肥死我地的超蠔晚餐 PART2

 

(哇出面狂風雷暴, 橫風橫雨!)

2009-08-08 (Saturday)

CLICK BACK TO 肥死我地的超蠔晚餐 PART1

今次我地訂左十打蠔..有五款不同的品種
我淨係記得有south pacific, 南非, 澳洲..

我地曾經訂過好似手掌咁大既珍寶蠔
食完之後真係唔洗食其他野, 超級之漏!!

今次我地個個覺得南非細細隻既係最好味
有隻個款比較兜既排第二, 味道比較清
而最唔好味個隻我地話有腐屍味!

除此之外, 我地就訂左cherry stone..呢個係最貴最唔抵既!
好鮮好好味! 怕腥既可能你地會接受唔到

有珍寶帶子. 我地已經一開二左.. 好鮮甜, 正到不得了

最後仲訂埋牡丹蝦! 不過比上次好似細隻左

我地仲有從我地食開好正個間日本鋪帶來的sushi

同刺身!!!!

同海膽兩版!!!!!!!!!!!!!!!

個個已經急不及待咁食喇!! 再加埋紅酒同白酒..
極品呀真係!!

睇下我地個個食得幾咁滋味~~

我地仲訂左青口!! 不過我唔係太鐘意食

唔該哂我地既大廚 - 彭太 (我姑姐)!!

以上既全部係我地既頭盤
食完已經差唔多十一點哈哈哈 (我地九點半開始)

姑姐開始廚main course 喇!!
佢專登係屋企帶左呢個pan 黎煮牛扒同羊架

我地有西冷同羊架! 不過煮唔哂
(出blog 之日: 一陣我地去姑姐屋企食埋佢哈哈)

好味!!

我地仲有岩岩係北海道空運到港既哈蜜瓜做甜品呀!!

真係唔肥死都幾難..
但食得是福! 有得食真係最開心哈哈