雄
人前人後兩個樣好恐怖好大奶奶好蔣必文
而我就好三奶奶對住佢地真係即刻唔敢出聲
又好蔣必正成日都感情用事
好想搵個屋企人傾但我真係唔知搵邊個好
因為我覺得平日最信任既屋企人卻係最危險的
except my dearest lovely mother ♥
食完飯回程時見到個好靚既咸蛋黃
好想搵個人陪我去睇日出同日落哈哈
岩岩見完長左唔少肉既子柔bb
係咁伸俐又牙牙學語好得意呀你
等多一個月啦一個月後表姑姐反黎同你玩
happy birthday.
20090523
香港時間的上年今日
好懷念喔
第一次同朋友們去船河
第一次玩香蕉船
第一次咁高跳水
第一次玩沙灘數字/閃避球
第一次係沙灘上飲芝華士哈哈
第一次船河完去運動場沖涼
第一次第一次好多個第一次
真係勁正勁開心勁想一齊去多次
想下好喇真係哈哈
一早起身牙都未刷就同kawaii傾計
哈哈哈我一直以來都被人高估
尋晚發現有平野
平到打電話去問佢驚無貨哈哈
聽日我就去殺佢一個措手不及吧
20090524
今日出左去血拼搞到我依家傷痕累累
正確黎講係媽咪傷痕累累哈哈
俾佢查到真係殺死我都似好彩佢人在北京
次次都話買埋今次就唔再買喇
點知下個星期出到去咪又係抵受唔住引誘
唔敢想像第時我識搵錢既時候會係點
可能係月頭就用鬼哂所有錢
任務都叫做完成啦唔好再叫我買野喇
今次返黎兩個幾月好多野帶架!
突然哼起好多小學崇拜手冊入面既歌
例如生命如光歌
「求父使我生命如光 在此世上輝煌
小小火焰 照耀明亮 無論我到何方」
哈哈哈machi我諗起你小學個陣個樣呀總隊長!
哇仲有一個月咋!
時間如果持續過得咁快既話
好快好快好快我就反黎架喇yeah
20090525
Memorial Day
連姨丈都有假放佢地一早出去飲茶
呢d咁健康既活動完全唔岩我
整sat d word lists 整左我成個假期
其實我可以就咁print出黎就可以
但可惜我係一個追求完美的人哈哈哈
聽日又要反學喇
仲要反七點三去考中文呀
唔計分但唔考出年就唔可以讀中文
麻鬼煩
20090526
F3便服日! cyndi你寫錯左喇
應該係kawaii條褲最最最搶眼
你個條青BB褲真係經典哈哈哈
哇我個陣把頭髮短得好緊要呀!
好似真係有好多年無真正咁剪短過
放心我唔會捨得剪短我把秀髮哈
晨早反去考個小學一年班都識既中文考試
俾個幾鐘我地做我做左十分鐘就訓訓訓
連個lunch period我都拎埋黎訓覺
回家竟然同到siulinto skype
哈哈哈甚麼冬甩同青馬大橋真係笑死我
你等我好好咁諗下辦法啦
又hea左一日乜都無做過
淨係玩查指甲油玩左好耐好耐
同埋睇eclipse又睇到著了魔
哎也你快d反黎啦我就快悶死喇
20090527
今朝係巴士訓緊覺俾媽咪噪醒左
佢條友都唔知係咪發左達哈哈
正正式式轉左台喇我
不過真係抵過人仔
平左之餘仲多左分鐘唔錯唔錯
補習十份功課ohmygoodness
星期六做哂佢完全沒可能
btw 其實補習比反學更開心
我係補習個度勁多野講
可能因為有好多同鄉係度哈哈哈
十三個學生入面有大半都係香港人
聽日端午
謝瑞卿你記得留返隻紅豆糭俾我呀哈哈
哇勁耐無同過彭子咕講野
反黎我地四個一定要癲反幾轉
20090528
哇竟然俾我係一個荒廢多年既相簿度
搵反少量我差唔多四年前同梁家希去溫哥華既相!
spring break時係chris gorgor部腦度又搵唔反d相
隻碟又唔知去左邊又無label
不過都好架喇搵反少少回味下都好!
落左成日雨見唔到太陽心情都低落d
五月尾我既理想溫度係>27度架麻
點知依家連廿度都唔知有無
唉快d考完試啦.
20090529
今朝六點幾見傾盆大雨
又未諗好著咩衫反學再加上自己好眼訓
所以訓多個半鐘先起身哈哈哈
話咁快就五月尾
話咁快就星期五
實在太好嚕哈哈哈
其實再過快多少少我都唔介意架
下星期六如果好天的話
考完sat就同表哥去sun bathing
終於睇到一套無線既劇集唔係爛尾喇!
20090530
係'未來表姐夫'個facebk度見到呢張相
第一次見'未來表姐夫'係響威爾斯探爸b
雖然佢係木木獨獨但佢對老人家好好又好錫表姐
相信你地會係好好好幸福的一對 ♥
如果我能夠參加佢地個婚禮我諗我會感動到喊
佢係我第二個最close既表姐
係麻麻第一個孫女出嫁呀
咁特別既時刻我都無得參與真係可惜可惜
點解要揀十一月結婚呀芷茵表姐 :(
尋晚熄機訓教聽到耳邊有蚊聲已經心知不妙
但真係好眼訓既關係搵被cum過頭訓
點知今朝起身發現右手有五粒蚊lan痕死我
朝早唔知道倒橙汁個陣滴左少少落地下
到補完習反黎發現有條蟻路
我係咪同d昆蟲有仇?
洗碗個陣唔醒起個煎pan有水
結果倒到成地都係水抹死我
是日運滯
聽日一定要好天呀拜託
我要帶部大機出去周圍影相呀
american idol season 8 winner - Kris Allen
真係無論樣同聲都唔差
(private)
amazing. im chatting with tamyiklun
20090531
manhattan again
無開門呀間野乜都買唔到
下次真係醒少少打電話去
唔洗專登走落去睇
本來諗住一個人去central park
但好似有點兒寂寞就聊表哥去啦
仲專登去買條短褲去曬太陽哈
我都唔知點解我今日會著長褲出街
誰知一出subway天陰陰好大風想落雨
去到大草地我地就鋪床單
好彩表哥帶左床單咋d草濕架
個太陽出左黎十分鐘咋
不過好好風扒係度睇書好舒服
當住咁多人面前換褲都係第一次
因為我懶因為廁所好遠哈哈
無啦啦埋邊有棵樹既樹枝lum左落黎
整親一個女仔又好耐都無人黎幫佢咁
表哥話係空曠地方又驚俾雷打中
係樹下又驚lum樹枝哈哈你又講得幾岩
話好未完就落大雨走都走唔切
唔緊要啦下星期六再放晴我地再黎過
行左十幾條街之後好即興咁走左去睇戲
night at the museum 2
我地兩個霸左成行真係幾爽
不過第一集真係好睇好多
呢集有點兒不知所謂
睇完就去等火車
表哥令我再愛我的單反多一些哈哈
nice day with my couisn :)
睇下d人真係走都走唔切
wow last day of may!!!
No comments:
Post a Comment