2009-08-01 (Saturday)
第二年既The Leung's Camp..
上年我地都係黎呢個位於西貢企嶺下新圍的camp site
係姑丈公司既屋.. 有超級無極大海景架!
有興趣就click back to Farewell第五炮:: The Leung's Camp* 啦!
尋晚我地玩到好「早」先訓覺
訓左好少時間又起身. 倦到傻! 
一齊完lunch 我地就搭的士入去喇! 我地咁多人搭的士仲抵過轉車
settle 好我地就hea 陣先.. 
姑丈呢個手動啤酒冷凍器
我地個個都好熱, 要飲返杯啤酒順下氣先!
呢個時候我地輪流pump 個大水泡一陣拎去玩
今次姑丈渣埋佢隻船黎, 咁我地又多幾樣野玩!! thanks 姑丈
其實個大水泡已經有more than 十年既歷史架喇
細細個果陣我地玩過.. 個種感覺我仲好記得!
唔知今次玩又有咩感覺呢???
見唔見到有隻船駁緊埋黎呀! 就係姑丈黎喇!!
影張相我地就拎埋個大水泡落去搵姑丈去玩喇!!
上次boat trip 我地有玩wakeboard 既經驗
不過上次個船家不理我地死活咁開船
( 姐係唔理我地上唔上到水, 唔會就住我地)
但今次唔同, 係姑丈渣船.. 會就住我地開
結果我地緊係個個都上到水唔至三秒啦!!!
終於都搵到玩wakeboard 的樂趣喇哈哈 
包包.. 上得最耐水!
彭子咕.. 上次玩連佢個頭都影唔到 
今次終於都上到水喇!!!
呢兩個人真係旁若無人架~~~
今次好快就上到水既阿欣!
其實係對鞋勁難著入去!! 著到我地個個都嗌救命
無辦法啦, 我地遺傳了梁家的厚腳板呀!
終於上到水多過三秒既我.. 張相真係影得好核突
第一次玩wakeboard 既大佬仔
連姑丈都要試玩呀!!
做咩變左阿咕渣船既?
咪因為我地既船長唔理自己手痛都要試過囉
又俾佢上到水wor 哈哈.. 姑丈勁呀!
呢張影到我好瘦呀哈哈
見唔見到我手臂有一撻好似胎痣既野呀?
其實係我之前兩次曬著住有袖衫, 呢個位無查太陽油
搞到手臀兩節色之餘仲要窿左一撻好核突!
今次不理自己有幾肥都要著無袖曬返均勻呀!!!
包悶到玩gel 頭........
好喇! 玩完wakeboard 我地就玩大水泡喇!!!
CLICK TO:::
The Leung's Camp 2009 之水泡與晚餐活動篇
No comments:
Post a Comment