不愉快的船河

 

2009-07-01 (Wednesday)

七一回歸日
我同班好朋友去左boat trip.
未上船已經知今次唔會好玩因為有唔識既人一齊

今日風和日麗. 天氣真係超級好

 

我地隻船有個傻婆不斷向經過既船隻揮手 

大合照.. 其實呢度加埋我淨係識十個人囉

有專人按摩真係嘆

有人踩埋背簡直爽死

新識左個朋友.. bear

急不及待係高處跳落水喇! 今日係我 09下水禮呀

突然間有大船經過.. 我地食哂佢d 浪
個陣我同班朋友係海中心.. 見住隻船45度角咁搖
又見住billy 差少少俾佢嚇死.
仲見到基哥係船尾勁風騷咁向我地揮手..
返到船上見到一片混亂.. 最最最唔開心既就係我唔見左副rayban
相信已經石沉大海.... 又或者有人手腳唔乾淨
與其懷疑人咁我不如當佢跌左落海算啦
無人叫自己咁抵死擺係個度唔收好佢架!!!
不過你地既說話令我更加唔開心...

後尾我地去左滘西洲.. 個度勁多船
同埋有魚排係度俾人釣魚.. 完全無個種boat trip風味
唔係個d感覺似荒島既地方度玩...

阿光..卓面...kawaii同我
唔坐駁船上灘.. 係都要游過去
我諗我地游左都有半個鐘
係度飄下飄下其實真係幾舒服架~~

我地三個拖個唔識游水既.. 睇佢幾驚自己會浸親丫

我地三個真係堅勁哈

我地上到灘喇終於都!! 不過上左黎兩分鐘都無又要走
同船有人話想join 返另一隻船既frds wor...

我地架船係好遠.. 張相較左手邊直望會見到有2個白點
我地隻船就係個度喇!!!!!!!!!

四位勇士.. (最右手面既billy 除外)

我地去到一個比半月灣更近西貢既地方..係正三星灣對面
只要俾十蚊從西貢碼頭可以搭駁船到既地方
其實我真係勁不滿.. 咁樣都叫遊船河?

阿光..卓面.. 我.. 加大b 又過要游過去喇
好彩今次短好多咋.. 大b 唔識游水都要用個水泡游過去
真係唔識死哈哈哈

呢舊野應該係人地整定影婚紗相
因為呢度有好多人黎影...

佢地係度等我地黎個陣就係咁影相

唔知幾耐之後我地終於都到岸喇

真係倦死

 

幾個男仔擺哂pose影相以為自己係model
其實好終於個d 樹枝影哈哈哈

 

我同kawaii 加個唔識既女仔又影

又跳

呢度有人係度影私影.. 成七部機影呢個女仔架

 

我地幾個要影返輯跳跳跳相.. d沙勁勁勁熱呀
同埋有好多殼係度.. 我腳板底真係受傷

 

best shot of the day.. 真係要放大佢!!
真係影得唔錯.. 最可惜就係影唔哂每一個人
我諗全日最開心就係影呢d相既時候喇..

阿光跳完成身沙.. billy 有件隱形背心

 

佢地兩個真係sweet 死. 旁人見到羡慕死

回程了.....

 

其實今日我真係好唔開心.. 你地所講既野真係好hurt我
不過自己平日都係咁講人.. 依家人地講返你又唔開心
完全係唔玩得既表現.. 要改要改...