燃燒左都變無

 

2009-08-23 (Sunday)

在港最後兩個的週末

首先要去做d 返黎咁耐都未做既野－拜山!
我呢個不孝女/不孝孫女.. 返黎就快兩個鐘都無去拜過爸b 同阿爺
(其實仲有阿公都未拜..... )
今日就去探下你地啦!!

今日係處暑.. 熱到飛起
以為同姑姐去就唔洗行奪命斜路同樓梯啦!
點知架的士上上下山先發現封左路
最後行既路程比平日既仲遠呀!! 曬死我地
d 汗係咁滴.. 簡單標油呀!! 燃燒左唔少脂肪呀即刻
不過真係熱到覺得自己就中暑咁款好辛苦!
平日我地拜山就落大雨或者天氣唔好.. 今日就曬死..
爸b 你真係明玩野呀!!!

拜完之後我地去左elements 行街
兜左好多個圈成日都要去睇牌..
成日覺得自己蕩失路...真係好鬼死大呀!!

行到咁上下又係搵野食既時候!

我地揀左呢間wooloomooloo steakhouse
本來諗住上平台試下個d 既.. 但我地覺得好唔抵.....呢間既價錢都ok 啦!

今日姑姐代表佢屋企三位男丁來同我地食飯
因為三位男丁都要為錢努力奮鬥!

佢地三個叫左lobster soup

而我就揀左onion soup with fresh toast..
因為我知飲完lobster soup 會好鬼飽!

呢個係penne rigate with wild mushroom
佢個sauce 好得! 同埋我好鐘意食cream sauce 同mushroom..
所以我覺得全晚最好食係呢個!

medium rare sirloin

side dish 簡左 grilled asparagus! 好好味

呢個係bb 牛黎既.. 不過唔記得左同佢講medium rare
結果變得好有咬口....... 呢個真係失敗左

通常我一拎起menu 係會睇dessert 先架哈哈..
無辦法.. 甜品先係全餐飯既精髓!

我地揀左三個desserts!
第一個係souffle for two.. 揀左呢個有酒味既
不過d 酒其實都揮發哂.. 係有少少酒香囉
呢個係三個之中最好味!

apple crumble..
呢個唔係我想像中既apple crumble! 都係溫哥華果個最好食
呢個太甜喇... 甜得有d 過份

chocolate hot cake with vailla gelato..
由於我媽仲係掛住諾士佛台果個超好味心太軟
所以佢話呢個唔好食哈哈哈.. 但我又覺得ok

個topic 叫《燃燒左都變無》咪就係咁解囉!
burn 左幾多都係食返哂落肚..........

所以食完我地要再去行下街!
我都係鐘意行harbour 同又一城多d 姐! 太名牌喇呢度
唔係幾岩我地呢d 小市民行架真係

我與我的弟!

我地似樣咩? 我又唔係幾同意......

 

係咁打黑痴流鼻水仲有少少喉嚨痛.. 作病呀真係
大獲喇!!!! 等我去完旅行返黎先病喇求求你