0601
first day of june. 
隔離老伯伯種左變種大紅花
仲大過我手掌不過其實都唔知係咪真係大紅花哈
大得十分之誇張
breaking dawn上腦
發夢將自己代入左去bella度
再將bella帶到我既日常生活中
i love this dream n i miss it.... 
today i asked a guy to cover his mouth when he coughed
then he told me he didnt have swine flu so he didnt have to
u have to cover ur month whenever u cough
no matter u got swine flu or not ass hole! 
imagine if their saliva n snot have spurted on ur back
dammit how disgusting it is !!
anyways he was not the only one i told him to cover his month
almost everybody doesnt do it here so shit
final exam gonna start on wed
SAT will be on sat. not much time to go
0602
懶健康食學校新出既salad
結果絞肚痛絞到依家
健康到將體內所有垃圾排哂出黎
真係唔做運動都瘦喇即刻 
剛剛小睡片刻
起身以為夠鐘反學
同樣的七點同樣的燈光
只係我迷迷糊糊定唔知過份清醒
以為1900等於0700am
想再訓但唔可以
聽日考試乜書都未溫 
我每篇entries突然多左個'read more' button
但禁入去係無得read more既
溫書喇溫書喇
最多溫完獎自己睇五十頁breaking dawn
反埋聽日有假放喇加油加油
0603
Brooklyn Queen's Day tmr
will be no school. hurray :)
i can sleep til 12pm yeah
there r too much unnecessary holidays here
maybe it will be a good thing
but for me, now, is kind of a bad thing
i rather they shorten the school days
in order to extend my precious summer vacations
really cant wait til 21days after
yea.. i cant control myself from keeps counting down
times really go slower in the last month gosh
btw, final exam is started
finished bio n trans eng part1
not too bad but not that good
no pain no gain
0604
姑 媽 生 日 快 樂 *
haha counting down. so silly
20 days more :)
六四對我呢個90年代出世既人黎講
根本唔知發生咩野事
淨係記得呢日係我姑媽生日哈
唔洗反學諗住訓到十二點
點知十點半又俾人噪醒訓唔返
今日要有五件事但依家先做緊第三樣
唉點解呢度做proves要寫咁大段野!?
點解唔會用reason? 好煩囉
好耐都無試過做數做到勁炆
社長個陣領教唔少哈哈
佢地過影姨姨度食飯
咪搞我係呢度已經俾人煩夠
唔通仲要我過去俾人煩多兩錢重咩
有機會俾我自己係度靜下真係要好好珍惜
聽晚去表哥度訓
我決定帶個帎頭擺係佢度
唔洗我次次係佢度都訓矮頸哈哈
0605
rain rain go away
come again another day :(
today was kind of cold... for me
how come the temperature is below 20degrees in June?
isn't it supposed to be higher than 25!?
history final today
chinese-korean coorporation XD
not bad not bad
mad at yf
I have been waited him in outdoor for almost 2hours!
it broke my record
yansiufung u r the king of lateness
I'm not that patient all the time
u should gimme ur keys next time
SAT tmr
wish me luck
0606
係表哥度真係超級熟睡
加埋個帎頭簡直係無得頂哈
今朝七點起身換衫收床走人
呢次又簡單左
readings全部都係好生活化既文章
係完全唔會睇到我中眼訓既
之前我話考SAT係考我既耐力
依家應該話要與時間競賽
不過做section2 readings唔知係咪鬼掩眼
有24題我做到14題見下面空既就以為做完
到揭去section3既時間先發覺有十題未做
幸好section3係math 做完我偷偷地揭反前面做左五題
其實做完一個section你係唔可以去反之前個個
但係做錯會扣分所以撞都要撞反幾題
四個鐘話咁快就過左
又去左babyGap幫媽買禮物
早知今個星期先買珮珮條裙仔啦
頭先見到減價平左usd10
反黎就一直hea到依家
打算聽日先溫書
好倦好眼訓
0607
HAPPY BDAY TO KAWAII BABY N IPMAN*
其實我都係鐘意果張清水灣藍天水著相哈哈
不過次次都用又好似好鬼悶咁
好姊妹我返黎先同你補祝
有成兩個月俾我地慢慢玩
玩到山窮水盡都要繼續玩哈哈
今朝同你個半鐘的閒談真係好暢快
好似好耐都無咁樣咩狗屎垃圾都講一餐
等我返黎再慢慢傾呵呵呵
聽聞又有兩個人無心肝wor!?!?
allison, machi ~~~~
尋晚同我親愛既媽咪講左個幾鐘電話
我感覺到我媽好想我快d返黎
不停問我返黎會有咩野做
有野要睇又話等埋我返黎先一齊去睇
快喇仲有十七日就返我既五星級的家架喇
十點都未夠就俾人噪醒左訓唔返
又係電話聲!!又係腳步聲!! 頂 
尋晚先俾隔離屋d人噪到我要用紙巾塞住對耳訓
今朝又要未訓夠就俾人噪醒
我勁勁勁耐無試過訓到十二點起身
訓到十一點半都好似係係溫哥華既事
一個好鐘意訓覺既人無好覺訓係件好痛苦既事 
都唔明點解可以一放假就淨係識打牌
唔會出去下行吸下新鮮空氣
不過都好你地打多d最好日日都打
咁我就日日都可以自己一個靜下
岩岩發現買錯子柔bb 既size
明明佢一歲都未夠我點解可以買左18-24months
哎也又要出去媽話要買埋俾芯翹同立言
縱使我係好鐘意行bb衫鋪
但唔知點解自己一個行同買個陣真係好尷尬
(private)
無愛情呢其實private entries對我黎講真係無咩意義
講秘密野我有手寫日記甚至dadeepside
其實唔秘密既我都打哂出黎public
橫掂都係得我真正既朋友們先睇到我既xanga
除左個d為左利益而俾佢地睇既之外
所以呢依家真係少打左好多好多
不過唔緊要啦
假若下一段感情發生時
可能我唔會俾我男朋友知xanga既password
我又唔會知佢既password. 我地要有返少少私隠
下星期全個星期都考finals
wish me luck la
基本上我都係當佢地test咁做
真係既exam係regents呀
經歷過會考之後
係我心目中既考試就只有公開考試
0608
又到星期一又到上學天
眼訓到想死成日都諗不如早走反黎訓
好彩lab堂老師無返我訓左成堂當堂精神哂
成個星期日日都有試考
但我每日唔到臨訓之前果兩個鐘我都唔溫書
唔知呀依家覺得係公開考試先叫考試
係學校個d同tests完全無分別
放學返黎見到咁多人online以為佢地睇波
點知一個二個都係溫書
不如你地俾少少勤力既基因我好嗎?
星期一放學最大既娛樂係睇美女廚房同星星同學會
真係好好睇好好笑哈哈哈
無架喇愈黎愈懶做咩都提唔起勁
胃好痛
食完野仲痛
我唔想你呢個老朋友返黎搵我呀!
0609
Lousin Vuitton: A Passion of Creation Exhibition
縱使無得影相但我都有興趣去睇下
我仲想去個隻最古老郵輪行下睇埋個書展
有無人願意陪我去呀打算閒日去廢事同人迫
其實有無人陪都無咩所謂最主要係我想去影相姐
七月會展既書展我諗住又獨個兒去
上年自己去其實真係幾好時間上flexible好多
我可以企係度睇哂成本《殯儀》
加上今次有單反可以再係star ferry影日落
仲要挑戰心魔自己行哂成條尖東海傍哈哈
我仲要去赤柱影相同入馬灣探芯翹bb!
有機會既要入埋南生圍同下白泥影相呀
不過呢d真係要搵個人陪下先得
嗯... 忽然之間覺得自己好健康好藝術
0610
今朝五點半又係電話聲!
頂我諗我唔到返香港個日都唔會有好覺訓
呢排腸胃差得好緊要
個胃經常隠隠作痛
一定係訓得差呀! 一定係呀!
收到個d貴到痴線既grad photos
我無俾個十幾蚊佢竟然幫我執走左粒大毒瘡
仲執埋我面上既墨同較到張相柔和左
哇我個樣勁假呀!
0611
final既認真指數近乎零!
淨係得英文同數係認真既
如果我下星期仲係咁既話
我諗d regents即刻死哂
完全無六月既氣氛
我好掛住個種熱屎辣辣既感覺呀
有乜理由六月都仲係十幾度架
有乜理由仲長衫長褲出街架可以
返多兩日學就唔洗返喇好野!
0612
一連3科finals兩篇final essays
寫到手都軟諗到頭更大
今日唔俾我地出trailer上堂
聽聞有十七個seniors尋晚勇闖trailer
搬哂所有木台木台凳凳出黎
shit all over the place 
然後係黑板度寫senior09
都唔知係真定假但係出自老師把口
好核突呀! 點解佢地咁都做得出
我星期一仲要去個度上堂架
不過佢地話年年d seniors都玩野
上年係廁所玩「水」玩到封左一半hallway
有年玩火不過我都唔知佢地點玩
夜晚出去食飯悶到痴左線
成程飯淨係講左hi thankyou bye
同成班老人家食飯真係好想死呀
望住坐我對面個個貌似三十尾
但其實得二十一既肥佬食飯
真係乜都食唔落不知幾想走人
李曉昕小姐
你估我今年有無機會去你屋企sleepover? 
2007-08-10
♥DA 說 (0:05):
我真係有5請你食飯
big sam allardyce 說 (0:06):
我有中英兩科C 請你食culture shock lunch._.
♥DA 說 (0:06):
好!
♥DA 說 (0:06):
如果我真係有5你話事
♥DA 說 (0:07):
如果我真係有15分就請你食餐好勁既
咦莊森.. 我真係有5 wor
不過我唔記得你中英兩科有無C
返黎再同你計哈哈
0613
今日最後都無出去補習
橫掂月頭都未交學費唔算浪費哈
原意就係諗住留返係度溫書既
話哂下星期就要考regents
最後? 懶人通常都係得個講字架喇
又同kawaii傾計哈哈
洗唔洗我搵lanie同佢溝通下?
但我怕佢唔係幾聽得明佢同鄉講咩野
講是非真係女人既天性哈哈
無計我地兩個係八婆
不過係好既八婆!
時間好快過架咋
係我都唔知自己做過咩既情況下
咁就已經過左六個鐘
六個鐘前我坐係電腦前
六個鐘後我都仲係同一個位置
想睇我張grad photo就去protected啦!
(private)
人生最美好的90件事,你還差多少件?
√ = 已做過了
新規則：
1) tag X個人
2) 被 tag 的人加多一件自己覺得幸福的事
1．戀愛 √
2．笑到彎腰 √
3．洗個熱水澡 √
4．超市結帳不用排隊 √
5．一個特殊的眼神
6．得到郵件 √
7．聽到收音機播放最喜歡的歌√
8．躺在床上聽屋外的雨聲 √
9．發現心儀的衣服半價出售 √
10．一個長途電話 √
11．哈哈大笑 √
12．一次投緣的談話 √
13．去沙灘 √
14．在去年穿過的冬裝外套裡找到20元鈔票
15．自嘲
16．午夜煲電話粥數小時 √
17．毫無理由地大笑 √
18．有人告訴你你很漂亮 √
19．為心裡的笑話而發笑 √
20．有許多朋友 √
21．第一次墜入情網 √
22．純屬偶然聽到別人誇自己 √
23．一覺醒來發現還可以睡上幾小時 √
24．初吻 √
25．結交新朋友或與老朋友在一起 √
26．深夜不眠與室友聊天
27．有人撥弄你的頭髮 √
28．甜美的好夢 √
29．和朋友結伴路上旅行√
30．蕩鞦韆 √
31．與喜歡的人相擁在沙發上看一部精彩電影 √
32．新買的歌碟裡印有歌詞，唱歌不覺得傻冒 √
33．去聽一場真正不賴的音樂會√
34．每次看到那個人心裡七上八下的感覺 √
35．與一個可愛的陌生人目光相遇 √
36．贏得一場真正有競爭的比賽 √
37．看到朋友臉上的笑容，聽到朋友開懷的笑聲 √
38．與很在乎的那個人牽手 √
39．碰到一個老朋友然後發現有些東西無論好壞從來不會改變 √
40．發現愛是沒有條件的，比時間更經久
41．擁抱你所愛的人 √
42．觀察別人充滿期待地打開你的禮物時的表情 √
43．看日出 √
44．早晨起床感謝老天又賜予你美好的一天 √
45．擁有推心置腹的朋友可以哭訴自己最隱秘的問題 √
46．聽一首令你有共鳴而流淚的歌 √
47 . 深夜睡不著悶死時遇上同樣是睡不著的友人√
48. 極疲倦的時候倒在床上抱頭大睡 √
49. 在藍天白雲下的草地上狂奔 √
50. 曾經打上電台節目點唱給朋友或有朋友點唱給你
51. 有人認同自己 √
52. 熱得很的時候, 可以吃著自己最喜歡之味道的雪糕 √
53. 銀行戶口憑自己努力第一次賺得五位數字
54. 有人跟你說話令你感動得哭起來 √
55. 談過一場不後悔的戀愛 √
56. 情人給你弄過一餐飯, 不理味道如何你也窩心過√
57. 爸爸媽媽沒有怪責你, 縱使那次你做的那件是錯事 √
58. 曾經減肥成功
59. 無論你遲到多少, 都有人願意等你 √
60. 至少開過一次生日會 √
61. 有人親手整禮物或蛋糕給你 √
62. 有人買到你的心頭好送給你 √
63. 可以買回童年時最愛的玩具
64. 男的曾經擁有一架玩具模型, 女的曾經擁有一個芭比 √
65. 你最沮喪那刻, 撥一個電話有人就來了 √
66. 遊車河 √
67. 山頂看夜景√
68. 找到一個和你性格很相近很夾的朋友 √
69. 嬴/抽過一次大獎√
70. 暑假上過自己真係有興趣既興趣班√
71. 做過一份認為最舒服既暑期工
72. 嘗試過失而復得的滋味 √
73. 老師滔滔不絕地稱讚你的功課 √
74. 看過流星許過願
75. 可以食雞翼 √
76. 去好遠好遠之國家旅行 √
77. 一個人去做自己想做ge野 √
78. 自己在乎的人一樣好在乎自己 √
79. 去沙灘睇日落
80. 曾擁有一段朋友以上戀人未滿的關係 √
81. 唔舒服有人照顧自己 √
82. 當你好gips, 岩岩可以番到屋企, 享用你ge專用廁所 √
83. 身體健康,能隨心所欲地活動 √
84. o係你一落飛機果刻收到你情人/朋友o既msg √
85. 一覺醒來, 睜開眼, 看到自己這生最想看見的人√
86. 放工/放學,一踏出門口發覺情人在等你,給你一個驚喜! √
87. 當你喊既時候,中意既人0係身邊攬住你! √
88. 電腦有無數咁多張同愛人/朋友們影o既相 √
89. 一覺睡醒聽到自己喜歡的人的聲音√
90. 認識了一班志同道合的朋友 √
91. 有一天出街時覺得自己：今天穿得真漂亮 √
其實我都幾幸福
0614
HAPPY BDAY TO STEPH BIUMUI*
癢死我喇!! 我隻左手腫到連d靜脈都唔記哂
痴線架好咬唔咬咬舊骨
仲要咬埋我腳指na 真係無蚊性架
我媽尋晚叫我返香港唔好講咁多紐約既壞印象
廢事我細佬聽完之後唔肯過黎
哈哈哈你都幾識保護你個仔
原來伯父返左香港
唔知我返黎佢走左未呢??
電腦今次short岩左
我終於都dl到hk toolbar喇....
進入super countdown既日子心情極度興奮
就係今日收到姨媽既超級大利是
講左好多次叫你唔好對我咁好架啦
不過都多謝哂我又多左錢返黎玩嚕
其實我寧願你送個條鎖匙頸鍊俾我哈哈哈
0615
last day of class
不經不覺黎左十個月
不經不覺已經到最後上課天
其實呢一年我日盼夜盼都係等呢一日
不過通常希望愈大失望愈大
事實係唔會同你所想既一樣架
好似係學校無咩特別經歷過就已經到最後一日
最深刻既就係俾人偷完野再失而復得囉
我諗呢年係我讀咁多年書講得最少野最自閉既一年
但願出年情況得以改善啦 
就係咁我既junior year就完左喇
一個本來唔應該出現既學年完左喇
再返多三日學考試我就可以返香港!
一路聽住在晴朗的一天出發
一路打xanga都幾新鮮哈哈
不過可以聽返呢班DJ把聲我覺得好親切呀!
0616
為左唔變做蚊lan蕾所以繼續噴蚊怕水訓覺
可是第一日假期我竟然九點半自動醒左!?
今日很有溫書的mood速度亦頗快
可能因為我對左尋晚做個份pastpaper
打激唔大唔洗擔心會唔合格出年要重讀掛哈
下午去左我兩個月前就掛號既牙醫
由於我唔再係一個小童所以唔可以搵表嫂幫我洗
同埋次次搵佢都唔洗錢又唔係幾好意思
因為佢個度洗一次要美金200仲要佢自己貼返
橫掂我有insurance包牙醫唔洗錢
最後緊係發現唔洗錢既野真係唔多好架啦
洗得超級求其同埋好似無幫我liu牙石
無理由我無睇兩年半丁屎牙石都無架!
洗完又唔覺得自己棚牙乾淨左咁囉
豬表姐今日講句'will see u next sat'之後
我就覺得佢好似真係離我好近咁
又或者咁講好似我真係好快就返香港
哈哈哈哈哈開心死
原來我好耐無寫過自己既中文名
寫返發覺自己比以前寫得更更更核突
我個名好似永遠都唔會寫得靚咁
0617
第一日考english regents
三小時腦不停手不停咁諗諗諗寫寫寫
自問已經唔算做得慢但都係尾三離場
點解其他人咁勁個幾鐘就做哂兩大篇文
好多野要諗要組織要寫都可以咁快?
直覺話我知聽朝我會唔夠時間做
考完好似大傷元氣返黎竟然訓左兩個鐘
係咪因為太耐無認真對待考試!?
唔洗今晚幾點訓呢?
溫完呢樣又唔多夠時間溫第二樣
每次唔到last minute都唔後悔shit
李曉昕小姐歡迎email給我
rleung_da@yahoo.com.hk
im always here for you
我真係好想依家有廿幾三十度呀喂
十幾度我覺得好凍好冬天好討厭呀
0618
一起身我真係講左句「好凍」
落狗屎呀今日有遮等於無
regents exam 已完成75%
考完bio我真係鬆一大口氣
仲差下星期二既中文同maths咋
我可以開始寫定張執野清單喇
前日定唔知大前日林頌璋同我講
我地有位親愛既上6A同學去左參加yes校草
我睇完張poster之後真係作嘔全部都係mk仔
唔講係邊個啦豬慈我好明顯係post出黎俾你睇架咋哈
最估唔到就係咁快就一年
我既布吉團友們你地相唔相信呀?
0619
HAPPY BDAY TO KATHERINE*
哇我竟然訓到十二個鐘
其實係因為尋晚無啦啦上唔到網
搞左勁耐都唔得咁唯有訓覺
下午因為梁家希所以要出city買野
香港無褲無衫俾你買咩!?
要我帶咁多野返黎我無位喇
跟住再返flushing慶父親節
個個一坐低就問我做咩未走幾時走
第一次見到咁既乳豬全體
勁核突呀仲見到d牙呀...
對腳就斷因為今日著左high heels
其實我好後悔買左呢對鞋
因為我只係著左兩次哈
好彩我既每月一痛係我上機前黎姐
0620
死人綠雞挑起我條相機根搞到我勁想買LC-A+
要媽咪送既十八歲生日禮物未免過份左少少
好似自從爸b唔係度之後我無特別要求過買聖誕或生日禮物
依家每年返黎兩次更加唔敢要求
媽咪依家變得太好易話為好少say no
同埋我好怕買完之後其他人既閒言閒語真係好煩
好似我買咩想要咩都關佢地事咁
點算點算點算
點解梁菁蕾你大洗左咁多
點解你有咁多野想要同想買架!?
爸b 你大可以放心
你所有菲林單反同鏡頭我會接手
落雨加每月一痛
真係令我好心煩諗野更負面
(private)
我訓唔著.. 但又懶得開燈寫日記又懶得寫字
仲有四日就返香港嚕回想起時間真係過得十分快
呢十個月發生過好多事 (岩岩20號黎左十個月喇!)
同倫分手啦手機被偷啦離家出走啦差少少無書讀etc
其實呢十個月黎我諗我自己真係大個左好多
起馬英文好左不過衰既就係比以前更大洗
可能因為街出少左所以一出街就買好多野
又或者可能係因為廿幾蚊美金唔多貴
成日覺得雙位數字唔多貴咁囉
呢d都係要慢慢地改變
姐係好似頭先我勁有衝動買lomo LCA
hkd1980 usd22x 我竟然睇完美金個價錢之後
同自己講:其實又唔係真係好貴姐
哇你真係以為自己發左達咩!?
同埋有一樣野我唔鐘意既係
我真係發覺我成日被我d好朋友利用
好似頭先hogap咁我諗住問下佢呢排點咋麻
佢都未答我第一句就問我會唔會咩野返黎
咩野意思先依家!? unlimited luguage?!
痴線我依家推得就推
雖然我返到香港會收返錢
但係我都唔可帶咁多野返黎架
我自己都有野要帶架成班都痴線
family boat trip個邊又出左少少問題
jackie姨姨佢地黎到姐係蝦妹唔黎
跟住jacky叔叔仲係英國未返黎不過jona會到:]
但係咁就少左10個人依家要搵10個人黎填返
媽就係咁叫我叫我d朋友去
第一: 我d朋友唔係真係同佢地岩玩同埋熟
第二: 其實初初個原意係family members only
但依家都已經搞到不倫不類咁
第三: 我顧到呢邊就顧唔到另一邊
媽就以為我講緊錢既問題
係我唔想同屋企人玩既時間忽略左我d朋友
第四: 叫得呢個就要叫第二個.唔叫一陣又嬲又乜
以前可能我會唔理三七廿一就叫我理我邊個唔鐘意
但依家唔係. 因為我已經同倫分手我唔想同呢班朋友疏離
叫左呢班一陣綠雞又問做咩唔叫佢又有排煩!
我有好多野都要兼顧所以都係唔好喇我唔想麻煩呀
phuket trip 已經係一年前既事嚕
時間原來真係過我好好好快
上年既依家我地出緊去central festival行街
好開心的一個trip. 以後都唔會再有機會一齊既組合
兩點喇.. 要試下訓喇...早抖
0621
HAPPY FATHER'S DAY ♥
上面既野全部都唔係我架
梁家希你既野佔左兩大袋囉唔該
下次都係set個quota俾你好d
愈諗就愈多野帶返黎真係傻傻地
尋晚係我就快訓著個刻媽咪先打黎
其實我真係唔鐘意你同我講電話個陣成日講佢囉
你十句入面有八句都係同佢有關好煩呀
仲有成日都聽到「咁人地...........」
點解我唔聽見你話你同梁家希一齊既野既
淨係識叫我同我細佬溝通多d我諗你都要!
希望除左做facial既時間之外我唔會係其他時間見到呢個人
呢個成日霸住我媽咪搞到佢唔痴家既人
係啊咁大小姐咁細路仔架喇
不過你都唔係好得我幾多架咋
我成日都覺得我媽係完全俾佢食住上
都唔明點解媽咪會聽哂佢話咁鬼乖
除左提及呢個人之外
仲提及我最愛既契媽呵呵
星期五就可以見面嚕
溫書溫到好悶呀
其實都只係做左兩份pastpaper
哇終於都洗左個堆衫
我唔洗就唔洗執野架喇
彭子咕你係唔係去左長隆左已經?
0622
最近因為經常無三點不睡
搞到d pimples又開始冒出黎
起身第一件事就係online check-in
我見好多位都已經俾人劃左
班機應該都會幾爆
我諗今日溫書溫左一個鐘到啦
只求八十分以上都應該唔係太難既
唔好出proofs就得架喇! 我一題都無溫過呀
終於搵到可以將.mov轉到.avi既software
我就咁玩左成個下奏不知幾好玩
哈哈哈返黎再拍多d片咁聖誕又有好野睇喇
0623
我最愛既表哥生日快樂 ♥
彭子咕我真係勁期待返黎同你地三個發癲
我儲左咁多個月既能量係時候要釋放喇
阿欣唔好呷我醋哈哈
考埋最後兩科regents喇!
考中文個陣個阿sir要每題讀個小故事
佢英廣普都無樣讀得好佢讀個陣我忍笑忍得勁辛苦
最好笑就係佢讀talent show 做thailand show
math b 好彩都唔太難希望無咩careless mistakes
終於都考完試 終於可以返香港喇哇哈哈哈
執完嚕! 頭先姨媽話:「你唔洗執咁多野架你會返黎架」
ohhh 返香港係唔同返紐約架!
kawaii 我落機之後應該會去上水食飯
返到屋企打俾你睇你拎唔拎野啦
呢十個星期我唔要好似上次咁
好似發緊夢咁過 我要過完之後好深刻既!
my summer vacation has just begun
0624
蕭仔生日快樂*
nyc 07:36
依家係JFK飲緊晨光第一焦糖咖啡等上機嚕
十幾個鐘頭之後就到我最愛既香港喇
感覺跟上次一樣之前極期待極興奮
但到左呢一日呢種感覺真係無乜
我真係唔想又好似發夢咁過左呢十個星期呀
上機前同媽傾電話佢話落機同彭氏食飯呀yeah
又話1-2/8 會有the leung's camp 又係個個地方呀正呀!!!
到上機時個空姐同我講我upgrade左去business class呀
開心到係度笑係咁講thank you very much 哈哈
太好喇俾左我既暑期一個好好既開始
頭十個鐘真係過得超級快
全班機我諗都係得十個人有戴口罩架咋
成個business class得我一個戴仲要俾我問我有無事
後尾個四個幾鐘就辛苦少少因為開始覺得好焗同好辛苦
唯有訓覺個陣就除低唔戴啦
又眼罩又口罩真係想焗死自己咩唔通真係吊頸都要透下氣
我勁佩服坐左對面個鬼仔大昏迷訓左全程
點解你訓到咁耐我唔得架?
0625
死人彭子咕踩中我d腳指
俾姑姐捕捉到呢個重要既情景哈
經歷左十四個幾鐘頭之後終於都落機喇
我個人就upgrade左但d行李無
所以都係要等勁耐先出得到黎
媽咪同姑姐黎左接我機
由見到佢地個刻開始把口就無停過
除左沖涼同去洗手間既時間之外
講到我口勁乾以為自己發病呀真係
等埋包同咕放工我地就去天外天食飯
食屎你地兩條友一見到我就彈開話要隔離
我隔離你地兩個就差唔多哈哈哈
我好似好耐都無食過新鮮既海鮮同肉喇
成鬼日都食急凍肉真係想死
唔夠訓再啤酒溝紅酒搞到我wingwing地
我d酒量唔係好淺架囉,ok?
食埋甜品就返屋企
真係勁勁勁眼訓
我諗我唔係發夢係因為覺我自己根本無離開過香港
0626
這是一個白痴仔所為
不過多謝你俾個機會我行多左路哈哈
但你刪左個張有初戀味道既相我會搵機會報仇
好開心呀今日可以與我班好友們見面
見面前先去剪髮 係個度玩得都幾高興哈哈
走左半年我既口才好似又差左
定唔知我幫我染髮果個人真係勁串
不過效果差左囉
剪完就去食sushi with kawaii n ip
食完佢地就跟我返屋企拎佢地d野
係旺角見到ipman
再入粉嶺同光枝koey大b食糖水
捕捉到佢地醜怪既一面哈哈
吹左陣水就返屋企嚕
不過我地過幾日又見面啦
都係最鐘意係香港既感覺
好屋企好親切
(private)
頭先阿燁係我屋企個陣無啦啦話arlun搵你呀
我以為佢玩野點知真係! 嚇左一跳
唔知係佢想同我講野定阿燁室個電話俾我既呢?
都唔知同佢講咩好得佢問我答咁囉
問下我幾時返幾時走
又問我地會唔會有機會見面
我話應該有 然後佢就話:「咁大鑊!?」
跟住我話:「咁你唔想咪唔好見囉」(大概係咁)
佢:「講下笑姐」 都唔知講笑定真
but anyways.. 好耐無聽過佢把聲
聽完之後個心又囉囉攣有少少掛住佢
0627
今日其實真係影左好多相
不過通常覺得好個d大部分都out focus
一來自己有時心急二來俾人渣機
下次俾人渣機個陣都係較返AF
同埋要媽咪同細佬控制好部單反
我地三個不約而同地著polo
搞到我有少少唔想三個行埋一齊
無見半年立言真係大個仔左好多
識講好多好多野當然比之前更百厭啦
臨尾仲係咁嗌「表姨表姨」咁追住我
不過你百厭得黎又有幾分得意既
尋晚同今朝簡直係一個惡夢
我都唔知點解自己完全訓唔到
咁早起身就睇返哂細個既相
以前星期日早左起身無野做又係咁
我發覺以前好多相爸b 都係用單反影架
個d 淺景深全部都好靚架!
聽日又係我既family day hehehe
抽多d時間陪下屋企人都係件好事黎既
哈哈哈呢張相我同梁家希都話媽咪拎個胸黎頂住立言個頭
0628
一訓訓到一點鐘真係勁耐都未試過呀!
好滿足好滿足好滿足
下午我地三個加姑姐去左又一mall
佢地兩個去睇transformers我同姑姐行街
同姐姑無買過衫呀淨係買左兩包糖
完全無人相信哈哈 d野唔抵買丫麻
佢地睇完我地就返上水食飯
我發覺我對呢個地方已經係似曾相識
有好多地方我係知但講唔出佢係邊度囉
或者咁樣都好既哈哈哈
又係去強記啦不過個組合正如彭子咕話齋
真係怪怪地 好似大時大節先會係咁既組合
食完飯出黎諗住五個影下相
遞部機俾阿咕個陣大快放手成部機蹤左落地下
阿咕接左三次都接唔到
呢個等左年幾既報應終於都黎喇
真係未試過係電視睇美女廚房同星星同學會
不過我好眼訓.. 都係遲d dl返黎睇就算喇
0629
尋晚好早訓今朝五點幾就醒左
hea 左五個幾鐘先刷牙洗面
下午淨係出去做facial
人手不足連facial 都無得做
淨係修修眉就走人
回家scan返細個d 相準備今年聖誕用
出奇地搵到好多好耐未見過既相
依家係屋企標緊油 一陣落街行幾個圈先!
0630
呢排一日失眠一日渴睡
尋晚九點幾就訓左喇
黃昏出去與好友們睇transformers 2
我覺得呢集好睇過1 wor反而
可能我好鐘意佢d 背景音樂
好鐘意係戲院享受個種勁重base重震撼既感覺
睇完大伙兒去左譚魚頭打邊爐
凳都未坐暖billy 就發功
打到十二點幾就搭小巴返去
唔知做咩又胃痛勁多胃氣
聽日船河喇太陽繼續出來天氣繼續熱啦!
唔知點解今年所有船河都係有阻滯
好似個種盡興而回既感覺消失了
No comments:
Post a Comment